湖南臺嘅節目《我是歌手》
前兩年就改名做《歌手》
不過得個名唔同
其實內容都係咁上下
今年嘅節目從1月開播
到尋晚終於完結
熱搜就梗有
睇一個節目
仲要係歌唱節目
嘉賓固然之係最緊要嘅
今年一見到有劉歡、齊豫
呢d可能真係有錢
都睇唔到佢哋幾次演出嘅大咖
當然就要睇睇啦
首發陣容除咗呢兩位吸引之外
當然仲有蘇打綠主唱吳青峰加盟
仲要係主持串講人
有睇過佢哋演出嘅都知
主持一定好多gag
結果都完全無令大家失望
今年可能係節目七年以來
競賽味最弱嘅一次
點解咁講？
劉歡從頭都尾都話自己
係來推廣自己嘅音樂
而齊豫咧
就從頭到尾都係為咗
唱幾首想唱嘅歌
吳青峰仲hea
摞第一唔開心咗成個星期
摞第五反而開心到飛起
參加節目為咗做自己嘅概念專輯
後期補位仲來咗楊乃文
同事聽到都大叫
今年《歌手》仲有人在乎成績咩？
（咁梗係有一兩位嘅...
總之每期唔理結果係點
都會有人大鬧
話現場500位評審係聾的傳人...
今年節目熱度不比往年
不過都算ok
中途聲入人心嘅踢館成功
都為節目帶來咗一波人氣
下面就來同大家更新下
尋晚嘅終極歌王之戰
當然都係循例被觀眾痛罵
因為實力超強嘅龔琳娜竟然無晉級...
首先第一輪比賽
第一組有三位
龔琳娜+石倚潔、王珮瑜
《武魂》
vs
波琳娜+艾熱、達倫小子
《We Are the World》
vs
聲入人心+王力宏
《You Raise Me Up》
晉級嘅係聲入人心組合
第二組
楊坤+張杰
《直到世界盡頭》
vs
吳青峰+蔡依林
《怪美的》
吳青峰晉級
第三組
齊豫+胡夏
《知否知否》
vs
劉歡+譚維維
《我要去哪裡》
劉歡晉級
ps
好好笑嘅係呢首歌詞
好啦 每組晉級一位之後
剩低嘅四位現場再一輪投票
選出最後一名晉級選手
大家都以為係龔琳娜
或者係波琳娜
點知係坤坤
第二輪
大家肯定就放大招
楊坤繼續熱唱《巴比倫河》
聲入人心回歸音樂劇
唱《就在這瞬間》
氣氛其實呢個時候都係high噶
點知吳青峰唱咗一首新歌
係去到《歌手》節目之後嘅心路歷程
同埋唱咗咁多年歌嘅感想
《歌頌者》
唔單止咁
仲要請咗蘇打綠吉他手劉家凱上臺
結尾嘅時候俾咗爆喊嘅青峰一個擁抱
臺上臺下即刻喊到！！！
何炅喊到青峰唱完上臺嘅時候
都窒咗幾秒
然後劉歡都放大招
將《金縷衣》《菩薩蠻》
《鳳凰于飛》三曲合一
而且仲mix咗姚貝娜把聲
然後大家又喊一輪
最後歌王其實無咩懸念
當然就係開播就估到嘅劉歡啦！
恭喜！！！
尋晚朋友圈
有睇節目嘅基本上
都係話自己喊咗
可樂君自己總結咗尋晚嘅關鍵詞
應該係【爆喊】
最後送上呢首令大家喊生喊死
連節目都要用來結束嘅《歌頌者》
今季《歌手》你有咩睇法？
官方微信：可樂生活color(colorcolor818)
官方唯一商務合作QQ：1902182069