點擊上方 ↑↑ 即可關注「金句王」
男朋友有車固然方便，不過，始終佢唔系私人司機，好難禁止佢車其他人，尤其系女性朋友或女同事之類。
事關有風度嘅男人，正常情況下都會「順路」車埋夜歸嘅女仔，車佢哋返(唔知邊個)屋企。
而作為一個大方嘅女朋友，又實在無理由介意呢啲小事。
不過呢，就算襄王無夢，但神女可能都有心。
始終擔心呢啲坐順風車嘅「短途乘客」諗錯隔離，坐下坐下連人帶車，都搶（震）走埋，到時真系喊都無謂。
所以，不妨喺男友車廂擺返個陣，話俾人聽，呢架車「旗已插」，要搵食唔該搵過第二架。
1. 海量毛公仔
車頭檔風玻璃前面系最當眼位置，多數男人都唔會擺嘢喺度，如果有都一手掃走曬佢，淨系擺你最鍾意嘅公仔。
比卡超又好，bear bear熊又好，總之要有咁多得咁多，有咁cute得咁cute，搞到無論坐車頭定車尾都會見到呢只公仔。
個車廂氣氛咁鬼sweet，順風車乘客又點會feel唔到揸車果位已經名草有主呢！
不過，車系男人嘅心肝寶貝，千祈唔好一次過就擺咁多，要有技巧地逐啲擺，慢慢佔領成個車廂。
2. 女裝太陽鏡
大部分男人都會放一副太陽眼鏡喺車廂，所以喺車廂見到男裝太陽鏡一啲都唔出奇。
作為呢架車嘅女主人，當然都要擺返副太陽眼鏡，而且要系好in、好潮嘅女裝太陽眼鏡。
嗱，話明要嚟示威，梗系唔好收收埋埋放喺櫃桶底，一定要夾喺前座個太陽擋板，一來顯眼，二來亦方便自己攞嚟戴。
再唔系就成副攤喺中控臺上面，或者擺波棍附近啲雜物格，總之要人一坐低就睇到啦。
3. 唇膏護膚品
女仔化妝護膚系每日必做嘅事，男朋友架車當然要擺放呢類用品。
唇膏系首選嘅化妝用品，防曬之類嘅護膚品亦系女孩子嘅象徵。
既然擺喺佢架車，作用系示威多過實用，不妨擺啲靚牌子嘅防曬，或者特別貴嘅唇膏。
對男人嚟講，呢啲只不過系女人嘢，好少會用心考究。
但系對直覺特別敏銳嘅女人嚟講，一見到就知對手咁有要求有品味，多少都會打窒佢條氣。
不過，香水就唔多建議你擺，因為都系果句，男人好重視自己架車，搞到一陣味只會令佢反感。
4. 溫馨枕頭仔
頸枕系另一個當眼擺設，所以都系「插旗陣」嘅重要一環。
不妨揀啲特別嘅款式，或者代表到你同男友個名嘅單字。如果你有返兩度散手，甚至可以自己親手繡上。
咁就盲嘅都知呢個頸枕、呢架車、甚至呢架車嘅司機，都已經屬於你一個人。
你亦不妨趁同男朋友閒話家常之中，有意無意話定俾佢知，呢個頸枕系你專屬，如果佢咁大膽俾人用就等住返屋企跪鍵盤。
其實「插旗陣」只不過系一種警示方式。
要令其他女人知難而退，最重要都系——
你同男朋友平日之間嘅相處，系恩愛嘅，就百毒不侵啦！
金句王
微信號：jinjuking
睇金句王，爽過去爆房！
每日發布粵港澳第一手開心嘢！
粵語 | 爆笑 | 搞嘢 | 吹水 | 抵死 | 頂癮
歡迎搭訕 投稿都啱 合作更贊 小編微信: KingKingGuy