1張$580嘅門票，竟然被炒至$4,484？「搵食啫！犯法呀？」一連11場嘅棟篤笑騷，門票竟然全部售罄？「搵食啫！犯法呀？」
咁有叫座力，皆因3個字--黃子華，呢位香港棟篤笑始祖，轉數快得驚人，字字鏗鏘，兼一針見血，每次開騷，佢定會爆出金句，如果由佢90年第1場棟篤笑計起，筆者相信，金句數量足以出本「黃語錄」。
另外，今鋪黃子華亦好幸運，皆因棟篤笑嘅題材，總係離唔開時事。而近日政府、警察部門實在「含水量」太高，唔抽水過唔到自己，所以今次「黃子華棟篤笑唔黐線唔正常」，男神實行同大家倒抽一口「梁」氣，10句金句，包你笑到完場！
1.87枚「適當的武力」
「掟咗87枚催淚彈，梁振英走出來話:『警方係用咗適當嘅武力。』然後葉劉淑儀又出嚟講:『啲人有武器㗎，有把遮喎！』我唔知啲高官係點諗，唔係與民為善嘅咩？我知道你要保護警隊，但唔使下下分化得咁緊要。你可以話警隊專業，我亦相信警隊係專業，但而家嘅問題係，警隊掟催淚彈唔專業吖嘛？佢哋掟咗幾多次？香港太平盛世幾十年，10年都掟唔到1次，你10年冇煮過1次餸，你敢認大廚？」
2.一場誤會
「如果我係政府，好簡單，當你警隊係專業嘅，但係掟催淚彈，佢哋係比較業餘嘅。冇問題㗎！等如抗議班人都係業餘，嗰班人唔係專業抗議者嚟㗎嘛！所以業餘對業餘，咁咪一齊誤會囉！和氣生財嘛！做到咁高位都唔識講？『係一場誤會！一場誤會！』咁咪搞掂。」
3.「婆媳」糾紛
「香港回歸中國，就好似阿媽標個仔參，邊個俾贖金？當時係個母子關係，當時大家以為係。但而家已經唔係，變咗奶奶同新抱嘅關係...而家香港嘅問題，係婆媳糾紛，所謂婆媳糾紛，係種必然瀨嘢嘅關係，除非你老婆第1日入門就全心全意同奶奶講：『奶奶，我愛你！』唉呀！我講錯，對唔住，講多次，『阿媽，我愛你！』當然我哋係講唔出啦！係咪？」
4.有得揸唔揸呀？
「有日，奶奶教訓新抱:『你第1日入門就藐嘴藐舌，而家你有咩就攤出嚟講！』於是新抱就問:『咁6月4日你去咗邊？』奶奶就話:『你講呢啲？』最搞笑係，新抱問奶奶，話之前明明講好過幾年俾佢揸fit，點知奶奶話佢聽錯，係揸lift唔係揸fit，其後奶奶繼續補充：「揸fit又係揸，揸lift又係揸，你唔係有得揸唔揸呀？」
5.整容定毀容？
「你係佔中，定反佔中？係視乎你覺得香港個病有幾重。我曾經聽過1對男女嘅對話：『你想整容？整容可能變毀容喎！』嗱！信呢句嘢嘅人，好可能就係周融，『唔好亂搞嘢喇！會『毀融』㗎！』咁佔中嗰班呢？你聽埋第2句啦：『你想整容？整容可能變毀容，不過對你嚟講都冇乜分別啦！』香港點解會搞成咁呢各位？」
6.正義撚出動
「我唔係講笑，嗰日坐喺旺角，隔籬突然有人問我：『我哋有壽司呀！重未壞，晏啲唔敢擔保。』你覺得熱，有人過嚟幫你噴嘢。『要唔要凍貼？』我唔知世上有凍貼呢樣嘢。『唔係貼喺額頭，係貼喺頸㗎！』然後有個人攞住廿樽水派俾人，一路派，一路跌，不過樽水1秒鐘就去番佢手度，1秒鐘！我真係未見過咁多咁義助嘅人！」
7.香港中毒
「倒抽一口涼氣，係我細個睇武俠小說先睇到嘅字眼，通常啲中咗毒嘅人先會咁講，佢忽然瞓醒，見到有隻西域蜘蛛咬緊佢大髀，忽然倒抽一口涼氣⋯⋯不過呢啲字眼，而家喺香港成日聽到，點解？因為香港中咗毒。」
8.生產力大曬
「啲人生仔就放前四後六，放幾個月假，死老竇就放1日，點解？因為所有嘢都係講生產力，你個仔生出嚟將來有生產力，你阿爸冇將來。屈原個仔死老竇有幾多日放？咪得端午節1日，佢重要包粽去賣，有生產力添！你諗清楚，生產力好緊要。耶穌出世有聖誕節，因為有生產力，咪放假囉！耶穌死係冇假放，然後耶穌復活又去放假，即係復活節。然後耶穌升天又冇假，升天係咩意思？退休移民，邊有生產力，佢重要唔買機票就退休，唔搭飛機都搭程的士去機場吖！咁就走咗，幾蚊雞生意都唔俾人做，邊有生產力。」
9.100分的伴侶
「愛情同股票一樣，未入之前係不停咁升。但當一擁有，你就問：『點解會咁㗎？』所以世上有100分男孩、100分女孩，但就冇100分伴侶。如果重有人唔肯承認，相處就代表開始扣分，我有個例子：2人相愛，當然唔想有第三者，但點解你想生仔？『仔點會係第三者呀？』仔唔係人呀！喂，呢個第三者佔你哋好多時間㗎喎！呢個第三者，1日食6餐，隨時食埋你嗰份，『咁1男1女就梗係要生仔㗎啦！』係囉！點解呢？因為當世界只剩下1男1女，得番你同我，你就feel到，呢個遊戲係唔玩得耐。」
10.入廁所過人世
「好多人話21世紀人腦會被淘汰，錯...21世紀係平板電腦年代，點解有電腦唔夠，要用平板電腦呢？（然後子華踎低，扮去廁所睇電腦嘅姿勢）係咪？就係要攞入廁所都睇得方便，而家啲人入廁所好似入少林寺咁，『我唔過關係唔會出番嚟』，不過我朋友阿強，佢唔過關都會出番嚟！因為冇電嘛！自此之後，阿強好醒目，喺個馬桶邊整個插蘇掣，年三十晚入去，人日都未出番嚟！」
建議wifi下觀看，土豪隨意！
附上網友劇透的視頻，沒能去現場的童鞋快來看啦！
這是個流傳很廣的謎題，故事是這樣的：有五個理性的海盜 A、B、C、D、E，他們得到了 100 個金幣，要進行分贓。海盜世界等級分明，這五個海盜的排名如下：A>B>C>D>E。分贓制度也很民主：首先由等級最高的海盜提出一個分配方案，然後所有海盜（包括提議人）投票表決是否接受。若有半數或半數以上的人同意，則通過提議，否則把提議人扔下船去，由等級第二高的海盜接著提議，以此類推。海盜們考慮的因素如下：首先自己要活下去，然後要得到最多的錢；如果得到的錢反正都一樣，他們更樂意把別人害死。
回復「海盜」兩字，獲取A海盜的最佳方案