一年一度《2018香港小姐競選》喺噚晚圓滿結束，20位佳麗為求脫穎而出都喺臺上努力表現自己，結果由17號陳曉華成為冠軍，亞軍及季軍由20號鄧卓殷及7號丁子田Sara奪得。睇完成個騷之後，網民都有唔少意見：
上屆評判投票打和後，最終Do姐話事決定邊個攞冠軍，令到雷莊𠒇爆冷奪冠，賽果令好多網民不滿，指無綫兒戲。今屆無綫採用返「一人一票」全民投票，好彩今次伺服器冇死機，令大熱嘅佳麗都成功躋身5強（7號丁子田、14巳號何泳芍、15號陳苑澄、17號陳曉華以及20號鄧卓殷）。最終最上鏡小姐就由20號鄧卓殷Amber奪得、季軍由7號丁子田奪得、亞軍由黑馬20號鄧卓殷奪得、冠軍就系大熱門17號陳曉華。而網民最愛嘅14號何泳芍Honey就喺5強出局，雖然有觀眾緣嘅14號何泳芍大熱倒灶，但系唔少網民都認為賽果合理。
20位候選港姐完成自我介紹後，就進行才藝表演，當中有唔少人表現跳舞、唱歌、樂器演奏等等。雖然睇得出佢的好落力表演，不過網民似乎唔系好受落，留言話：「呢part好悶」、「中學生才藝表現？」、「旺角街頭表演上電視」、「超尷尬」、「啲才藝真系獻醜」及「好有大碼feel」等等。
20位佳麗完成才藝表演後，12強順利誕生。由於節目相當緊湊，晉級佳麗要馬上換衫進行泳裝問答環節。咁落選嗰8位佳麗呢？佢的唔系坐喺入面等，而系要留低做暖場表演，同一班Dancer跳舞。其實佢地已經輸左，仲邊有心情表現呢？但系無綫仲要佢的出嚟跳3次舞，其實系好殘忍，有佳麗更被鏡頭捕捉到疑似黑面、失落、hea跳、跳慢幾拍，出嚟效果真系麻麻。唔少網民都留意到9號工藤佑採hea跳，紛紛留言話：
喺泳裝問答環節，12強佳麗除左要面對Do姐之外，佢的仲要分別面對曹永廉&蕭正楠、麥明詩&馮盈盈及農夫嘅尖銳問題，當中11號李明芙就被麥明詩及馮盈盈問到口啞啞。麥明詩問李明芙：「如果今晚除左你之外，你覺得有邊位佳麗贏左系唔公平？」之後李明芙靜左幾秒，麥明詩再話「唔淮講自己喎～」喺李明芙面有難色嘅時候，Do姐就好心幫口話：「可以答冇嘅，唔使俾人逼嘅，唔好講名啦！」呢個時候麥明詩就講：「哎呀，Do姐咁Nice嘅，我覺得唔公平呀，我選嗰時Do姐都冇咁…」之後Do姐即刻話：「咁你都選到啦，你仲想點呀？你系香港小姐嚟㗎嘛！點樣唔公平呀?」最後馮盈盈都幫手講：「系呀！所以好收聲啦！如果唔系就話我的對呢位佳麗唔公平㗎啦！」
喺泳裝問答環節，20號鄧卓殷出場時，農夫就話Do姐成日稱呼佢的做「垃圾」，而家想佢幫手重新定過稱號，之後鄧卓殷幫佢的諗左「播種嘅機」做新稱號，除左臺上嘅Do姐笑到見牙唔見眼之外，現場評判及觀眾都捧腹大笑。另外，農夫都想鄧卓殷幫Do姐改埋外號，佢就話Do姐系香港女性典範，系香港嘅一姐，Do姐嘅霸氣系勝過警務處長。最後鄧卓殷贏得全場嘅掌聲及歡呼啲聲。