劉佩玥(Moon)昨日孖好姊妹陳凱琳(Grace)出席活動，兩個著上和服好Kawaii呢！Grace率先預告情人節同男朋友鄭嘉穎過，而身旁同周志文傳出緋聞嘅阿Moon就話自己單身，情人節無情人：「今年都是跟去年同前年一樣在工作中度過，希望下年有好消息話俾大家知啦。」問到有無人追，阿Moon就話無:「身邊有一班好姊妹包括陳瀅、何雁詩、陳凱琳，有佢地喺我身邊做我嘅守護天使，我仲稱呼陳瀅做我老公，我有佢就夠架喇。」
劉佩玥今日孖好姊妹陳凱琳出席活動，兩個著上和服好靚。（梁碧玲攝）
阿Moon當陳瀅係老公，仲話有佢就唔使拍拖住喇。（Instagram圖片）
阿Moon話一班好姊妹係佢嘅守護天使。（Instagram圖片）
阿Moon於劇集《降魔的》中飾演啤啤一角大獲好評，但竟然無入圍最佳女配角，令人大跌眼鏡，但阿Moon就話唔介意:「我未夠年資拎獎，能夠入圍我最喜愛女角色已經好開心，拎獎都係其次，我唔係好緊張獎項，最重要努力演好每一個角色，觀眾喜歡我就滿足。」
陳瀅甩拖後，愈住愈豪，原本與好姊妹何雁詩和劉佩玥合租大埔豪宅，早前被爆她已搬入價值3千萬元的九龍匯翔道豪宅，享受單身生活。而剛享受完悠長假期從加拿大返港的她，原來連車都換埋，由平日代步的Audi，換上近百萬元的白色波子跑車。
日前陳瀅為新劇《平安谷之詭谷傳說》到中環宣傳，活動後被粉絲包圍影合照，她來者不拒，其後乘大會安排的坐駕離開，再到附近停車場取車，穿格仔短裙的她突然被風吹到裙擺飄飄嚇，但她顧住向粉絲揮手，未有理會，之後再獨自駕駛新車離開。