《2017香港小姐競選》將於本周日舉行。睇番今次港姐，話題和討論度都一般，最後三甲似乎已呼之欲出。而回顧以往的港姐競選，競爭激烈，話題多多，甚至第四名都爭到頭崩額裂。
香港小姐的三甲，一定都是美貌與智慧並重，但其實第四名都有好多高手，最令人熟識的一定是紅姑鍾楚紅。如今已經57歲的紅姑，都一樣保持到個靚樣。除了紅姑之外，過往仍有一班港姐殿軍實力超群，之後發展更是十分順遂。
趙雅芝於73年參加無綫的第一屆香港小姐。第一屆競爭激烈，最後她敗給孫泳恩、容朱迪和劉慧德，只拎走第四名，但之後卻發展不錯，成為70、80年代成四大花旦之一，代表作《上海灘》紅足幾十年。
出名有氣質的繆騫人76年參選時獲得最佳上鏡小姐，卻屈第四，冠軍是林良蕙。
比賽結束她就獲TVB力捧，拍攝經典電視劇《狂潮》，之後繆騫人在《網中人》入面，只係拍了八集新神秘辭演，搞到劇組大亂。如果當年繆騫人沒有辭演的話，可能今日會有高知名度。
郭可盈93年參選港姐，奪得最受傳播媒介歡迎獎同最具演藝潛質獎，但就輸給畀莫可欣、林麗薇、餘少寶，但的確係最具演藝潛質，因為郭可盈比三甲港姐在圈中的發展都長久。
劉溫馨是13年的落選港姐，當時仲有「飛釘千雪」之稱，不過就輸給陳凱琳、 蔡思貝、劉佩玥，雖然得第四，但之後都有閒時拍劇，加上她大曬33C身材，在不少節目中都搶佔眼球。
2016年港姐第四名的蘇韻姿，相比冠亞季，蘇韻姿咁快起跑，除了性格開朗樂觀之外，曾有在加拿大有演藝工作經驗，相信是最大優勢，她坦言：「我參選時有講做過有呢方面嘅工，之後監製就搵我拍。可能係因為咁啦，但我都覺得自己係好彩。」
延伸閱讀：
港姐泳裝外景驚現平腳泳褲? 圖解港姐44年泳裝進化史
票選十大最靚港姐：朱千雪爆冷問鼎 朱玲玲十大都不入？
身高154CM佳麗現港姐12強 細細粒港姐逐個捉
港姐12強誕生！ 大熱佳麗成陪跑 決賽9月打響