麻雀（麻將）古時候又叫馬吊，而廣東麻雀裡面又有好多特別嘅術語，呢尐術語好有趣，外省人唔一定聽得明，但系每一個廣府人聽到呢尐術語都會覺得好有親切感。（為便於理解，以下字詞並非全部是粵語本字）
麻雀牌嘅粵語花名
粵語名 解釋
萬子-萬子
條子-索子
筒子-筒子
番子-番薯、番子、磚頭
花-「春夏秋冬梅蘭菊竹」八張牌
百搭-鬼
一筒-大餅
二筒-眼鏡、文胸
三筒-斜紋
一索-雀仔、雞
二索-棍仔、工廠妹（易嗍）
三索-底褲
八索-坦克
白板-靚仔、棺材
各種「糊」類
食糊-手上的牌全部都組合好，勝出
叫糊-還差一隻有用的牌才能食糊
雞糊-又有三隻相同，又唔系清一色，又有順數位嘅牌
天糊-只系莊家先可以食，起首14隻牌就食糊
地糊-莊家打出第一隻，其它任意一人食糊
人糊-非莊家先可以食，第一隻自己摸嘅牌就食糊
對對糊-只有三隻三隻相同嘅組合
平糊-全部都系順數位嘅並且唔系清一色
炸糊-以為食糊，攤出牌來，其實並未符合食糊嘅條件
出寵（衝）-放炮，某人出的一隻牌正是別人叫糊等的牌，他出此牌令到別人食糊
截糊-某人出的牌令到同時有兩人可以食糊，上家的人食糊令到下家的不能食，叫做截糊。
棄糊-放棄食糊，有意唔食糊拖累其它人食唔出。
叫啞糊-叫一尐食唔到糊嘅牌或絕張牌。
其它各種術語
甩牌-唔使睇，通過用手摸就知道系乜嘢牌
打同通-兩人或幾個人合謀通水
碰--手上有兩隻相同，再從人家剛出的牌上攞一隻
上-上家剛大嘅牌同手上嘅牌可以組成三隻順數，就可以上
槓-有四隻相同牌時可以槓
站長-長時間思考嗰位
門前清-未上過或未碰過
九張落地-因上或碰牌後而必需反出畀人睇到的九張牌
十二張落地-因上或碰牌後而必需反出畀人睇到的十二張牌
誅下家--有意令下家唔可以上牌
豬（誅）大嫂-令下家唔可以上牌嘅人
收藏家-收收埋埋人哋需要嘅牌的人（怪唔之得摸唔到啦！）
種番薯-有意留著番子牌，又叫「養番子」
一黐牌-順數字的三隻或相同的三隻，又叫「一楷牌」
單吊-只能叫一隻牌
眼- 一手牌中唯一（嘅一對七對子除外）
叫眼-食眼的另外一隻，屬於單吊之一，又稱「單叫眼」
後兜-第一次唔要或留意唔到，第二次或以後再覓需要的牌。
卡窿-順數字嘅三隻嘅中間嗰只。
打骰-投骰子選擇摸牌的起始位。
執骨（執骰）-轆骰仔後撿起骰仔免它四圍溜。
槓爆-四張牌相同之後槓，摸尾段最後一隻，又啱啱系食糊就叫「槓爆」
槓上花-槓之後從後面摸返一隻牌剛好令到成副牌糊出
眼 一手牌中唯一嘅一對
高章--形容人打牌好高手
罰章-罰停摸一次牌
差「一章」牌-再摸多一隻有用嘅牌先可以叫糊
番-贏牌後計算籌碼數嘅一種計量單位，衡量一手牌勝出之後可以贏對手幾多籌碼（錢）
三番起糊- 一手牌食出之後要三番以上才能食糊
對死-各人手上拿的牌正是別人叫糊等的牌，互相都不出，令到大家都唔可以食糊
「林」莊-因為食糊而繼續做莊
冧莊-因為對手食糊而使自己的莊位轉移到下家
雙（三、多）飛叫-叫兩（三、多）只牌。
見光死-打出嘅牌唔準收回，又叫「見白不收」
花張-不整理牌
明槓-碰咗三隻，自己再摸第四張相同嘅牌槓牌
暗槓-自己槓沒有碰過的四張牌，而且牌不公開
搶槓-食糊嘅人食槓牌嘅人的明槓牌
大相公-手上嘅牌多咗
小相公-手上嘅牌少咗
海底撈月-摸最後一隻食糊
經典句：
食頭糊，輸甩褲。
寧叫卡窿，莫叫對碰。
上碰下自摸。