點擊上方 ↑↑ 即可關注「金句王」
古乳有暈：「10個男人9個滾，剩返1個仲諗緊。」
但你以為喺呢個世界上，只有男人會去「滾」？
錯啦！偷食系無分界限，更易過食生菜。
既然你都睇到呢啲，咁就繼續睇埋落去～
睇下你另一半有無以下7大偷食徵兆啦！
1. 突然變得好忙
一開始認識嘅時候，會有好多時間陪伴你。但最近突然變得好忙，經常OT，經常應酬，約會時間變得越來越少。明明喺同一個城市，但見面變得越來越難⋯⋯
2. 不知名好友
微信響個不停，平日都無咁多多朋友搵佢。最近，手機經常有一個朋友發信息俾佢。每當響起，佢一定馬上留意手機，再慢慢回復，隱藏緊張嘅情緒。每當問起呢位突然冒出嘅朋友，佢會支支吾吾回答「同性朋友嚟架，你都唔識架啦！」
3. 注重私隱
以往嘅你哋，手機總系可以俾對方睇過夠，但系最近另一半手機突然換咗密碼，或者上咗鎖。但當你問起，對方會講想要多一啲空間，應該要互相尊重，私隱好重要⋯⋯但點解之前嘅私隱就唔重要呢？
4. 注意外表同打扮
無論男女亦會「為悅己者容」。但拍拖咁耐，一早就睇慣咗大家嘅「最自然一面」，自自然然，女仔就唔使再喺男友面前「喬裝」，男仔亦唔使再諗著咩衫。但突然最近，另一半經常打扮到「鬼火咁靚」，古龍水、香水⋯⋯都出動。代表有一個「悅己者」出現了喎……
5. 禮物多籮籮
對於偷食嘅人嚟講，每日都系開心嘅紀念日。從第三者果度收到嘅禮物都系慶祝嘅小禮物。所以面對你對於佢經常收到禮物嘅質問，佢會答你：「公司個個都有小禮物收個啦。」
6. 脾氣古怪
出軌（做咗虧心事）之後會經常顯得慌亂，每日提心弔膽。對於你嘅質疑，為免因心中有鬼，怕講多錯多，會以支支吾吾帶過，若然帶唔過，會以你對佢無咗信任為理由發脾氣。其實只系想遮掩內心嘅不安，加上心理上嘅矛盾與罪惡感，為心理帶來好重負擔。
7. 記憶錯亂
平時會叫你做「BB」嘅佢，突然衝口而出叫咗第個人嘅名。亦同你確認好多唔存在嘅回憶。例如：上個月一齊去咗邊度邊度……咁你就要知道，佢真系有去過，不過，身邊果個人唔系你喎！
「歸家飾演你的好情人，專心一意共你溫存和熱吻」～
對於偷食嘅男女嚟講，返到你身邊就只系飾演你嘅情人。亦要小心有共同朋友嘅異性，假若佢影相故意少咗一個人，咁就證明有古惑了！
金句王
微信號：jinjuking
睇金句王，爽過去爆房！
每日發布粵港澳第一手開心嘢！
粵語 | 爆笑 | 搞嘢 | 吹水 | 抵死 | 頂癮
歡迎搭訕 投稿都啱 合作更贊 小編微信: KingKingGuy