惠州洲際度假酒店，一個世外桃源般嘅Resort，令你拋低城市煩擾！想知點樣玩到盡？跟住我哋，洲際體驗話你知！
跟住導遊行入酒店，即刻就感受到酒店嘅熱情歡迎。酒店準備咗各款冰凍飲品，可樂、雪碧、菓汁同埋冰凍紅茶，飲兩杯，食件曲奇，心情都舒爽曬喇！唔經唔覺，Check In就搞掂喇。
入到600尺嘅酒店客房，環顧四周，真係正呀！180度旋轉電視機，無論你攤係邊，都可以自自在在咁睇電視。浴室配有3D花灑，頭肩頸背全方位淋浴享受，由頭爽到落腳！酒店嘅床係洲際標準高床軟枕，仲有自選枕頭系列，薰衣草、中草藥、高嘅低嘅軟嘅硬任君選擇，俾你帝王式嘅享受！
坐係無敵景觀大露臺，沖壺靚茶，欣賞嚇一望無際嘅湖光山色。
嘩！乜料？原來每人加100蚊就可以升級到高級水療套房喎！露臺設有大浴缸，裝滿香薰溫泉水、花瓣，俾你嘆完溫泉，仲可以嘆埋專業按摩師上房服務嘅香薰按摩，一秒鐘變貴族呀！唔夠嘆？仲有特惠六折加鐘俾我哋美食團友呀！
驚喜一浪接一浪，高級水療套房仲未夠豪！唔駛驚，你仲有機會抽獎抽到兩千尺嘅超！豪！別！墅！行入別墅就FEEL到峇里島風格嘅裝修，一房一廳嘅設計，空間夠曬大，幾多人嚟都唔怕唔夠企。當你靜靜地享受獨立溫泉池、泳池，加埋貼身管家廿四小時隨call隨到喎，想點安排就點安排，朝早瞓醒仲可以係別墅食埋早餐，感覺真係令舍唔同呀！係呢度住番一晚，絕對值番票價喇！
擺低行李，就要搵嘢玩。去到一樓望出去，嘩~一望無際超過三萬尺嘅戶外花園泳池，設有多項水上活動，一家大細碧波暢泳，玩個痛快！再嚟個日光浴，健康古銅色皮膚就系咁來嘅！怕曬咩？入翻25米嘅室內泳池，順便嚟個水療按摩喇~
忌水？唔使驚！你仲可以踩住單車，欣賞綠油油嘅高爾夫球場，湖光山色盡入眼簾。咦？原來仲有發現，各式水果大樹、湖心島、許願樹、同心橋、開心農場……睇到眼都花埋！
睇！向日葵開花囉喎！
行過網球場，入翻酒店去嘆下冷氣先，點知原來仲有好多嘢玩啵！篤波，打桌球波，做下GYM，好玩到數唔曬！
玩到攰，肯定要品嘗下呢度嘅正宗溫泉蛋，由75℃泉眼嘅氡氟溫泉水熬煮半粒鐘，蛋黃鬆軟清香，蛋白嫩滑鮮美並富有彈性，溏心蛋黃味濃而久久不散，真真正正將健康養顏嘅溫泉「食」落肚。
另外，酒店仲有成過萬尺嘅兒童遊樂場，係小朋友嘅好去處，果度有專人教小朋友DIY，各種機動遊戲及智力遊戲擺係度任你玩，動靜皆宜，唔好話小朋友，大人都玩到暈啦！
玩到肚餓，啱好夠鐘食自助晚餐！餐廳位於酒店二樓，仲未行入去，就已經感受到餐廳嘅熱鬧氣氛。自助菜式包羅萬有，中西合璧，一眼都望唔盡！而家就等我帶你食出味道，食出格調喇！
···食食食···
現場烤製特色招牌烤春雞，皮脆肉嫩，鮮嫩多汁，搭配8種多國風味秘製醬料，中意中式風味？試試中式南乳醬。中意泰式風味？呢度有泰式雞醬。仲有英國檸檬汁，美式黑椒汁……一隻雞都唔夠點醬！
行多兩步就係西式扒檔，豬扒喇、雞扒喇、鯧魚喇、秋刀魚喇……想要乜嘢話俾師傅聽，即刻煎俾你。如果你中意，仲可以叫師傅炒個粉或者飯喎！
轉個彎就睇到壽司檔，即叫即制現場製作嘅大牌壽司，新鮮指數★★★★★！！YUMMY！
隔離係酸爽可口嘅涼菜檔，大熱天時必食！兩大廚師中西比拼，拼出一番新滋味！每日仲會出幾款唔同嘅日式冷麵喎！
對面就係色彩繽紛嘅沙拉檔，擺有多種有機田園蔬菜，羅馬生菜、綠葉紅葉生菜、青瓜片、櫻桃番茄等豐富材料搭配有營醬汁黑欖汁、法式風味醬、香濃千島醬六種醬汁，田園風味爆燈！！
咦？點解有個印度人？原來酒店特聘印度大廚Chef Kunal來到現場，親手製作印度飛餅、家鄉咖喱，味道濃鬱、辣度適中，大家想唔點讚都唔得喇！
印度菜對面就係熱氣騰騰嘅本地特色菜，客家風味三杯鴨、蘿蔔燜腩肉、選用本地土豬肉嘅客家釀雙寶，不油不膩、食過翻尋味。正！
去完印度，再帶你去領略義大利風情喇！酒店將三款最具特色嘅義大利麵擺上檯面現場製作，十種配菜及醬料任你揀。開放式義大利烤爐烤出N種口味披薩，實有一款啱你心水！
唔想食義大利麵？食中式粉麵都得！廿四款配料搭出百款麵食，包你食到捧住個肚！
每日鮮焗十五款香軟麵包，梗有一款啱你食！
營養多多嘅中西式湯水，十足豐富嘅材料充分烹熬，熬出廚師嘅一份心血。
咪住先，上面呢D都唔算勁呀。轉過頭望一望極具誘惑嘅甜品區，細細數落去原來總共有99種甜品啵。嘆下先~首先嚟件酒店招牌甜品拿破崙，酥皮脆卜卜，奶油入口即化，食勻全港，都冇呢度咁正宗，對眼望過D……甜滑香醇嘅提拉米蘇、晶瑩通透嘅水果啫喱、士多卑利慕斯都好靚仔啵，唔食埋個朱古力噴泉又點甘心呀！件件都又好睇又好味，怪只怪自己得一個胃喇！仲有一樣特別嘅嘢要話你知，呢度嘅點心師傅非常之用心，全部糕點嘅製作都係採用低糖、低脂、低卡嘅健康新鮮食材，保證你點食都唔驚肥呀！一句講曬，無論你係三歲到八十歲，係呢度都可以搵到SWEET SWEET嘅感覺呀~
酒逢知己千杯少，自助飲品區啤酒任飲，太HIGH喇！
食完晚飯，唞番半粒鐘，繼續再玩！一於就去浸溫泉喇！氡氟元素香薰溫泉浴，包你美顏養生，浸完脫胎換骨！
溫泉都嘆完，嚟個晚間消閒活動，同三五知己去酒店三樓大堂吧劈酒唱K掟飛鏢，現場消費仲有特別優惠俾美食團友添！真係熱鬧到爆，high到震呀！！