莊端兒、林敏驄、林雪、張繼聰、邵音音等昨晚在九展出席主演電影《如珠如寶》謝票場，連日馬不停蹄為電影宣傳 。
今個農曆年，張繼聰原本要到大陸拍戲，但因劇組延遲開拍，可以在香港過年，延期至3月後才開工，變相之前接拍的廣告都可以在農曆年期間完成，他說：「最開心係可以同家人辦年貨、行超市，農曆年會留喺香港去拜年，陪屋企人，同時亦會盡能力幫手謝票。」看港劇關注微信公眾號TVBCCC
每想到稍後要到大陸工作幾個月，張繼聰最不捨就是愛女KaKaBall，他說：「我係裙腳仔，本身同阿女感情好好，佢會成日叫Daddy陪佢玩，驚開完工返嚟，又要重頭嚟過，希望而家落重啲藥，同阿女形影不離， 有個底等佢唔好唔記得我。」看港劇關注微信公眾號TVBCCC
張繼聰首次離開女兒近四個月，接工作時都有考慮，因為要到雪山拍古裝，未必可以返香港，他說：「老婆話可能帶個女嚟探班，雖然地點喺貴州唔係太遠，但屬於深山地區，等我去視察一嚇先，希望酒店wi-fi好啲可以視像，但今次離開香港就錯過老婆同個女嘅生日，之前佢哋慶祝傳片出嚟，全部冇我份，我睇到就同自己講『算啦，男人畀心機做嘢，做老竇係咁㗎啦』。」
電影中飾演波波姐的莊端兒以一襲火紅色裝扮現身，並講爛gag指在電影中呼叫得最多是邵音音的角色「音導」，還叫大家猜謎語說：「音音姐做導演猜一個名，就係『音導』。」又講述戲中泰迪羅賓一場戲看見她十分興奮噴血，而這種惹火反應，在現實生活中莊端兒都有雷同個案，她說：「有次喺停車場內，我著咗超熱褲，差啲俾車撞，嗰位男司機望住我望到架車炒咗埋嚟，好彩冇撞到我。」自此莊端兒會注意衣著，但就認衰：「我成日都鍾意著短褲，因為下身容易出汗，除非好凍先會著長褲，所以經常可以性感露腿，仲試過睇戲坐喺度，大腿兩邊濕哂，搞到好尷尬，唔知點解啲汗唔出喺上身。」