路線：《花地瑪堂·緣聚濠江》
隨著青洲木屋區清拆而結業嘅青洲劉記，一直喺我心入面有一個永不磨滅嘅思念，仲記得讀大學嗰陣，呢度系同學們走堂時藏身嘅醫肚聖地；可惜喺鐵皮屋下品嘗神級豬扒呢件浪漫事，已經系一種無法回顧嘅風味。
雖然大排檔形式嘅劉記已成絕響，但位於臺山嘅美味園劉記就延續左呢份平民美味。
憑住絕不欺場嘅良心價平民餐點，每日都坐無虛席，成為街坊嘅得寵飯堂。是次餐點有索價27蚊多5毫嘅芙蓉煎蛋飯、咖哩雞絲餐包、西多士同鎮店嘅雲吞豬扒撈粗面。
芙蓉煎蛋飯
芙蓉煎蛋飯 內有肉片蝦仁
咖喱雞絲餐包
西多士
全體成員嘅身價唔高之餘，份量同美味都非常可取，唔怪得除左受街坊擁戴外，亦成為左大家出境入境前嘅醫肚勝地之一！
由梅頭肉打造而成嘅豬扒食落鬆軟彈牙，肉質細緻，果然，劉記嘅豬扒從來都系信心嘅保證！雲吞半肥瘦嘅豬肉同蝦，雲吞嘅半徑唔算長，但雙拼嚟講有成5粒咁多，淨系食堆餸都飽左喇！
▼ 今日推介 | 美味園劉記
● 地址：澳門關閘/臺山黑沙環臺山新城市第二街新城市花園第7座
● 同區景點及好去處：蓮峰廟 、澳門林則徐紀念館、關閘拱門、各大酒店免費穿梭巴士停泊區
路線地圖
更多論區行賞路線詳情，請點擊下方「閱讀原文」查看。
三口八胃，一位於澳門土生土長的美食記者，味蕾由高級食府遊走至茶餐廳，醉心於推廣本地美食文化。
自2013起她透過社交平臺展開以澳門為核心的美食巡禮；以生動文字及照片為網友「充飢」。關於食物的分享散見於本地報紙、雜誌及網絡平臺、個人Instagram平臺《obxxob》及Facebook專頁《三口八胃》等。
（照片由編者所攝）