同陳凱琳拍拖工作！鄭嘉穎當係Bonus
藝人鄭嘉穎、陳凱琳（Grace）、謝安琪以及陳山聰等今晚出席劇集《殭》「黑夜之約 驚世現身」暨「myTV SUPER全城體驗」，鄭嘉穎與陳凱琳一起接受訪問，被問到會否緊張收視？鄭嘉穎表示：「收視就抱以平常心，最好嘅宣傳唔係今日做，係拍劇時候做，觀眾眼睛喺雪亮，識揀戲睇，拍好套戲就係最好宣傳，口碑好重要！」陳凱琳亦即「夫唱婦隨」和應，她笑言：「收視唔係最緊要，最緊要觀眾覺得有追看性！」
望公私分明
問到會否覺得拍拖就是最好的宣傳？鄭嘉穎表示：「拍緊劇嘅時候，冇諗過係咁（指同陳凱琳拍拖），呢樣係Bonus，我同Grace都冇諗過用戀情嚟宣傳套戲，希望套劇完咗，我同Grace都有自己嘅空間，公同私分開啲，我哋下一套都會分開拍。」
搵鄭嘉穎做軍師
問到是否為免尷尬，之後不再一齊拍劇？陳凱琳笑言：「順其自然，睇公司點安排，不過，就算分開拍，都會畀劇本嘉穎睇，幫我分析一下同畀意見。」而鄭嘉穎續說：「有啲嘢貴精不貴多嘅！」嘉穎又透露下一個工作，將會跟田蕊妮合作拍攝無綫新劇。
謝安琪對於自己主演的無綫劇《殭》即將推出，她直言心情有點緊張：「等咗好耐，呢套劇製作好好，大家都留意咗好耐，等咗好耐，應該會有追看性，希望大家會睇啦！
（兒子會否捧場？）佢冇咁夜瞓，喺屋企佢亦冇地位去傾幾點瞓，九點幾要上床瞓覺，希望老爺畀個特赦佢！（仔仔有冇話想睇？）仔仔都知嘅，佢同學都知，仲問我仔仔，我係咪真係殭屍，仔仔好叻，答佢哋你哋睇咪知，耍得幾好！」
新劇中，謝安琪與鄭嘉穎有親熱戲，問她的兒子能否接受？謝安琪表示：「仔仔好專業，知道係工作，如果接受唔到，佢爸爸（張繼聰）同咁多女仔有親熱戲，屋企早就破碎咗！不過，我拍嘅時候，都好緊張，有心理關口，好彩拍出嚟，都好自然同順暢，睇唔出緊張。」
藝人陳山聰被指跟任職美容從業員的Apple拍拖，女方更已「融入」陳山聰家中，獲得陳山聰的阿嫂李碧君激讚。
而陳山聰為新劇《殭》宣傳，被問到新戀情，他堅決不多說，只表示：「交代曬，告一段落，無回應。」對於有指他的女友Apple打麻雀牌品「唔好」，陳山聰表示：「我唔係當事人，唔方便講。（咁寫你女友喎？）無可避免，每個人都有過去。（有冇同佢打過麻雀？）冇喎！我自己好少打，佢都好少打。」對於ViuTV已開臺，陳山聰指競爭無可避免，他謂：「觀眾對新事物感到好奇係好正常，不過TVB有獨特嘅實力，而隔籬臺係無嘅。」
可以點原文看更多猛料，也可以畀臺叔一顆充滿愛的贊~