【港版復仇者齊腳】黑寡婦楊怡cup數未夠班 紅巫謝安琪有《僵》味道
本文轉自網絡 不代表本號觀點
該新聞包含視頻，即將在公眾號tvbvideo推送，敬請關注！！
Marvel電影帶起咗全球超級英雄熱，而香港更因此發現咗一位本土Iron Man──郭偉亮。繼郭偉亮之後，喺我哋廣大嘅網民加持改圖之下，港版復仇者聯盟終於齊腳喇！
變形俠醫必定系羅師父（羅莽），一樣系大大隻，而且塊面變綠咗之後簡直零違和。
雷神非徐錦江莫屬啦，一樣咁瀟灑，驟眼睇根本無分別。
至於美國隊長，人選可以有好多：古天樂雖然黑咗啲，但都幾有隊長feel；再唔系謝霆鋒都得，不過驚佢唔揸盾牌，揸煎pan。
黑寡婦人選有楊怡，但唔少巴打都話佢cup數差太遠。
黑豹應該搵喬寶寶，想搞笑啲考慮金剛都唔錯，但其實樊少皇更好，特別系佢《葉問》金山找嘅形象。
紅巫女外型同謝安琪相似，特別系劇集《僵》入面嘅Kay，可惜網民擔心人妻Kay演技唔到位，討好角色會被糟蹋。
寒冬戰士有一把秀髮作為標誌，港人心目中最佳心選唔系浩南哥鄭伊健，就系馮德倫架啦。
奇異博士有人話系關楚耀，有人話系元華，甚至話系張松支。
咁蜘蛛俠呢？羅家英必定無得輸！甚至可以分飾兩角，演埋死侍都得。其實以而家蜘蛛仔嘅搞笑風格嚟睇，年輕時期嘅周星馳應該幾符合。
唔知各位又有無咩心水人選？
該新聞包含視頻，本號暫時無法上傳，
想看的粉絲請留言，小編會提供連結。
---
商務合作QQ：2063871309
劇迷QQ5群:133989729
最新最快最全：關注訂閱號tvbvideo，回覆：2018
（長按下圖識別二維碼即可輕鬆關注）