惑波經臨場推介：15815961111（可加同號微信）
曼聯今夏第1籤誕生，正式宣布籤入阿積士中場雲迪碧克，雙方籤約5年，仲有1年優先續約選項。據悉，呢位23歲荷蘭國腳嘅轉會費為4000萬鎊，曼聯新一季由波基斯費南迪斯、保羅普巴、雲迪碧克組成「黃金中場」，的確令人期待。
上季已經傳出曼聯同皇馬都有意收購雲迪碧克，紅魔鬼今次出手非常快，唔夠1星期時間已經斟掂雲迪碧克。呢位新星通過體測之後，立即發表成「魔」感受：「我實在非興奮，難以用筆墨形容，可以加盟曼聯呢種偉大球會，真系太美妙，佢哋擁有輝煌歷史，每個人都話我知奧脫福球場氣氛非常好，隊內有優秀中場球員，我要向佢哋學習，我已準備好展開足球生涯新裡程，好期待為曼聯上陣。」
**良心餅家 五仁月餅 流心月餅 現正熱售！有買趁手喇喂！
身高1米84嘅雲迪碧克出身於阿積士青訓系統，為呢支荷甲勁旅上陣175次，射入41球及43次助攻，捧過1次荷甲、1次荷蘭杯及1次荷超杯冠軍。
2018/19年球季，雲迪碧克更加協助阿積士打入歐聯4強，當中8強對次回合對祖雲達斯，佢射入關鍵1球，幫阿積士贏波晉級，雲迪碧克亦已經為荷蘭國家隊上陣10次。
據《每日郵報》統計，雲迪碧克將成為曼聯歷史上第13位荷蘭球員，之前耳熟能詳的名字包括祖迪告魯夫、史譚、雲達沙、雲尼士度萊、雲佩斯等等。
唔好畀佢停！曼聯要再買多3人
雲迪碧克加盟之後，今夏增兵行動先至啱啱開始，根據英國《泰晤士報》爆料，曼聯領隊蘇斯克查要求會方開水喉，再收購多3位球員，目標直指多蒙特翼鋒查頓辛祖、RB萊比錫中堅烏柏美卡奴、薩爾斯堡前鋒達卡。
眾所周知，曼聯已經想收購查頓辛祖好耐，雖然多蒙特企硬要求1.08億鎊轉會費，比紅魔鬼心目中底價多3000萬鎊，但蘇斯克查仍然未死心，認為仲有機會可以說服多蒙特減價，同埋查頓辛祖1日未表態拒絕加盟曼聯，紅魔鬼都唔會放棄籤佢。
**先鋒精選 榴槤月餅 熱賣中！有買趁手喇喂！
至於曼聯球迷最希望籤入嘅中堅位置，蘇斯克查都有心水，同樣系踢緊德甲嘅烏柏美卡奴，呢位21歲法國新星上季為RB萊比錫於各項賽事上陣37場，傳球成功率達89.3%，屬於球隊打入歐聯4強嘅功臣。
雖然RB萊比錫唔會輕易放走佢，但據報烏柏美卡奴嘅合約有特別條款，就繫到咗明夏，只要有球會出到4200萬歐元就可買斷佢，曼聯可能要再等多1季。
前鋒方面，曼聯睇中薩爾斯堡射手達卡，呢位21歲尚比亞國腳上季奧地利聯賽，為薩爾斯堡上陣31場，射入24球，效率驚人。加上薩爾斯堡近年盛產優秀進攻球員，包括已轉投多蒙特嘅艾寧夏蘭特，以及加盟咗利物浦嘅南野拓實，所以曼聯認為達卡買得過。
蠱惑波經臨場推介訂製詳詢：15815961111（可加同號微信）
（ 亦可識別二維碼登錄先鋒微商城 訂製）