好多童鞋睇完琴日嘅推送
都表示對臺灣墾丁海生館嘅夜宿感興趣
咁我就同大家分享下我去臺灣海生館夜宿嘅經歷啦！
blueblueblue~~~~（吐下泡泡）
中午從墾丁大街出發海生館
會有人系車站附近拉客100NT一個人
坐bus只要50+NT一個人
唔趕時間嘅儘量坐bus啦
因為拉住行李箱
所以就冇影大門口
檢票口右手邊就有夜宿籤到處
然後領個牌
我地住嘅系白鯨區
呢個網上訂嘅時候就已經選好
唔可以更改
有好多個區域可以選
大家可以自己百度一下
我地系攜程買嘅
當時系408RMB一個人
（包含兩日門票以及夜宿所有費用）
好似大漁都有
成個海生館分為兩棟大樓
門口入去第一棟就有珊瑚王國館同臺灣水域館兩個區域
另一棟就是世界水域館
包含極地區，海藻森林等等等
珊瑚王國嘅夜宿又分為三個區
分別系海底隧道，沉船甲板，白鯨區
本黎想買海底隧道
但系太難買了
（因為每個區都系有名額限制噶，差唔多要提早三個月預定）
本身想買海底隧道
但系買唔到
如果系代理網站買基本上系冇可能買到海底隧道
要上官網買
而且要搶
可以用visa比錢
具體自己百度啦
個人覺得系攜程買方便好多
支付寶搞定
沉船甲板同海底隧道睇嘅系同一缸魚
巨巨巨巨巨大嘅魚缸
隧道系魚缸最底下
沉船甲板系貼住魚缸
睇呢個花園鰻就可以睇好耐...
因為真系好可愛超級萌超級細膽
去到仲比較早
未到集合時間
寄存行李之後就可以自由活動
寄存行李免費
夜宿集合時間下下午四點
存行李嘅地方就系服務中心
一定要拿一張地圖
上面有各種生物嘅餵食時間
呢度冇任何動物表演
只有餵食表演
因為海洋館就系海邊
所以行出去室外都非常舒服
最最最中意嘅一張
真系超級靚啊
好似一隻只小精靈咁
而且呢度嘅水母
距只腳系紫色噶！
海藻森林其實系一個三層高嘅大魚缸
入邊嘅海藻都有三層樓咁高
現場睇感覺震撼好多
睇相睇唔出距有幾大缸
極地館嘅企鵝
如果你買左極地館嘅夜宿
你晚上就可以同距地一齊訓啦哈哈
翻到大堂
準備集合啦
每組夜宿家庭都會有一個好大嘅櫃放行李
管理非常有秩序
跟住就開始夜宿嘅行程啦
首先去後場
上圖呢個系隔離池
連住海底隧道果個大水缸
d新仔要系度住一段時間
先可以放入大水缸
可以餵魚
飼料系南極磷蝦
但系好腥
洗手都洗唔走果陣味
仲有小丑魚bb
超級可愛
睇完就去食晚飯
夜宿包一晚一宵夜一早
都系一碟碟任拿
食到飽為止
滷肉飯尤其好食
其他都好好食
感覺好家常嘅味道
非常合胃口
因為小朋友好多
為左避免浪費
距都系比較小碟
我地食左十幾碟吧哈哈哈
唔使怕醜
大家都系食咁多
對了仲有
冰紅茶超級無敵好飲
食完飯就系做黏土時間
每組都有幾塊黏土...
基本上都系大人陪住小朋友做
如果你唔想做就可以直接去洗漱了
洗漱嘅地方基本上唔需要等
入邊系隔間
非常乾淨
而且有風筒
唔提供洗漱用品
但系有熱水
提供熱嘅飲用水
食唔飽可以充杯麵
充電嘅話有充電櫃
但系比較少格一般排唔到
最好自帶充電寶
昨晚黏土就集合食宵夜
宵夜得一樣
綠豆蒜
比墾丁大街嘅好食好多
食完之後就會有人帶你去夜宿嘅區域分發被鋪
晚上嘅話基本上影唔到相
因為會關燈
比較黑
但系肉眼系可以睇到
睇左一晚白鯨
兩條白鯨遊黎遊去系度玩
超級可愛啊
睇到唔捨得訓教！！！
如果你趴系個玻璃前面
距會遊過黎同你打招呼
而且可以聽到白鯨嘅歌聲哈哈哈
第二日嘅早餐都系自助餐
好正好豐盛
上下兩張圖都系我食噶哈哈哈
跟住就去大洋池睇餵魚表演
呢個都系夜宿專享
因為呢個時候海洋館未開門
只有夜宿嘅人
所以就唔會好多人
可以好好咁欣賞成個餵食表演
飼養員一進入就比魚魚包圍曬啦
超好睇
好似個旋渦咁包圍住飼養員
睇完大洋池就排隊去潮汐間
分成小隊跟住導覽員去潮汐間穩小動物
潮汐間~
就係指漲潮時候有水
退潮嘅時候冇水嘅淺灘
往出去就系大海
超級無敵爽
但系因為呢度好多石頭
所以要比較小心
我穩到嘅寄居蟹bb
超級可愛
觀察完要放翻原位哦~
潮汐間活動結束之後
仲有一堂海洋保護課
上完之後成個夜宿活動就結束啦！！
總嘅黎講體驗超級好~
呢個夜宿我覺得系黎臺灣必體驗
雖然我已經住過一次
但系下次黎我依然會繼續選擇一晚海洋館夜宿~
可以選其他區域嘛哈哈哈~
你有什麼想去的地方？
你想知道哪裡的攻略？
小編哪裡還做得不夠好？
歡迎在公眾平臺留言
或者私信我哦~
私人微信：KuangRenLY
麼麼噠(づ￣ 3￣)