相信好多8090都睇過《惡作劇之吻》吧？
對於我呢種90後黎講《惡作劇之吻》真系超級深刻嘅回憶
可能系因為背景系校園
所以感受特別深刻
細細個嘅時候大家都好憧憬呢種愛情噶啦
《惡作劇之吻》比好多地方好多電視臺都翻拍過
唔知你最深印象嘅系邊個版本呢？
個人就最中意臺灣版嘅《惡作劇之吻》啦
「江直樹&袁湘琴」
鄭元暢同林依晨呢對熒幕情侶真系將呢兩個角色演的好好
將角色嘅性格發揮到淋漓盡致
真系可以無數次翻煲
被虐死之後再被甜死
因為臺灣已經開放自由行
所以網上都有好多《惡作劇之吻》嘅粉絲特登走去臺灣
帶住另一半去《惡作劇之吻》嘅取景地
感受「江直樹&袁湘琴」嘅浪漫愛情
今日就黎介紹下《惡作劇之吻》入邊嘅實景色拍攝地啦
靜宜大學
靜宜大學位於臺中
劇入邊好多學校嘅場景都系取自呢度
湘琴遞情書比直樹嘅地點系任垣樓五樓嘅鵲橋
學校大門入去之後
從左邊靠籃球場大路一直往上行
到一個大路口會見到個階梯上坡嘅小路
順住上去就系任遠垣樓啦
陽明山
直樹湘琴第一次親吻嘅地方
就系位於臺北陽明山嘅一個山洞啦
在臺北車站或者捷運劍潭站乘坐上山bus
到達總站後步行上山
山洞就系步行入口處
直樹翻屋企必經之路
有一座天橋
有一集湘琴嘅兩個死黨就系度等直樹
辦到好隨意咁透露左阿金要同湘琴求婚嘅消息
《惡作劇2吻》入邊裕樹弟弟表白都系呢條天橋哦~
呢條天橋位於臺北捷運復興崗站同忠義站之間
橫跨捷運軌道
非常有生活氣息有d日本feel
同時都非常浪漫
南機場夜市
直樹同湘琴網球社集訓結束之後
直樹背住湘琴行過左呢條街
（因為湘琴當時只腳扭）
啊~
男友力max！！！
超虐狗！（汪！）
樂雅樂餐廳
樂雅樂餐廳系直樹打工嘅餐廳
到宜家入邊嘅裝修都系一樣
而且服裝都冇變過
呢度的確係食西餐嘅地方黎
人均大概100RMB
因為食嘅系情懷
所以味道就大家自己去試試啦~
反正當時湘琴食左咁多哈哈哈
碧潭
直樹湘琴第一次約會就系呢度
行吊橋撐艇仔
最後仲跌左落水
最後湘琴同直樹有情人終成眷屬
結婚地點都系選系碧潭哦~
直樹系度反串新娘
超可愛
碧潭雖然成為「潭」
但其實距只系一段比較寬闊嘅河面
不過自然環境保護得好
系一個非常唔錯嘅自然風景區
美麗華摩天輪
《惡作劇2吻》結婚紀念日嘅時候
直樹帶住湘琴去嘅摩天輪
超sweet超浪漫~
表白求婚兩相宜
票價平日50NT、假日200NT
上面可以遠眺臺北101
晚上去比較好
夜景會靚d
位於捷運美麗華站
每次睇《惡作劇之吻》
就覺得被虐被甜反反覆覆一萬次
不過仲系依然會翻煲
睇嘅唔單單系劇情演員
更加系一種情懷
快d帶上你嘅直樹/湘琴
一齊去臺灣
走入呢d浪漫嘅場景啦！
你有什麼想去的地方？
你想知道哪裡的攻略？
小編哪裡還做得不夠好？
歡迎在公眾平臺留言
或者私信我哦~
私人微信：KuangRenLY
麼麼噠(づ￣ 3￣)