昔日因夜蒲屢「闖禍」，事業跌至谷底的吳浩康（Deep），經過兩年修心養性，努力工作，終從谷底走出來，上月開兩場個唱爆滿，贏盡掌聲。
33歲事業翻身，但與前海城酒樓夜總會太子女女友Michelle卻情海翻波。據了解，與女友剛分手的吳浩康，被發現不堪失戀打擊在街頭爆喊。事後求證他分手一事，吳浩康強顏歡笑：我哋需要啲空間。
【酒吧喪喊友人接走】
經過兩年努力，入行十五年的Deep（吳浩康），去年底終於翻身在九展開處男個唱，叫好叫座。當晚現任女友Michelle到場打氣，重拾事業的他更激動至五度爆喊，又開腔多謝女友，在過去一年陪他走每一步艱辛的路。
但據了解，撐男友的sweet純屬表面，開個唱時暴瘦又嚎哭的Deep正受情困，跟女友Michelle處於分手邊緣，近月二人終正式分開。有網友爆料，指上周在中環街頭見Deep爆喊，之後登上友人車離開。有指往績底花的他，今鋪終嘗情傷，更不時打給朋友哭訴，數星期前，他在上環酒吧獨自飲悶酒爆喊，最後要友人趕到酒吧將他接走。
【現身個唱冇彎轉】
「上個月開演唱會時，渠同Michelle成日吵大鑊，搞到Deep情緒好大上落，啲朋友都驚影響個唱，好在渠撐得住。
之後兩個關係都冇好轉，吵咗幾次大鑊卒之分埋手，呢排啲friend成日收到Deep爆喊電話，Ronnie（張豪龍）成日陪渠傾偈。」知情者說。
自一五年Deep因偷食，背負舊愛鍾舒漫而分手收場，錯失最佳女友的他痛定思痛，前年與有美國華埠小姐銜頭的Michelle拍拖後，決定修心養性，認真對待感情。面對學歷高的女友，Deep亦發力做嘢，專心搞好音樂學校、又兼顧為皇馬在港建立籃球及足球青訓的市場營運。
【放唔低頹爆】
洗心革面學識專一，但女友身邊卻有兵團包圍，有指二人經常為此吵架，成分手導火線。日前失戀的Deep在Ig post了一張在女友寓所下的相片，寫著：「放不下。」hastag打上「隨傳隨到」。上周四中午，本刊發現Deep在Michelle寓所，一臉頹樣離開。至於Michelle在Ig寫了一段文，意思是「妒忌會變成破壞力，有害、令人亂想，我希望每個人能有信心及獨立面對自己的不安感..我暫時不會現身做什麼，但我欠每個被打擾的人，一個私下的道歉。」不過未幾，她便把該文刪除。
知情者續說：「過往鋪鋪都系Deep衰偷食，但今次渠對Michelle好認真，所以年幾以嚟修心養性，不過渠終於想settle down，唔等於人哋都想，畢竟女友只得廿七歲。分咗手Deep又唔捨得，試過想挽救坐埋再傾，但永遠都系吵大鑊收場。」
【吳：渠值得我去認真】
本周一（一月二十九日），記者等候Deep，被問是否跟Michelle已分手，他聞言即強顏歡笑，婉轉回應：「我哋需要空間。」問到分手原因，對方有否涉及第三者，他停頓兩秒才說：「冇！」
對於近日被人發現在街頭喪喊，是否因為失戀，聞言後的他沒有回應，但被問到對這段感情是否好認真，他即說：「渠絕對值得我認真。」之後有工作人員擋開記者，讓他甩身離開。