林芊妤 (Coffee) 自從做了專業的瑜伽教練之後，收入直線上升，請她擔任私人導師單對單上課每堂學費$2500一小時，Coffee話最多一日可以教8-9個人，收入真係好可觀。她說：「唔係淨係計錢嘅，依家可以做自己鍾意做嘅嘢，又可以控制自己啲時間，唔止收入多咗，工作機會都多咗好多。」她坦言當年身在TVB時的收入實在好少：「嗰時我一個月賺得4、5千蚊，同依家相差好遠。（依家一個月收入等如以前一年嘅收入？）都有㗎。」
林芊妤現在賺錢機會多過以前好多。（梁碧玲攝）
Coffee又透露今年計劃與拍拖兩年多的男友結婚，覺得大家目標一致，相處開心舒服，無謂再揀來揀去，她還讚男友夠踏實。婚禮儀式方面，Coffee說：「我考慮一切從簡，簽張婚紙就算，因為我好懶同好怕煩，唔想搞咁多嘢，啲錢寧願拎嚟儲起去，用嚟養家好過，都有可能會去旅行結婚，仲諗緊。（有生B計劃？）同步進行，結婚先再有BB，定係有BB先再結婚都無所謂，我個人都唔跟傳統行嘅。」至於是否需要男友奉上巨型鑽戒求婚，她笑言：「又唔使，粒鑽石有兩卡就夠，我本身都好少戴首飾，買粒假嘅畀我都唔識得分辨。」