TVB又有新搞作！今次真係唔知話佢有創意定喺有冒險精神好？！
超級英雄科幻片mix中國神話故事
問你睇過未？
可能TVB見呢兩年漫威同DC英雄好受歡迎，自己都決定試一試。於是落order重新開拍《十兄弟》喺無線旗下嘅big big channel以網劇形式出街。
呢出戲仲去到橫店取景拍攝，難得TVB肯落重本，特效相信都唔會喺五毫紙特效，都幾令人期待嘅！
1997年郭可盈林文龍版本嘅《十兄弟》曾經取得好收視，事隔十年再翻拍，緊喺有D新搞作啦！
將《十兄弟》拍到好似X-men咁，真係TVB先會霖到！
嚟翻個大合照先！
睇完係咪覺得個個都造型獨特，個個都唔識佢喺乜誰咧？
唔緊要，其實連小編都唔識...最後小編千辛萬苦用翻牆、關聯詞、搵主演FB好友、睇po相艾特邊個嚟搵出究竟都有誰！！！
（剩低兩位主演真係無奈小編能力太弱搵唔出，希望廣大粉絲可以提供線索，幫助佢哋早日有翻個名。）
黃家樂
黃家樂，睇開TVB嘅人都會認得佢架啦，最近喺《心理追兇》度演汪海澄嘅醫生老公，頹到想打佢啊！
今次飾演十兄弟中大佬「千裡眼」，而且佢難得戲份幾多，喺facebook都放咗好多相。
（你都知道你D兄弟好難搵咧？個個都無名氏嚟嘅！）
今次造型成個盜墓者咁，真係幾潮下窩！
謝東閔
謝東閔喺《全職沒女》入面飾演攝影師，都好多戲份下。
今次喺《十兄弟》飾演二哥「順風耳」，造型成個黑貓警長咁，可能仲有查案懸疑情節添啊！
張曦雯
而今次擔任女主角嘅，喺年僅27歲嘅張曦雯，曾經獲得「2012國際中華小姐競選」冠軍，要演十個仔嘅阿媽，連佢自己都嚇親話：
第一次做媽咪，估唔到啲仔咁大個囉，10個仔其實大部份年紀大過我㗎，我90年出世㗎，但故事系神話故事嚟，無咩所謂啦，佢哋一出世就好大個，每一個都有super power!
郭子豪
佢其實就喺《親親我好媽》入面暗戀miss嘅籃球王子hugo啊！
今次飾演三哥「大力三」，專門移山填海。
張景淳
可能好多人聽個名唔知佢喺邊個，但喺講到《天與地》俾人食咗嘅「家明」，應該就會「哦~~~」
今次飾演曉飛嘅「飛天五」，成日披件披風到處飛好神秘！
丁子朗
丁子朗喺香港先生出身，喺TVB學習做大型主持，同do姐拍檔添窩，有前途。
今次飾演「奀皮四」，皮膚有彈力可以伸長，戴住手套好似塞車手咁！
而剩低果幾個就比較神秘，連度娘都搵唔出D咩資料，最多知道係TVB藝員（廢話嚟嘅）。
而《十兄弟》今次最出奇嘅喺，拉尾果個竟然變咗性，仲喺成年人嚟演，人稱「大喊十妹」。
out爆頭都唔知TVB想點啊！
回顧翻十年前嘅《十兄弟》，Gorden同賤han仲喺父子，雖然喺五毫紙特效，都依然令人懷念。
九個牛鬼馬大嘅成年人造型奇特搞笑，扮啱啱出世嘅「兒童」，講嘢有「嗲聲嗲氣」，真係成個「低能仔」咁。
睇翻個造型都笑爆肚啦！
黎諾懿- [千裡眼]能看清很遠的事物
林遠迎- [順風耳]能聽到很遠的聲音
胡諾言-[大力三] 力大無比
李逸朗- [奀皮四] 身體像橡皮，能任意收縮手臂
羅貫峰- [飛天五]身後有一對能隱藏的翅膀，可以飛天
郭淨- [銅頭六]頭硬如銅
楊明- [高腳七]可以任意收縮腿腳
張智軒- [遁地八]可以遁地
葉瑋- [大口九]能夠喊出比常人大幾十倍的聲音，吸氣呼氣時能夠加速空氣流動
王秉熹- [大喊十]哭出的眼淚能解百毒和淨化汙水
而且果時扮「十兄弟」嘅好多演員依家都仲活躍喺TVB，點都叫得出名，有熟悉感好多！
題材、內容又好，當時《十兄弟》播出最高收視有39點，成為經典劇集之一！好勁㗎！
原來除咗電視劇版嘅《十兄弟》，1995年鍾鎮濤同張敏都曾經演過電影版嘅十兄弟！
果時年紀大過鍾鎮濤嘅羅家英仲扮演大佬「千裡眼」添！真係嚇親人啊！！！
而電影版嘅人物造型都偏怪異，冇電視版嘅咁可愛添！
其實「十兄弟」題材無論電視定電影都成日翻拍，但喺要成為經典故事就真係要有一定精彩度，唔落於俗套。
希望新版《十兄弟》真係可以做到內容創新有深度，唔單單喺得噱頭似「超級英雄」啦！