近日，據香港媒體報導，取代黃心穎的湯洛雯（靚湯）跟黃浩然於觀塘海濱花園拍攝無線新劇《法證先鋒IV》。他們透露剛重新開拍第三日，至今都拍攝都相當順利。靚湯坦言臨危受命相當有壓力，距離上一次拍劇已經約5個月，確實需要時間入局。她感激同劇演員非常有耐性，令她安心很多，但都成為「NG王」。
黃浩然表示跟湯洛雯的合作相當順利他說：「其實對於靚湯系幾高難度，套劇都拍曬，臨危受命，佢已經銜接得好快，亦知道佢做咗好多功課。」靚湯笑說：「第一日開工我的確係未warm up，NG咗幾多次，NG王。好彩佢同譚俊彥都好有耐性，如果唔系咁有耐性，我會愈來愈驚囉。」黃浩然力撐靚湯，提到劇中對白的確有難度，他笑說：「其實我地都系咁，第二日已經即刻表演畀佢睇啦！」
談到臨危受命，靚湯說：「其實拍之前系最大壓力，拍拍嚇就好番少少。」黃浩然坦言自己都有點緊張，因劇集已拍完但又想撇除之前的演繹。問到是否要趕及今年播出？他表示因仍需後期製作，相信今年未能播出。另外，問到靚湯減磅是否已達標？她笑說：「梗系未啦！邊有咁快啊！好彩拍擋夠高大，我可以著高踭鞋。」
黎諾懿、湯盈盈及韋家雄等今日出席《六月星辰》，對於憑《如果這樣生活》的爆笑普通話而獲網友封為「港普教父」，諾懿直認自己是反面教材，希望小朋友不要學習，更寄語兒子「小春雞」長大後要努力讀書，「我就是因為小時候冇讀書才這樣，少壯不努力，老大徒傷悲呀！但老婆贊我給予其他人希望，因為講到咁也可以上節目。」黎諾懿又指早知會「出事」，故早已在社交網站預告節目中含大量「港普」，「原本得一集，可能監製覺得太好睇，所以剪成兩集，大家就當追韓劇要睇字幕啦，哈哈！」
問到會否進修普通話？黎諾懿再放笑彈說：「我十多年前拍《舞動奇蹟》已想學，學過先可以講得咁流利咋，用了我一身功夫㗎喇！」他又笑言部份網友支持他不要改善「港普」，以免失去個人特色，深感矛盾。
至於生日如何慶祝，黎諾懿透露已有5、6年沒慶祝，只會與老婆平靜渡過，又憶述對上一次慶生已是8、9年前跟鄭伊健飲酒傾偈。笑問今年會否再約伊健慶生，順便練習普通話？他笑說：大家不要再說伊健講得差，他現在講得好猛、好流利，我青出於藍啦。
最新最快最全港劇港星資訊