系廣州噶大街小巷，茶餐廳開到可以話開到成行成市。好多朋友仔有時都會好麻木，食到唔識分咩為止正。今日阿C就同大家推介一間個人認為最中意噶一間茶餐廳，皆因呢間茶餐廳系用料方面用噶都系最上乘噶，每一樣出品都別具心思，無論賣相定系味道都可以話系一絕。哈哈，唔賣關子啦，一於跟住阿C去穩食啦！一間位於中山一路噶茶餐廳，系泮塘都有分店喔。
個人認為判斷一間茶餐廳噶出品首先系從一杯奶茶開始，一杯正宗噶港式奶茶口感純滑，飲完一啖之後唔會覺得澀口。奶同茶系明顯分開，上臺噶時候自己攪混再飲。如果有加我私人微信號噶朋友仔就會睇到我系朋友圈到發過呢杯系一杯令你一試難忘噶奶茶。絕對正宗符合曬所有條件。老世仲堅持每一個鍾換一次茶膽，呢種不顧成本噶做法相信好少茶餐廳會做到。
除佐奶茶又點可以少得檸檬茶，呢度噶黃牌鴛鴦檸檬茶採用黃檸同青檸噶搭配，使成個檸檬噶味道更加突出更加豐富，茶同檸檬噶比例好精準，唔會掩蓋對方噶味道。
冰旋鴛鴦，鴛鴦同樣都系一間茶餐廳噶精髓，系傳統鴛鴦噶基礎上加上頂級cream噶搭配，試到傳統味道噶同時新鮮感十足。
自家制抹茶紅豆沙冰，呢度噶抹茶系採用自家整噶抹茶醬去衝，濃濃噶抹茶味好幾甘清新自然，口感絲滑香甜。搭配上雪糕同紅豆，口感豐富之餘，味道真系一級棒，抹茶控絕對唔可以錯過。
Hello雞之謎，粉紅色同hello Kitty 相信會系好多女仔噶大愛，用好多種水果調配成噶粉紅色噶奶昔，遇上精緻噶hello杯，好受女生噶歡迎唔知你又愛唔愛呢
介紹完D凍飲系時候介紹下D湯水啦。原只椰子燉雞，超足料，清甜滋補
飲佐幾杯野，吹佐一輪水系時候上翻D野食啦。首先試試老世噶誠意推介——茶記手撕鹽焗雞，同平時食開噶手撕雞唔同，呢個加入佐自家醃製噶鹹酸同芥辣，唔試唔知道，原來芥末噶味道同雞噶味道可以系甘夾，加上鹹酸發點綴解佐雞噶油膩，真系食到幾舊都唔怕吖！
招牌吉野豬排飯，同平時食噶豬排唔同，呢度噶豬排全部都系精選豬噶豬板筋肉，呢個部分都肉系連住一條豬筋，所以食起上黎就非常鮮嫩多汁，而且每隻豬只有一塊呢D肉，分量好多，比出面噶分量多一倍。老世話每日要走幾個市場先可以備足料。加上佢地自己調配噶咖喱，簡直系一絕，聽講呢個咖喱系大有來頭，系西關美食節拿過獎噶。
海王炒飯，呢個系佢地店噶銷量冠軍，呢個炒飯噶飯抄到粒粒分明，海鮮料超足，有D微辣，但系真系好微噶辣味相信大部分人都可以接受到。
大腸拼腎片，呢度噶滷水汁醬獨具風味噶港式滷水，帶有小小噶甜味，大腸同腎片食落去系好爽脆，好易咬
咖喱芥蘭炒牛河，用咖喱汁溼炒河粉，咖喱汁充分滲透到每一條河粉，加上嫩滑噶牛肉，簡直顛覆傳統噶幹炒牛河。
獅城油央多士，介央加上牛油噶組合，黎自馬來西亞噶風味
跟住就系要隆重推介下呢度噶小食啦
黃金芝士丸、花枝丸
￥9/三粒，￥18就是六粒雙拼。芝士丸特別在於裡面的是「黃芝士」；花枝丸非常彈牙，口感好好！
系冰鎮方面佢地噶出品都特別有意思，冰鎮墨魚拼北極貝。其實真正黎講北極貝唔系越大隻越好食。反而好似呢仲黎自加拿大噶小北極貝更可以食得出北極貝噶鮮味。老世仲好有心思甘將每一件食材搭配上一片檸檬，唔使客人親自動手去擠檸檬汁，檸檬噶味道自然滲透到食材裡面。
冰鎮蘆薈拼青瓜，同樣唔可以錯過，蘆薈養顏，青瓜清熱
美食度度有，呢度特別多，我地呢班大食怪越食越開胃，一於繼續上菜，我要試曬所有招牌菜！瑞士汁牛柳煎麵。嫩滑噶牛柳加上sweet sweet噶醬汁配搭煎麵原來別有一番滋味。
鮮果芥末牛排，牛排配芥末我都系第一次試，再搭配椰漿、沙拉醬拌噶鮮果，解膩一流。
聽完阿C噶介紹相信大家都系一邊睇一邊吞口水啦，無論系用料、賣相、味道都系甘正，宜家系廣州真系好少見到好似呢D甘有heart噶茶餐廳。所以仲唔快D約埋班朋友仔去試試阿C強烈推薦噶呢間茶餐廳。
店名：拾六茶記
地址：中山一路25號（楊箕地鐵站B出口直行約100米）
外賣電話：4000075216（吃我愛16）
關於·粵後生粵敢講
產品、美食、活動推廣請聯繫