無綫劇集《特技人》開播以來好評不斷，當中除了朱晨麗曬線性感演出受熱議外，劇集大談幕後特技人的辛酸，被網民大讚題材特別。昨晚播出劇中飾演特技人的方紹聰拍攝一場「火燒人」的特技場口時，門鎖突然失靈加上導演遲遲不喊停，而令他燒足數十秒慘變火球，雖然其拍檔羅浩銘及林師傑見狀即上前營救，不過火種救熄後他亦體力不支倒地。片段播出後即成為網民熱話，有人指「火燒人」橋段造假，只以後期的電腦CG效果畫上假火，並指非以方紹聰親身上陣拍攝，插爆劇集「掛羊頭賣狗肉」。
網民留言令朱晨麗登時引爆，劇中同樣飾演特技人的她立即於網上回應，並掀起一場罵戰，她上載了一段「火燒人」的現場拍攝花絮片段，片中見方紹聰親身上陣，他穿著噴有防火膠的戲服，全身著火後衝出門外，即獲工作人員以滅火筒救火，力證絕非使用CG效果。
還拖網民是非不分
她更反擊指網友是非不分，她提到：「連CG同真火都分唔清嘅朋友，憑乜嘢系度扮專業話我地都系假嘅？每個演員都系用心去演出，請唔好用一句說話就抹滅咗所有付出！特技人，都系玩命的。」
罵戰爆發後，一眾同劇演員亦齊齊開腔力撐，傅嘉莉接受東網訪問時，表示支持朱晨麗為演員發聲抱不平，她說：「我都好明白點解佢咁大反應，因為佢喺入面都有好多特技場口，會明白當中嘅辛苦，所以特別投入同肉緊。我都好支持佢為大家發聲，不過自己冇睇網民留言唔方便評論，但就希望香港人可以少啲抨擊。」至於關楚耀出席活動時，則大讚方紹聰相當專業：「當日我都喺現場，真系好佩服佢，因為公司有安排特技人，但佢都堅持自己嚟非常專業。雖然佢平時好似成日玩玩嚇，但做嘢嗰陣好認真，所以啲網民唔知真系唔好亂咁講。」
監製：真火拍攝
而《特》的監製王偉仁亦作出回應，指該場口以真火拍攝，絕對不存在CG效果，並強調本已準備了替身，惟方紹聰希望親身演繹，故經過與特技組溝通，確保完全沒有危險下才批准。