「一系唔威，一威就要龍咁威。」當年鄭中基都拍過唔少笑片，《龍咁威》一定系榜上有名！鄭中基早前宣布2019年農曆年舉行演唱會，仲公布未來電影計劃，除操肌拍攝新片《阿龍》，亦正籌備開拍佢嘅喜劇代表作《龍咁威》第3集，消息公布後，網民即指掀集體回憶，唔少人都關心幾時開拍，系咪原班人馬演出，鄭中基都有作出回應！
鄭中基透過助手回應表示的確會開拍《龍咁威3》，佢話原本想在今年年中開拍，19年賀歲檔上演，但不過依家可能要改到明年中開拍，目標系後年2020年嘅賀歲檔上映！佢仲話打算請2003年第一集原班人馬拍攝，由佢同谷德昭執導，演員就會有李璨琛、張達明同埋鄧麗欣(Stephy)，鄭中基補充話知道觀眾想Stephy可以接拍，故此希望就到檔期，能夠齊人演出。
鄭中基在《龍咁威》中，演不學無術富二代，最後在警隊中重拾勇氣。
電影中鄧麗欣是鄭中基想追的女神。
鄭中基、李燦森和張達明在《龍咁威》中分別扮演的龍威、吳樹喜和黃金舟！
當年千嬅更在《龍咁威》客串一角！
《龍咁威》叫好叫座，但第二集《龍咁威之皇母娘娘呢?》搵嚟同樣系Mini Cookies成員嘅Miki做女主角，可惜口碑好差，悶戲連場一啲都唔好笑，所以大家點估到十多年後會開拍《龍咁威3》，仲由鄭中基執導，希望真系成事又系原班人馬演出，更加希望好過第二集啦！
當年嘅Miki眼大大走可愛路線，深得少男歡心，如今佢都已經做左人妻同媽咪喇！
除左Miki，第二輯仲加入同為Mini Cookies成員嘅傅穎同吳雨霏！
仲有已經離開左我的嘅魯芬BB，有佢搶鏡嘅演出，真系令套劇生色不少，可惜我地只能憑住電影懷念佢！
睇番鄭中基近年都好少拍電影，連新歌都冇乜！佢喺90年代以歌手身份出道，一頭長髮令人留下形象，而他都有好多經典情歌，好似如《晴天陰天雨天》、《我代你哭》等，之後佢都有參與電影演出，在2003年佢喺《行運超人》中扮演反派斷蟹一角，跟梁朝偉楊千嬅大鬥法，其中鄭中基扮女人一幕，真系喜劇才華大爆發！
之後在2012年他在《低俗喜劇》中演廣西暴發戶「暴龍哥」，一口鄉音兼熱愛食野味，極為搶鏡，鄭中基更憑此片奪臺灣金馬獎及香港電影金像獎最佳男配角，成為電影事業一大突破，在影壇站穩陣腳！
鄭中基在今年初《大樂師‧為愛配樂》中演有音樂天份的古惑仔，演技被指有大躍進，並提名今年4月香港電影金像獎最佳男主角，最後敗給《殺破狼‧貪狼》的古天樂。