為陳冠希平反!黃子華《金盆o浪口》棟篤笑頭場:邊個出嚟平反,邊個就係變態!

黃子華在《金盆o浪口》棟篤笑頭場尾聲，為陳冠希說幾句。

「首先，利申，各位，我都好相信，今晚我都冇乜女fans剩，我識陳冠希，我相信陳冠希都唔係好想我講佢，唔需要為佢平反，即係同陳冠希講，"This is not about you!This is about us!"係有關我哋香港我先會講嘅啫。」

「陳冠希因為花弗，被封殺。題外話，『花弗』呢個term呢，你一個人要花，首先係要弗。陳冠希當年好弗，所以好花，ok？然後全城封殺，從此絕跡香港娛樂圈。」

「我覺得點解……我哋會咁樣樣呢？某程度上陳冠希真係對我哋有恩，就算冇恩，都叫做因功補過，但我覺得最奇怪嘅係，咁多年，我哋香港人係冇人走出嚟同佢平反，冇人夠膽。我都唔夠膽講真，但我都唔撈啦！是鬼旦啦！」即係，黃子華要為陳冠希平反。全場又拍掌。

「因為邊個出嚟平反，邊個就係變態吖嘛！係X變態！因為香港，性就係變態，係講真?！

「喺香港所有女性行為都係變態嘅，除咗性交轉運。佢唔係變態嗰啲，佢喺笨，邊有咁笨笨0架？你下次轉運搵我吖嘛，我整車轉運（子華自己都忍唔住笑）。」

「各位，今次真係最後，點解講咁多，最後都係呢啲成人嘢呢？因為一代才子囉！（觀眾大叫拍掌）呢啲咪叫呃like，但唔係我，我係講緊香港嘅黃金年代，有個黃金才子，叫黃霑，黃霑霑叔有才華，我諗唔使解釋啦。霑叔寫其中一個作品叫《不文集》，講嚇啲黃色笑話，佢解釋自己點解咁俗，我覺得好精採，呢兩句說話，佢話，佢係為真小人爭取社會地位，不讓偽君子們霸佔了全世界。」