亞視將於本月18日宣布「翻生」，未來除會推出應用程式及OTT平臺，在節目內容上亞視亦令人期待。
亞視節目《百萬富翁》當年大受歡迎，更搶走不少無綫的收視，亞視方面便打算複製歷史，推出新一輯《百萬富翁》再次派錢。據知，亞視邀請到前無綫高層陳志雲倒戈並取代陳啟泰擔任《百》主持，而曾華倩等亦會加盟亞視主持其他節目。
除此之外，亞視更落重本以2,000萬購入範冰冰主演的內地古裝重頭劇《贏天下》的香港播映權，打算與內地同步播出。有指無綫方面亦有意購入此劇，但因為價錢問題而未問最終得到播映權。
資深藝人邵音音現身追思會向方逸華致敬，她到場現場時一面哀傷，雙眼通紅。當邵音音與方逸華兩胞妹握手時，已忍不住落淚，並兩度抹淚及掩面痛哭。
曾志偉、欣宜及許廷鏗到邵氏影城出席「六嬸」方逸華追思會，腳傷未愈的欣宜撐住拐杖出席，相當有心，她說：「方小姐睇住我大，我一定要到場鞠躬，我都系飲TVB嘅奶大，一開始入行都系方小姐帶住我。」許廷鏗表示跟方逸華有一面之緣，大讚她友善。
另外，帶帽到場的王祖藍默哀時除下帽子，而賭王何鴻燊四太梁安琪到場則後跟樂易玲傾談。至於陳展鵬及女友單文柔前後腳出現，相隔不夠30秒。
女星文詠珊（JM）有份主演的內地劇集最近大收旺場，她在劇中的造型仙氣逼人，不過，為營造仙氣而要日日被大風扇吹，JM更因此病倒，加上拍攝時冇啖好食，以致消瘦不少，認真我見猶憐。
文詠珊近年主攻內地市場，有份演出的內地古裝劇《九州．海上牧雲記》收視報捷，播出15日已達30億點擊量，非常犀利！JM在劇中飾演魅靈的角色，造型飄逸充滿仙氣，不過原來仙氣背後有苦自己知，她說：「日日都要畀大風扇吹住，拍攝期間天氣好凍，吹得太勁病左，但有咁好成績好開心。拍劇時留喺象山，冇啖好食，因為只系得海鮮，自己又唔鍾意食，所以更加瘦。」她笑言又病又瘦的她顯得弱不禁風，與角色更配合。
藝人蔡思貝出席於澳門新豪影滙舉行的《TVB Anywhere星級娛樂耀澳門》，思貝以低胸Tube dress示人，樣子有點會病病的，思貝坦言朝早絞肚，感到有點身體不適，後來更嘔吐同胃痛，更痛到喊起來，之後便入急症室，醫生指她急性腸胃炎。思貝坦言可能吃錯東西，未知是否與朝早吃的乳酪有關，她謂：「打完針都好左啲，都痛，但又未至於頂唔順，不過打針時好搞笑，好耐未試過好似小朋友咁打pat pat，但系就系姑娘打的。」
藝人張曦雯（Kelly）及鄧佩儀（Gloria）以big big channel劇集《降魔的番外篇首部曲》造型到馬鞍山出席宣傳活動。對於有網民指Kelly於劇中遲遲未出場，她解釋：「咁我系魔界女王，final boss（最大的老闆）最勁嗰個梗喺最後先出場，總之出場嗰嚇系最型同最勁嗰個就得。」
於劇中會以性感造型示人的Kelly笑說：「今日好凍，喺臺上面都震曬。」問身邊的Gloria豈不是輸蝕，Gloria說：「都唔系咁睇。我的套劇有好多好靚嘅野睇，譬如搞笑嘅情節、畫面、服裝各方面都非常特別，我反而會擺番嗰注意力喺呢一方面。」
藝人岑麗香（香香）與泰臣（翟凱泰）以好運之星身份出席香港賽馬會《好運1月1賽馬日》記者會。他們聽說歷屆擔任賽馬會的好運之星，整年運程都會非常好。香香表示媽媽從小都認為她是幸運小朋友，問到會否帶旺老公及身邊人？她說：「我覺得我好幸運同有福氣，做到自己喜歡做嘅事，同有個好老公，希望Carry到大家。（延續福氣到明年再生小朋友？）福氣有好多種，同埋好多好時候可以享受，希望Carry到2018。」問到聖誕節會否留在港？香香表示始終適逢結婚一周年紀念，都希望可以去玩。
香香又表示喜歡欣賞策騎，並認為要訓練這種才能並不容易：「我都有試過策騎，系好要同良駒夾到，玩呢樣運動嘅人好犀利。（你學過策騎？）拍野學過，但冇呢個經驗，知道練馬師會花好多時間同良駒訓練同埋培養感情。」而泰臣曾到馬房拍攝節目，為良駒清理糞便。
藝人鄧麗欣（Stephy）、周秀娜到戲院出席電影謝票活動，Stephy更不惜出錢出力，特意包場廣邀親朋好友一同欣賞：「為左套戲真系要學食煙、飲酒同講粗口，所以好想同班朋友一齊睇套戲，見證住我嘅成長同變化。不過我啲朋友話我講粗口好cute，激死！我講嗰刻應該系好型㗎嘛！」
而周秀娜在活動上就繼續大爆幕後趣事，指導演要求她拔槍時不可向後望，難度好高：「因為我嘅角色要好型，褲後袋住兩枝槍，導演想我好型咁拎雙槍出嚟射，但唔向後望一望個褲袋系好難準確地猛槍，嗰陣練左好多次先有而家電影入面咁型！」
藝人張繼聰（阿聰）向來是圈中的「愛妻號」和模範爸爸，空餘都會陪伴家人，享受親子樂。東網發現阿聰與太太謝安琪（Kay）和仔仔張瞻於晚上約八時許現身於九龍區商場的餐廳開餐。明顯修身成功的Kay與仔仔張瞻先到餐廳，Kay就細心地點餐，張瞻則表現活潑鬱來鬱去，隨後一身牛仔裝束的張繼聰出現，一家三口言談甚歡。
向來工作忙碌的阿聰，非常珍惜與仔仔相處的時光，更爭取與仔仔傾談心底話。期間，阿聰與張瞻傾談人生道理，當中以天使和魔鬼來作比喻談論人生，他說：「每個人心中都有天使同魔鬼，會影響你對每件事嘅決定。」教他怎樣面對是非黑白。
歌手陳詩欣（Eunice）日前為無綫J2王牌旅遊節目《3日2夜》飛往歐洲阿爾巴尼亞取景，穿上大露背透裙長裙歎晚餐。擁有32C上圍的Eunice被問到是否因「限奶令」才轉玩露背？Eunice否認說：「唔系，因為當地系冬天，好多衫都系樽領同大褸，冇乜野可以騷。著露背裙嗰日因為要去古堡拍攝參加晚宴，場地好華麗，我同男主持都著得靚一靚，連工作人員都著得好整齊，大家都好尊重場合。」Eunice承認要靚不要命，她說：「好凍，因為得當時得3度，不過堅持要著咁靚嘅裙出嚟。」
Eunice透露此行去了阿爾巴尼亞12日，大家都羨慕她寓工作於娛樂，Eunice竟唱反調說：「行程第一日已經開始病，病到返香港即睇醫生，眼、耳、口、鼻出曬事，眼突然發炎，又因為感冒再搭飛機，耳仔一落機就『塞』，足足5日先通番，之後就輪到個鼻，臨返香港兩日好痛，返到香港檢查，原來感冒菌未清，因為眼、耳、口、鼻系通，所以啲菌走來走去。」Eunice坦言最後搞到鼻竇炎，她說：「食左成個星期抗生素先搞掂。（好辛苦？）可能第一次拍旅遊節目好興奮，唔覺得辛苦，最辛苦系忍口，睇到薯條冇得食，怕食完講唔到野，同時有好多對眼（指工作人員）望住我。」問到此行有否豔遇？Eunice搞笑說：「冇呀，我呢啲樣喺當地唔受歡迎。」
型男張孝全同楊右寧一向都老友鬼鬼，由於佢兩個都非常熱愛做運動，所以不時都會相約衝浪、健身等，搞到網民都笑佢的「HeHe味」甚濃呀！最近佢兩個仲一齊去左杜拜，齊齊享受陽光與海灘，呢日楊右寧就上載左多張佢的喺海灘嘅相，原來佢的去玩衝浪，仲留言表示：「Surf day (衝浪日)」相中見到兩大型男拎住塊滑浪板喺沙灘上大擺甫士，簡直chok到爆，當然仲唔少得大曬腹肌同胸肌，難怪好多網民都留言大讚兩位型男嘅身形真系冇得輸，仲搞笑叫佢兩個快啲一齊，會祝佢的幸福咁話！
韓國女歌手IU於12月9日及10日於首爾舉行兩場演唱會，曾為G-Dragon（GD）個唱擔任嘉賓的IU，今次首爾場首日亦邀得擔任嘉賓，GD在臺上面對IU即十分怕醜。
在臺上IU表示GD送了她一份很貴重的禮物，因為禮品太用心及珍貴，令她覺得就算打電話去答謝GD亦顯得不夠誠意。IU透露GD買了她的專輯《Palette》，並親自改造，由封面至內頁都貼了很多花花及其他素材，令到專輯閃閃發光，更即場徵求GD同意，要將禮物的照片上傳到Instagram與粉絲分享。而今日凌晨IU於Instagram上傳多張禮物照片，公開GD的作品，他將專輯每一頁上色，變得十分藝術風，亦很有GD的風格，粉絲都大讚GD很有誠意，更認為他冧女的招數強勁。此外，IU將與柳熙烈一同主持12月25日舉行的《SBS歌謠大戰》，兩人更將進行合作舞臺。