獨家專訪！鄭秀文主動聯絡阿Sa從此結緣《聖荷西謀殺案》激發二人演技大爆發
萬眾期待的電影《聖荷西謀殺案》，終於在9月25日上畫，女主角Sammi鄭秀文與阿Sa蔡卓妍同是有閱歷的好戲之人，導演是最懂女人心的潘源良，Sammi與阿Sa都接受了角色帶來的新挑戰，兩個女主角的交錯情節扣人心弦，演技大爆發，幕幕高潮激動人心。
撰文、圖片：東方新地
鄭秀文指飾《聖荷西謀殺案》角色是一種幸福
經歷過高山低谷的Sammi，對住愈來愈成熟的阿Sa，由事業、愛情到家庭，她們都無所不談，曾經飽受負面情緒影響的Sammi，以過來人身份教阿Sa如何逆境自強，痛過跌過才能使人成長，最重要是以正面心態去面對。廿幾年來演活過無數電影角色，這次遇上潘源良的《聖荷西謀殺案》，Sammi話：「人哋未睇到你慨可能性之前，必須要等，到終於有個人肯畀個機會我，咁我有一種……譁！幸福來了慨感覺。」仍未等到幸福的阿Sa，形容得更貼切：「角色劇本同演員真系一套灰姑娘慨戲，真系啱慨時候啱慨機緣際遇，就會搵到屬於你對玻璃鞋，呢對鞋我仲等緊。豁達大愛的Sammi話齋，等就會有希望。
電影《聖荷西謀殺案》 裡的阿Ling一角被Sammi喻為從影以來最難演的角色，阿Sa也說這次面對的完全不是平時熟悉的Sammi，她們異口同聲說最喜歡的一場戲是結局，阿Sa話：「最簡單set up，就系影住兩個人大頭，但系最考功夫、拍完最壓抑……唔可以講太多，會穿橋！」
從舞臺劇改編成電影，《聖荷西謀殺案》於三年前開拍，去年完成拍攝和製作工作，不過因疫情關係上映日期一改再改，今年初女主角Sammi鄭秀文被提名金像獎最佳女主角，可惜最後輸給《少年的你》的周冬雨，外界都戥呼聲甚高的Sammi唔抵，倒是早已在其他電影頒獎禮攞過影后的Sammi看得開：「獎唔重要㗎！呢個演出慨機會重要啲，打開呢一種角色慨路重要啲。」
《聖荷西謀殺案》在去年底已舉行優先場，Sammi與阿Sa的演出被行內人盛讚，更令兩位女角入圍各大電影頒獎禮提名，結果映期卻因為疫情一延再延，上畫日子如今落實在9月25日，阿Sa都話從未如此恨入戲院。
Sammi與阿Sa十七年前合作拍電影互不相識，在片場幾乎零互動，這次再合作早已成為好友，最近二人忙於奔波為電影宣傳，在訪問現場見到面也是雞啄唔斷。
為演活《聖荷西謀殺案》阿Ling 經常情緒爆發
入行三十二年，Sammi成為樂壇天后再踩只腳入影圈，拍過的大導演、最佳男主角都無數，但Sammi還是覺得自己差一個角色差一個機會，直到遇上《聖荷西謀殺案》，她說：「首先我要多謝朱嘉懿，《花椒之味》慨監製系渠，《聖荷西謀殺案》慨監製都系渠。阿Ling呢個角色，系渠屬意一定要系我做，到我睇咗個劇本，得喇，唔使講！我一定要拍。呢啲機會可遇不可求，唔系講個角色有幾特別，對某啲演員嚟講可能經常會遇到，但咁多年真系未試過落喺我身上。做咗咁多年戲，我都等緊個願意畀機會我慨人，終於等到。」
在《聖荷西謀殺案》中演阿Ling的Sammi，角色多層次而且很多情緒大爆發的場面，對她來說是前所未有的一種體驗，「以前拍杜sir（杜琪峯），大部分時候冇完整劇本，冇咩功課可以做。呢套劇本一到手，每一場我演慨戲，我喺屋企已經預演咗好多次，雖然呢套戲系我拍咁耐戲以嚟最難慨一部戲，但因為準備充足，每日去到片場我信心滿滿肯定自己可以駕馭到。阿Ling呢個角色好立體、好多唔同人性面，好多情緒爆發嗰嚇你估唔到，咁至好睇，咁至系人性！渠看似好衰，但亦值得憐憫，我同阿Sa都最鍾意最後嗰場戲，兩個人面對面淨系講嘢，拍呢套戲成日都爆喊，我每日返到酒店都好攰、覺得個人好虛耗，真系用盡真力真氣嗰只嚟㗎！」
歌影天后Sammi早年曾受抑鬱症折騰，現在她懂得凡事看開，不再執著。
有感生命中有人同行的重要
電影裡的阿Ling，看似幸福和平靜的生活在幾天之內瓦解崩離，最難過的是，最後剩下自己一個去承受和面對。想起來去年初Sammi的另一半安仔也是一夜之間讓二人的世界天翻地覆，大家都說許志安是幸運的一個，因為再糟糕的日子，身邊都有Sammi陪著一起走。
去年4月因為另一半許志安出軌，Sammi承受極大的壓力，憑住宗教信仰及懷住大愛寬宏的胸襟，Sammi與安仔都能克服障礙，繼續彼此扶持。
安仔經過長時間的沉澱，早前已出山現身ViuTV的音樂節目，重現笑容。
去年四月經歷「安心偷食」一劫，Sammi的處理方式有情有義又成熟得體，她說無論順境逆境都會同行的，這才叫做婚姻。
這些日子Sammi表現得極度大愛，受盡讚賞，對於愛，她說有些事不能太執著：「呢個就系婚姻。所謂同行，唔系淨系順境時先至叫同行，系你跌倒嗰陣時個同行者仲喺度，系咪叫渠慨福氣我唔敢講，大家珍惜啦！呢場疫情令我更珍惜，好似好老土咁，但系真慨，好多嘢好脆弱。其實做人唔使諗咁長遠，好多時好多嘢，你想事態向某個方向發展，但系最終A會變成B，命運使然……有啲嘢有得選擇，有時其實我哋又冇得選擇，我真系咁諗㗎，過唔過到聽日都未知。我覺得最差慨時候都要識笑囉，畀啲歡笑畀啲鼓勵自己，我個底就系咁，我就系呢種人，環境可以好差，遇到慨事可以好負面，但人生系一個過程，不停調適自己，學緊balance學緊點安慰鼓勵自己，學識如何原諒，成世就系咁，咁為之不停學習。與其乸住口面，不如唔好太執著，有八九十分就夠喇，對自己可以有要求，對其他人唔好太執著。」
阿Sa蔡卓妍角色顛覆以往印象
電影裡的另一女主角Yanny由阿Sa蔡卓妍飾演，她是Sammi年幼時在香港的朋友，同樣是闖了禍投奔到彼岸散散心。在短短幾天時間內，眼看著好朋友慢慢變臉，好景象慢慢變質惡化，她的演出和Sammi一樣，顛覆了這些年間觀眾自以為已經熟悉了的阿Sa。阿Sa說：「相對Sammi，我慨角色輕鬆好多。呢個劇本、Sammi呢種角色，我都等咗好耐，等於歌手遇到一首好歌一樣，好難去強求。我曾經都有諗太多慨時候，你知我以前狂拍戲，冇時間諗慨階段都試過，有幾年停咗落嚟，推咗好多戲，因為我想演好啲，但人哋又唔系全部好嘢都畀你。我覺得我得，製片導演覺得我未得，因為事實上我有一啲根深蒂固慨形象，於是乎停咗一段時間，又發覺個engine熄咁耐，架車都會壞㗎！有陣時有啲嘢唔可以強求時，我就會檢討自己，邊檢討自己邊儲多啲，呢幾年再搵埋個acting coach幫我手。愈複雜慨角色愈系咁，有個人幫我換個角度睇，原來擴闊思想空間，可以差好遠。」
上月過了48歲生日的Sammi說最近儘可能陪伴已經高齡又周身病的愛犬Lucky，她做好心理準備之餘，最重要的還是珍惜眼前人、少點執著。
肥過又瘦過的Sammi，每次開演唱會都操得什弗，她表示目前心態已大不同，不再盲目追求瘦身，勤做運動純為保持肌肉狀況。
阿Sa最忙試過三套戲、五日瞓三個鍾
大家睇住Twins出道，睇住阿Sa由小女孩長大成初熟女，時間一瞬即逝已經二十年，阿Sa說第一個十年走紅得太快，過得像一場夢；第二個十年才開始識得調節，再下一個十年，要真正為自己而活。回想過去的奮鬥點滴，阿Sa笑言：「黐線！咁就二十年，咁就就嚟四字頭！頭十年真系夢一場，忙到根本冇時間消化。我想話我完全冇諗過紅同唔紅，更大感受就系要不停做。最攰慨時候踩緊三套戲、五日瞓三個鍾，真系試過企住喺度都瞓得著，基本上瞓住化妝整頭、瞓住等化妝姐姐除曬衫換埋戲服、場務隊個劇本話我知：『你一陣間就系講呢句對白喇！』嚇？鄭伊健？唔系謝霆鋒咩？原來已經去咗第二套戲第二個片場！同埋經常發生呢一樣嘢，之前套戲OVER咗，第二套戲監製嚟搶人，嗰幾年，第一，我唔知自己邊度嚟慨力氣同精神；第二，我覺得冇良心得嚟好傷感。呢幾年工作有時遇到啲人，我以為初次見面，點知人哋話頭幾年其實合作過好幾次，我覺得自己好冇良心囉！亦好傷心真系有啲記憶系冇咗。我覺得自己簡直唔系人，所以呢十年我好努力記住合作過慨人慨樣同名，邊個幫過你，一定要記住渠。」
對於演戲與唱歌，阿Sa說唱歌像興趣，演戲才是熱愛的終身事業：「所以我仲學習緊，仲儲緊，希望有一日製片同導演會見到我已經ready！」
阿Sa說曾經事業遇上樽頸私底下生活也不如意，是Sammi主動找上門開解傾談，如今二人真的成了無所不談的好友。
經過十年終懂得調節
這個十年，除了學會對演戲有要求、學會做個更好的人，阿Sa還學會了要對自己更好：「成長就系搵個我自己過得舒適慨方式啫，一路改變自己，一路調節心態，學習點樣去過自己慨日子。以前覺得工作就系全部，以為工作等於我慨人生，當然有工開要感恩，但依家系會睇啲嘢冇咁緊張，我覺得下一秒會發生乜嘢都冇人知，最緊要過好今日。呢排喺屋企摷嘢，睇番啲舊相，搵番十幾廿個小學同學同老師。好有趣慨一件事，系見到隔咗咁多年每個人企喺唔同工作崗位，大家互相開解，互相幫忙，有啲做物流慨幫手搵口罩啦，有啲人號召我哋又一齊去做義工啦！我覺得好好，呢啲就系我想要慨生活。至於結婚……依家咁樣幾開心，就維持現狀先啦！」
抗疫的日子，阿Sa說意識到工作不是人生的全部，享受多陪媽媽多陪貓狗，還找回了失聯十幾廿年的舊朋友，終於可以過貼地普通人生活。
入行廿年的阿Sa逆齡生長keep住童顏，少女味依然重，她與Sammi一樣愛心爆棚，本來已養了一家大細的玩具貴婦狗，近年受百億太子爺男友石恆聰影響開始養貓，現在的新寵是愛貓「嚦咕」。
齊齊向下一個十年出發
Sammi和阿Sa並非首次合作，03年，即是阿Sa的第一個十年，二人已合作過電影《戀上你的床》，不過當時Sammi已是天后，阿Sa仍是新人。Sa：「嗰陣時我咁細，啱啱入行，去到現場見到Sammi都唔敢出聲。」Sammi：「其實你唔系自己所講咁怕醜㗎！你喺現場都好活潑嚇㗎！」呢十年，二人雖再無電影合作，但Sammi知道阿Sa遇上人生低潮，竟然主動出手搵到阿Sa電話，再化身輔導員進行開解，她們愈走愈近變成閨密。至於下一個十年，Sammi話：「我覺得我事業心冇阿姐（汪明荃）咁強，諗到仲要企喺舞臺就覺得攰……既然開銷同儲蓄已經足夠，我唔想再spend多十幾廿年搵到盡，我希望到嗰陣已經過緊另一種生活。」阿Sa則有另一種看法：「我諗我會繼續演，最好就好似羅蘭姐一樣演到八十歲。你諗嚇！到我同阿嬌八九十歲仲一齊行出嚟，成個金銀婆婆咁囉，好得意！同埋我都好好奇，到時啲導演會搵我做咩角色呢？」48歲的Sammi與37歲的阿Sa有著不同的人生目標，無論停步定繼續搏殺，都以幸福為終點站。
英皇集團主席楊受成博士兩年前率領《聖荷西謀殺案》主創團隊亮相「第21屆上海國際電影節」，Sammi和阿Sa性感現身，成為全場焦點！
近年甚少上綜藝節目的Sammi，早前與阿Sa一齊為《 Do姐有問題》做嘉賓玩遊戲，傻更更的Sammi加埋率性的阿Sa，笑料百出。
03年，Sammi與阿Sa曾在電影《戀上你的床》中合作過，阿Sa自稱怕醜新人一個，而Sammi當年是影壇新晉天后，二人同樣青澀。
Sammi自言性格主動，樂於以過來人身份分享並給予鼓勵，當年知道阿Sa陷入人生低潮即聯絡她，更自爆曾在家與Twins促膝長談傾心事，姊妹情由此而生。早前另一閨密周勵淇產子，二人更相約去探B。
《聖荷西謀殺案》激發二人演技大爆發
阿Sa飾演的Yanny與阿Ling（Sammi飾演）是久別重逢的閨密，阿Sa因一段失敗戀情，逃到加拿大聖荷西寄居於Sammi及其夫（佟大為飾）的家中，兩女一男共處一屋，從喜相逢到揭穿底牌，甚至動殺機，Sammi跟阿Sa上演閨密反目戲碼。
Sammi自言在戲中有不少突破性演出，她為拍床戲而增肥約10磅：「希望形體上冇咁肌肉同骨感，有別於舞臺上慨自己。」她表示現在喜歡身體有點肉，覺得很有美感。
電影海報及預告都出現一句「三個人都有殺死對方的理由」，點明三大主角的複雜關係，其中一幕Sammi與阿Sa的精採對手戲引人入勝，Sammi向戲中丈夫佟大為怒哮：「我咁多年做所有慨嘢都係為你好，點解你唔明呀？」阿Sa則突破嬌俏形象，指向腦袋激動說：「你有病呀呢度，冇人想同一個控制狂一齊！」
Sammi形容戲中的阿Ling複雜多層次，猶如魔鬼天使混合體，亦正亦邪，亦善亦惡，對愛情太執迷不悟、放不低，以及極端的愛恨，最終下場是自找的。Sammi表示自己的人生閱歷有助她拿捏角色。
由潘源良導演、翁子光改編劇本加上Sammi、阿Sa和佟大為的電影班底夠新鮮，化學作用出其不意的好，被譽為Sammi從影以來最突破的演出。
因為闖禍而投靠老朋友Sammi，故事從愛情小品進化到情殺懸疑，阿Sa直言自己的角色是最簡單的一個。