「死也要死在美國」的她，回國了！
▼
16歲日模高中生被搞大肚
經手人未夠18歲結不了婚
▼
周揚青狂數渣男 爆羅志祥粗軌玩「多人運動」
內地網紅周揚青和「臺灣舞王」羅志祥（小豬）拍拖9年，最近不斷傳出分手消息，今日周揚青終於Post出千字文直認分手，而且驚死小豬睇唔到，喺文中hashtag小豬，周揚青大罵對方系渣男，仲直指小豬會相約不同女生返家及到酒店約會，還有與化妝師都有長期不正當男女關係，更爆的是還會經常舉行正常人都無法想像的「多人運動」！
相隔數小時後，小豬在微博首度開腔回應事件，又系驚死周揚青睇唔到，文尾hashtag埋對方！不過對於周揚青的指控，與旗下的女藝人、化妝師長期不正當男女關係、玩「多人運動」、約女生上屋企及去酒店，多次背叛，小豬在回應中沒有澄清，一路迴避問題。
港姐疫境復辦 轉戰網上真人騷
因新冠肺炎疫情影響，無線之前宣布港姐將停辦一年，不過今日無線助理總經理（非戲劇製作）餘詠珊於記者會中公開表示今年會復辦，但會以一個網絡形式進行，於big big channel播放，內裡會有真人騷及全民淘汰，網民亦可於網上看到佳麗們的日常生活，泳裝、化妝等，此網上港姐節目乃官方認可，亦會選出冠、亞、季軍殊榮。而參賽者資格要是香港人，但來自各地的香港人都可以參加，五月尾開始舉行，初步會挑戰五、六十個女仔。
餘詠珊說：「因為疫情關係，我哋都唔會長期集合曬所有人一齊做，訓練嘅項目系可以喺屋企個別做，希望可以有更多觀眾參與，大家有互動。（會否有決賽？）要視乎疫情情況。」她表示選美為期兩至三個月，佳麗要自拍，亦會安排工作人員上門set up器材拍攝！
小豬被飛出兩個節目 3.6億臺幣見財化水
臺灣舞王羅志祥（小豬）現時主持內地節目《創造營2020》與《極限挑戰》，點知身在深圳進行隔離嘅佢，隔離期未過，今日被前女友周揚青爆大鑊宣布已分手！
唔少網友發現兩個節目都已經刪除有關小豬嘅博文，猜測佢已被飛走節目，有傳小豬拍呢個節目合共收3.6億臺幣（即9,400萬港元），如今既浪費隔離時間，亦見財化水。
拍拖8年！尼泊爾旅行被求婚 可宜嫁港版流川楓
可宜（Natalie）上月同朋友去尼泊爾旅行，順道喺當地出席婚禮嘅佢，原來被拍拖八年嘅甲一港隊籃球員、有香港「流川楓」之稱的鄭錦興求婚成功，今日Natalie喺社交網宣布喜訊，正式升呢成為做人妻！
講到求婚蝦碌事件，Natalie話其實男友已走漏過幾次風聲：「原本佢喺香港打算帶氣球過去，但點知佢喺飛機上話帶漏嘢，原來就系氣球。之後有次又系酒店跌咗個戒指盒，但我又以為系AirPods，再加上原來佢預備乾花同我求婚，但用個盒裝住，都幾大盒，我問我個朋友咩嚟？咁大盒唔好要啦，諗番都覺得幾好笑。」Natalie透露將會喺年尾喺香港舉行婚禮，但受疫情影響關係，就未必會喺外國影結婚相：「都想帶佢返我鄉下英國睇嚇兼影結婚相，但唔緊要啦，喺香港影都幾好呀。」
愛回家「六美飯糰」加入新成員原來系佢！
處境劇《愛回家之開心速遞》嘅一班演員十足一家人咁好感情，而呢日「Helen姐」姚瑩瑩就喺社交網大曬與「六美飯糰」好姊妹嘅合照，當中除咗呂慧儀、湯盈盈、劉思希、何綺雲及沈可欣外，仲多咗一位新成員，即獲網民紛紛競猜「何方神聖」！
不過睇真啲，原來呢位「女子」竟然系「Terry」李偉健反串扮成嘅，認真估佢唔到！李偉健亦有喺社交網上載合照，並留言笑指：「我相信觀眾嘅眼睛系雪亮嘅，好明顯...我或者...可能...也許都系一個靚女。」網友紛紛指認佢唔到，而唔少圈中好友都大讚佢「靚女」，其中劉思希更笑指：「好似瑪麗蓮夢露！」
孖周潤發半行半跑22K 劉嘉玲：對腳好似唔系我自己
劉嘉玲熱愛行山，在疫情下她更積極行山鍛鍊強壯體魄，幾乎每次都拍照，跟郊野美景一起留下紀念。
今日嘉玲在社交網分享與周潤發行山照，留言：「多謝你教識我呢個有益身心嘅愛好。今日系新記錄，22K半行半跑，以（依）家我對腳好似唔系我自己嘅」。今次有發哥揸機的發哥式自拍照，還有發哥為她拍攝的單人風景美照。
停人工受孕 鍾麗緹同老公密密造人
現居北京的鐘麗緹與張倫碩受疫情影響，不少工作叫停，與兩位女兒及張碩倫父母日日留家避「炎」，如非必要，他們儘量不外出。一家六口除了每日齊做運動外，還一齊煮健康美食。
鍾麗緹表示鑽研了不少增強抵抗力的食物：「以前太忙，依家用呢段時間學新嘢，例如跳舞同彈琴，老公就同阿女鬥舞，仲會將短片放上網。我每日會留意最新疫情資訊，從而吸收正確資料，同家人、朋友分享。疫情對全球影響好大，令我學識感恩同珍惜，好似老公自從18歲後，未試過咁長時間同老爺奶奶住，大家都好珍惜。」提到張倫碩是家中獨子，49歲鍾麗緹之前無懼做高齡產婦，接受人工受孕，但最終未有成果。問到是否繼續進行人工受孕？她說：「停咗，之前打賀爾蒙針，打到個人肥咗好多，依家改食中藥調理身體。」問到會否擔心疫情而減少造人？她笑言：「哈哈哈，冇做少到，順其自然。」
作客真人騷公開私生活 宋承憲凍齡秘訣：戒菸
43歲的宋承憲早前曾戀內地女星劉亦菲，分手後至今仍是單身。 最近他罕有作客明日播出的（24日）真人騷節目《我獨自生活》，首次公開作為男神的日常生活。
預告中透露，宋承憲將在節目中公開了自己的凍齡秘訣，他稱：「生活中做得最正確的一件事就是戒菸。」不過，靚仔私下原來是經常搞壞嘢，漏洞百出。節目中宋承憲在做料理、運動、釣魚時都不太順利，讓大家更加好奇完美男神私下的樣子。
特別聲明：以上內容(如有圖片或視頻亦包括在內)為自媒體平臺「網易號」用戶上傳並發布，本平臺僅提供信息存儲服務。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.