無線臺慶劇《溏心風暴3》昨晚播出陳敏之再去纏住有婦之夫的唐文龍，遭「正媽」李司棋怒摑，叫她清醒，今日眾演員出席宣傳活等時，司棋姐即場重演這一幕之餘，唐文龍劇中的老婆胡琳突然「大婆」上身，將成個蛋糕質落「小三」敏之塊臉，敏之因為事前不知有這安排，被嚇呆了！敏之對這突如其來安排表示沒嬲，反而覺得幾搞笑，並謂只知安排了蛋糕，大家為她預祝本月17日踏入39歲生日。胡琳就話日前才知要掟蛋糕，擔心自己不小弄傷敏之。
「正爸」夏雨亦好入戲，在臺上大叫一聲「僕街」後，就將成杯奶茶潑落唐文龍身上！唐文龍稱之前戲中都有有被潑奶茶戲，大讚夏雨好入戲，對方大叫僕街覺得好適合劇情需要。
國際影星章子怡與老公汪峰2015年尾生左女女「醒醒」，不過子怡亦都非常疼錫汪峰與前度葛薈婕所生嘅女兒「小蘋果」！日前小蘋果就拍左段同繼母子怡互動嘅片，叫對方做「媽媽」及「仙女」，可見兩人關係非常之好！而片中嘅小蘋果已經長得亭亭玉立，又不停搔首弄姿，佢仲疑將豪宅意外曝光，不過今日葛薈婕就喺微博意有所指提到女兒！
佢喺微博先後發文，佢先留言：「我的寶寶開始喜歡炫耀 偷偷的看著她炫耀」相隔幾分鐘佢又話：「嗯 12了 我30了」唔少網民都留言叫佢「別想太多啦，開心點啦」，亦有人大讚小蘋果好靚，仲問佢：「你們偶爾會聯繫嗎？」
貴為1989年嘅港姐冠軍陳法蓉，依家已經51歲，但佢咁多年嚟都Keep得好好，風採依然！
今日陳法蓉喺社交網發文指搵到珍貴舊照，仲話喺儲物房搵到香港小姐后冠同權杖，佢留言：「大掃除除了可以找到珍貴的舊相片，今天竟然在儲物房找到以為不見了很久很久的香港小姐后冠及權將（杖），這麼多年後再帶上，很多回憶！超齡了！否則再選一次想到農曆年朋友到我家來玩，孩子們又多個遊戲，就是扮香港小姐拍照！哈哈！期待期待！」
睇番啲舊相，1988年港姐冠軍李嘉欣為佢加冕，相中陳法蓉笑得勁開心，仲獲身邊嘅佳麗恭賀添！陳法蓉仲一時興起，戴番后冠同拎住權杖影相，相隔29年，陳法蓉依然靚爆鏡，網民都大讚法蓉皮膚白滑，令人羨慕呀！
資深藝人汪明荃早前慶祝入行50周年，適逢TVB同樣踏入50周年，兩部臺慶劇《誇世代》以及《溏心風暴3》亦巧合請來汪明荃客串，並同樣在下周中登場。
在《誇》劇中汪明荃飾演銀行世家事頭婆馬海倫的家姐，飾演一名「上等人」，而在《溏心3》中則飾演一名富豪的太太，角色同樣貴氣逼人，充滿氣場。而汪明荃更會在《溏心3》中，再度與「阿仔」黃宗澤（Bosco）演對手戲，是繼07年《野蠻奶奶大戰哥師奶》後再度同臺演出。
陳婉衡(Alycia)出席電影《3個綁匪7條心》首映禮，並性感的以黑色緊身裙Deep V谷胸到場，還笑言還很熱，因剛剛是搭港鐵來，且遇上6點的收工時間人多擠逼，並有做多穿外套、手袋護胸的安全措施，不擔心被人借意碰撞。提到Alycia赴北海道拍旅遊節目，她坦承要浸溫泉，並準備了毛巾及長袖防曬泳衣，覺性感不是以少布來衡量的。
張建聲與餘香凝在電影《3個綁匪7條心》飾演情侶。首映禮上，張建聲封女方為翻版楊採妮，但笑言女方的男友(陳家樂)經常監場，所以做對手戲都要勒住勒住，又補充稱跟女方的男友份屬波友，自己也絕不會為一個鏡頭影嚮球隊的團隊精祌，更不會勾二嫂，頂帽絕不會是綠色！張建聲又透露將會又監又演兩部電影，第一部將於農曆年過後開拍，並指首次任監製都很緊張。
內地於前年起開始實施「限韓令」，但卻有不少內地節目在未有購買韓國節目版權下直接照抄，而去年初在韓國熱播的人氣選秀節目《Produce 101》第二季，亦被內地電視臺照辦煮碗，打造成內地選秀節目《偶像進化論》，並於近日公開預告片。
預告片中除了有內地女星範冰冰胞弟範丞丞以練習生身份參加選秀過程的片段曝光外，韓團EXO的內地成員Lay亦以製作人身份登場，評審參賽練習生的歌舞演出並作出嚴厲的指導。他還以音樂製作人的口吻說：「我十三歲第一個舞臺就是站在這樣的舞臺，你的唱歌，你的跳舞，沒有準備好，你憑甚麼上舞臺！」認真大口氣！
童童感情事留本人回答 Hilary自爆單身唔知有冇人追上山詩鈉女兒Hilary出席名店活動時表示，回港已有1個多月，過多幾日就返回美國繼續學業，尚有年半時間就畢業。提到日前（3日）是其好友、王菲的女兒竇靖童21歲生辰，問到有否慶祝？Hilary稱大家尚未有時間見面，但她尚有幾日才離港，希望在這幾天有機會；又直言因童童長期在內地，她則在美國讀書，的確很少見面的機會。
續問有否關心童童的感情生活？Hilary稱留待本人親自回答；但坦承自己最近回復單身。有指豈非過了個Lonely Christmas？她即否認稱不會，因有家人和朋友陪過佳節。問到有否人追求時，Hilary口說不知道，但一臉甜笑。
天后容祖兒（Joey）趁住工作有空檔就獨自去左旅行歎世界，連日嚟都喺社交網交代行蹤。雖然Joey冇透露去左邊，不過睇佢上載嘅相同片，一時去浸溫泉，一時去食好西，似乎身在日本。Joey喺社交網站甫左張自拍照，並留言：「帶得條legging做運動，以為下身凍凍地（的）唔會病。點知病就唔會，只系僵左（左），拿拿聲走去買條大媽褲先！跟住睇日落」身穿羽絨嘅Joey企左喺塊鏡前面，而且手上仲拎住左一堆戰利品，收穫認真豐富呀！
另一邊廂，原來祖兒男友劉浩龍（師兄）都病左，佢喺社交網上載身處機場嘅相，並透露離開左香港去南京開工，同「病」相憐嘅佢留言：「帶著（著）病菌去路演 #臥底巨星 八天六個地方正式開始」不過師兄就喺ig story上載左段滿地白雪嘅片，寫上「到達北海道，幻想永遠是美好的。」唔通系掛住Joey？
陸永老婆Reina早前被爆不幸小產，今日她在instagram貼長文，謂同朋友去元朗食完糖水準備開車返歸之際，肚痛不知所措，「唔系想去廁所，但系都行去睇下個公園有冇廁所，痛到成頭冷汗，突然冇力眼前一黑跌低落地下，之後㩒住個肚漂眼水。同行位朋友唔熟路，報警都唔識講地址，好彩有兩個熱心人幫手，仲有位小姐畀紙巾我抹汗。另外喺車等我哋個位朋友，唔識著車閂返全車車窗又唔識鎖車，多得隔離車司機好好心幫我搞掂架車。
「上左救護車後，我又唔痛喇，做完簡單檢查後，我要求落車，我唔想去醫院等幾個鍾都未見到醫生呀！但系仲系冇乜力，三個好好人嘅救護員話如果唔痛，可以休息多陣，唔去醫院都得嘅～～最後我上左救護車，冇去到醫院！諗住搵代駕幫我揸車返屋企，但系冇預約又要入元朗，要等成個幾鍾先到喎...所以，我自己揸車走左！返到屋企畀人強迫我去私院睇醫生，我都自己返到屋企啦～～仲入羊醫院，早啲瞓好過啦！#除左跌損手腳其他野都好正常喎 #個肚離奇地一啲都唔痛 #多謝今晚幫助過我的嘅人 #唔知可以用羊嚟形容今晚發生過嘅事」
好多網民留言都叫Reina小心身體，及做個身體檢查較好；亦有經驗之談謂她應該是腸抽筋。陸永兩公婆於2011年婚後育有兩女，大女一穎細女一心精靈可愛，早前Reina佗第三胎男B時不幸流產。
臺灣女星陳喬恩於昨日（4日）凌晨在臺北因涉嫌醉駕被捕，經酒精呼氣測試後，數值高達0.67毫克，超出臺灣法定規例，被警方以「公共危險罪」將她帶返警局問話，並以10萬元臺幣（約26,400港元）作為保釋金。
曾於去年3月發表「戒酒論」的陳喬恩，事後雖在微博公開道歉以平息風波，但仍阻不了外間批評，並質疑其只飲了一罐啤酒的說法。昨日身為臺北市電影電視業職業工會理事長康凱為她護航，但竟爆出她「已婚」！
事後康凱解釋是一時誤會，澄清陳喬恩沒有結婚，外間有指他疑把陳喬恩和眾閨蜜女星組成的「七朵花」的其中一員、去年結婚女星趙小僑認錯！而趙小僑昨日也「聲援」，指陳喬恩在臺灣時常單獨在家，涉事當日只是一時疏忽，另一成員賴薇如則指陳喬恩感到很抱歉及心情欠佳，希望外間再給她機會。