胡楓（修哥）與薛家燕昨日為節目《流行經典50年》錄影。提到修哥被翻舊帳曾拍三級片，他笑言：「40、50年前喇！」家燕驚訝說：「你有拍三級片咩？」修哥說：「有拍，咩冇呀，你唔睇就蝕底。」家燕指想不到修哥會為藝術犧牲。修哥續說：「自己最弊耳仔軟，不過其實牛唔飲水點撳得牛頭低，又唔系耳仔軟曬嘅。」家燕姐最欣賞修哥敢拍敢認，她說：「佢唔會懶人哋，佢都想表演嘅，哈哈！」
提到錢國偉病逝，家燕姐大為感觸：「佢系我好好拍擋，本來中秋節去探佢，佢話唔使客氣，聽到佢離世消息接受唔到，好難過，希望佢太太節哀順變。」她又感激錢國偉搜尋到一條黎小田的鋼琴伴奏片，她說：「過年前個騷搞巡廻演出，嗰時我話想唱《胭脂扣》，黎小田（Michael）唔喺度，佢真系幫我搵到Michael條片，好似喺我後面鋼琴伴奏，好感激佢咁有心，為Michael做咗一樣咁有紀念嘅演出。」
藝人王梓軒因疫情關係，在美國洛杉磯滯留了8個月，4個星期前終於返港，已完成酒店自我隔離檢疫，他笑說：「嚴格嚟講我出咗監兩個星期，出番嚟好開心，因為8個月喺美國冇上臺唱過歌，依家可以同屋企人食飯和行商場好開心。」他說抵達美國不久，便爆發疫情，在封城下，學習視像開會、下廚、健身及度劇本等。
問到8個月是否跟石佑珊日對夜對？他笑言：「仲有個好高大嘅韓國編劇，三個人，講笑，喺嗰邊唔見到太多人，最多行公園，我又要同香港保持聯絡，時差所以瞓少咗。」他說回港最想見的人是媽咪，他說：「佢口話唔使見咁多，但我一返嚟就唔畀我出去，同佢食飯，系Sweet嘅。（一開門就攬實你？）唔敢攬住，等我衝個涼，乾淨曬先攬。」
另外，他說大約一年前，與錢國偉見面，完全不知道對方患病，他說：「佢系清減少少，但好有活力，做兩個演唱會一啲都唔攰，好積極，同佢傾偈，感覺唔到負能量，覺得佢面色紅潤添，我哋有講過等我返香港見嚇，但我遲咗返嚟。」