俗語都有話「人有相似」，娛樂圈咁大，成日都會出現「撞樣」情況，講緊嘅並唔系整容整到個個好似Angelababy果只「撞樣」，而系天生就已經好似果種！最近除咗杜汶澤覺得TVB小花蔡思貝似木村拓哉外，而近日又有內地網民將歌手盧巧音錯認為何韻詩！可能兩人都行比較中性嘅路線，所以其實何韻詩初出道時，就已經成日畀大家誤認為盧巧音，不過系估唔到過咗咁多年會畀人翻炒出嚟講啫！
蔡思貝 vs 木村拓哉、何韻詩 vs 盧巧音
所以既然都翻炒開，『金句王』就列出好多對好易撈亂嘅藝人啦！
第一組：最經典嘅當然系許志安同杜德偉呢Pair啦！話說喺2013年嘅時候，有人喺微博上載咗張相片，留言話：「喺球場見到杜德偉先生，不過條友好寸，叫佢杜生都唔採（睬）人。」但果張相嘅相中人喺許志安！當時連許志安嘅老友梁漢文同陳奕迅都有加把嘴取笑佢，梁漢文留言話：「杜生！你今日好嗎，你近來好嗎？」而Eason就話：「平時多人佢死都唔認！」
許志安 vs 杜德偉
第二組：男明星撞樣！包括有TVB藝人王浩信同楊明、森美同Otto（王志安）、臺灣男星阮經天同明道、賀軍翔同邱澤，好多人都話睇足咁耐，到依家都仲系分唔同佢哋，最搞笑嘅系有人話「佢哋唔系同一個人嚟嘅咩」，仲懷疑佢哋其實系咪孖生！
王浩信 vs 同楊明
森美 vs Otto
阮經天 vs 明道
賀軍翔 vs 邱澤
第三組：女明星撞樣！包括香港藝人蓋世寶同羅敏莊、歌手方皓玟同官欣娜、臺灣女神蔡依林同林心如、徐若瑄同李毓芬等，撞樣嘅程度，都令人懷疑佢哋系兩姊妹！
蓋世寶 vs 羅敏莊
蔡依林 vs 林心如
徐若瑄 vs 李毓芬
方皓玟 vs 官欣娜
第四組：男女明星撞樣，呢個「姊弟」或「哥妹」組包括有臺灣藝人黃立行同吳佩慈、女神鍾嘉欣同型男吳尊、歌手張芸京同男神張根碩！
張芸京 vs 張根碩
鍾嘉欣 vs 吳尊
黃立行 vs 吳佩慈