點擊上方 ↑↑ 即可關注「金句王」
話說TVB新劇《張保仔》前幾晚嘅第4集終於玩起穿越啦！估計好多人追前面幾集都係為咗睇果個穿越位。咪住！點解個畫面同Q熟悉嘅？系咪TVB重播緊《九五之尊》呀？！
↓↓↓↓↓
1. 張可頤飾演嘅呂四娘行刺船上嘅雍正（江華）
2. 張可頤被擒之際，水龍捲接近
3. 水龍捲捲起小舟
4. 開始穿越
穿越嘅過程中，畫面用彈出年份表示，果啲特技就…不過都系12年前嘅事啦！以下系12年後，號稱耗資千萬嘅特技所製作嘅穿越情節？
↓↓↓↓↓
1. 水龍捲出現
2. 陳凱琳同陳展鵬好似為咗衝入水龍捲而你追我趕
3. 陳凱琳理所當然被捲入開始穿越
4. 精彩時刻：系「時光隧道」出現歷任港督嘅2D平面圖！
5. 見到歷代港督平面圖飄過，「冇奶油」唔知道自己正在穿越啩！
6. 但最後連清朝皇帝嘅畫像都飄埋出來…但陳凱琳事後竟然會唔知自己穿越咗…
前後12年，TVB無論劇情同特技，竟然「咁」進步，真系佩服佩服！重睇《九五之尊》，穿越劇情只用咗半集交代：穿越前講述江華飾演嘅雍正解決皇弟逼宮嘅經過，講明江華嘅心計與幹練，鋪陳佢嘅靠住呢啲能力可以系現代生存。唔知點解《張保仔》竟然要用上三集先返到古代呢？為咗捧上屆港姐冠軍陳凱琳扮女警有幾勁幾勁？
PS. 根據資料，TVB自2000來拍過「4套半」穿越劇，分別系《尋秦記》、《九五之尊》、《回到三國》、《張保仔》，而剩低個半套系《隔世追空》（郭晉安透過大哥大同過去嘅父親許紹雄通話，所以計半套）。
金句王
微信號：jinjuking
睇金句王，爽過去爆房！
每日發布粵港澳第一手開心嘢！
粵語 | 爆笑 | 搞嘢 | 吹水 | 抵死 | 頂癮
歡迎搭訕 投稿都啱 合作更贊 小編微信: KingKingGuy