藝人王浩信與江嘉敏為臺慶劇《兄弟》宣傳，已先後兩次於劇集被掌摑的浩信，今次再於新劇重演「兜巴信」經典場面，被江嘉敏連摑逾百巴！江嘉敏大爆浩信為求快點完成，竟自摑一次試範，認真用心良苦。
對於該場掌摑戲份，浩信坦言明白出手的人會較被打者驚慌，故為了快快順利完成，特別示範一次，他說：「呢方面我有經驗，劇入面講我昏迷咗，江嘉敏要摑醒我，好彩冇畀佢摑到暈啫！
（最甘系今次？）又唔系，應該系劉松仁摑嗰次，佢本身識氣功，所以都叫做收咗手，呢幕都有畀網民做咗Gif圖，叫做算系對網絡世界有啲貢獻，希望到時呢套劇出街都會多啲Cap圖畀網民去玩啦！」
問到可有信心憑該劇冧莊做視帝？浩信坦言未敢多想，只望劇集播出後獲觀眾喜愛，亦寄望該劇能於頒獎禮上獲「最佳劇集獎」，那會否為自己拉票？他說：「自己拉票有啲尷尬。（叫個女喺學校幫手呼籲？）等我同佢講聲，不過最緊要都系佢畀心機讀書。」
而江嘉敏表示劇中其他女演員均有動作戲，但她唯一的動作戲卻是掌摑浩信，一Take摑了30、40巴，但最終要三Take才完成：「佢有自摑一次畀我睇，打嗰時我加埋真系打咗佢百幾巴，每一次都系真打。開頭都有就住打，但浩信叫我要出啲力先逼真，所以打到佢塊面紅曬，連我只手都打到痛，真系唔好意思，希望佢唔好嬲我啦！」
談到剛於臺灣度過生日，江嘉敏甜絲絲表示男友飛到當地與她慶祝：「佢學做咗個蛋糕畀我，去臺灣系咁啱佢要開工。（好冧？）好開心囉！不過我哋冇二人世界，都系同劇組一齊過。」