其中，梁詠琪唱到《花火》時難掩傷感之情，哽咽表示原本有一位歌迷從上海來睇其演唱會，可惜因病去世嚟唔到，用呢只曲送俾嗰位去世嘅歌迷。一向十分珍惜每位支持者嘅佢，更祈求將來開演唱會，歌迷一個都唔可以少。
《花火》
梁詠琪在收到有歌迷去世的消息時，表示需要調整心情，並眼泛
我啱啱先至收到呢個消息，心情需要好好調整一下，希望大家都身體健康。
當佢唱出《花火》時難掩傷感之情不禁哽咽，並表示想用呢首曲送給那位去世嘅歌迷。
有位上海粉絲棗子原定今日演出，但今日收到消息佢嚟唔到拉，因為佢離開咗。棗子，我知道你知道噶，呢首歌送俾你。
佢話罷雙眼水汪汪，強忍淚水繼續唱落去。GiGi喺show後透露，呢位叫棗子嘅粉絲因病離世而嚟唔到欣賞自己嘅演唱會，佢於前日早上聽到呢個壞消息頓時心情低落。佢話：
臺上我將嘅係真心話，好珍惜支持咗我咁多年嘅粉絲，一個都唔可以少，點知早上就收到呢個消息。
期間舞臺上播出Gigi與女兒的日常片段。
Gigi今次開show冇邀請表演嘉賓，以多首經典歌曲回饋粉絲，間場時播出女兒Sofia嘅生活片段，見佢聽到郭富城嘅《對你愛不完》時即手舞足蹈，又同Gigi一齊唱《世界真細小》，非常可愛。
之後Gigi就唱出送俾女兒嘅歌《My Little Sofia》，屏幕立即拍住Sergio同Sofia，只見Sofia趴喺爸爸身上，似乎有D想瞓，Gigi笑謂隔咗7年再喺紅館開演唱會，相信大家都係想睇佢呢位女神，而佢心目中則有另一位女神，正係佢嘅女兒Sofia，指女兒帶俾佢好多歡樂。
那麼多年沒有和粉絲見面，要握手當然有求必應。
之後Gigi邊唱《娛樂大家》同《好時辰》邊繞場一圈同粉絲握手自拍，更走到臺前第一排同粉絲握手，當見到老公同女兒，Gigi就錫咗女兒一下，不過佢返到臺上後笑指粉絲太熱情，將佢嘅嘴都撞爛咗，幸好只係流咗一DD血，無礙佢繼續唱歌。
《兩個人的幸運》+《狠心愛我》+《心動》
佢又感謝粉絲一直以來嘅支持，佢話相信大家呢幾年都睇到我嘅轉變，由驚驚青青、冇信心嘅Gigi，變得勇於表達自己，而家嘅階段好舒服、好自在，變得好美好。呢個轉變好神奇，我覺得係因為身邊出現過嘅每個人，令我更認識我自己、更中意喺臺上嘅呢個自己。我好享受，我會繼續珍惜、繼續去行我嘅路，繼續我嘅B面人生
然後就唱出《B面第一首》，本來演唱會至此結束，但由於粉絲非常熱情唔肯離開，換咗T恤嘅Gigi再度上臺獻唱《愛自己》，笑言已經冇衫換，唯有穿回拜神嘅衫，佢話：
頭先個感覺似未完，意猶未盡，所以再上臺唱最後2首，呢首《高妹正傳》真係最後1首，本來唔會唱，而家唔係妹啦，都40歲啦。
之後全場大合唱《高妹正傳》，Gigi更坐喺臺邊唱歌兼向粉絲派飛吻，場面溫馨。
《高妹正傳》
梁詠琪的女兒Sofia是首次在觀眾席看媽咪演出，她說：
女兒頭場後就心情興奮，凌晨一時仲喺度唱兒歌唔肯瞓，原本打算等佢睇完半場就先走，但老公話佢扶住牆唔肯走，堅持要等我一齊走。
被問到點解不拉女兒上臺一起唱歌時。梁詠琪話，
唔好啊，佢上臺嘅話要管理佢嘅情緒，而家我可以少擔心一樣事情，都係專心做好演唱會比較好。
西班牙籍老公Sergio與女兒Sofia都有撐場。
佢笑稱女兒之前經常追問佢何時開演唱會，已開始明白媽媽嘅工作，有時仲會模仿佢嘅舞步。梁詠琪透露演唱會結束後會做好媽媽嘅工作，努力投入老公嘅童裝生意。被問到會否再積極造人時，佢話：
會休息一段較長嘅時間，(造人)會包括在內，可能吧。
此外，GiGi喺演唱會中強調要唱廣東歌，佢坦言有留意時事新聞，難得返香港開show，真係覺得回自己家舉行演唱會呢件事好有意義，所以強調一下廣東話係自己嘅母語，冇咩特別含意，呢D只係講事實嗻。
至於何時會再舉行演唱會？GiGi坦言先要唞一下，可能再生完細路後會有唔同感覺，呢次事隔七年再次踏上紅館開show係好事，因為人生有好多改變，自己更懂得放開咁同歌迷表達，成個show亦都係喺度享受。
Gigi說：「終於返到嚟我嘅屋企香港喇！返嚟香港就緊系要講廣東話啦，廣東話系我哋母語吖嘛！」
慶功宴上，梁詠琪聲音變得沙啞。佢坦言已耗盡性命去完成兩場演出，對結果非常滿意，尤其見到歌迷嘅熱情，令佢大受感動。提到有歌迷不幸去世，梁詠琪話：
我亦都係開唱前先至知，聽到消息嗰一刻好心痛，我珍惜每位支持我嘅歌迷，一個都唔可以少，所以頭半場心情好沉重。
換上花花裙好有少女味！
撰稿：鍾舜英
粵語翻譯：DD
我們的粵語···正在消失
如果你熱愛粵語
請轉發
多一個人轉發·多一分力量