（星島日報）陳展鵬山頂夜會落選港姐單文柔斷正很，受無線力捧的他表面上不認戀情，卻處維護女方，更同緋聞女友胡定欣撇清關係話從沒拍拖，之後就有傳他已向無線白承認，並承諾會背曬上身自己處理。
有報報指於去年港姐競選，任星級評判的展鵬先對單文柔讚口不絕，自此互生好感，單文柔就開始連環出擊，向展鵬使出姣擒5招：主動攞電話、發動短訊攻勢、自薦做形象指導、投其所好、約做運動。
展鵬拍曬心口話自己拆得掂，但大話太多難遮掩，有報導就指山頂夜會未斷正前，二人親密行家居具店，遂揭他們已秘密拍拖就快兩個月，仲已經同居。
（註：以下內容轉自壹周plus，不代表小編觀點）
同新歡山頂偷食斷正，陳展鵬還解畫說單文柔是他的stylist，當日是為他準備之後登臺的服裝，為答謝對方才一起吃飯，向住傳媒擘大眼講大話，以為可以瞞天過海，唉到全港市民同唉埋胡定欣。
上週三（15/3）晚上9時，即山頂車廂偷食斷正前，陳展鵬瞞住胡定欣，與單文柔在九龍灣MegaBox買家私，絕對不是他自己所說的，對方幫佢搵衫，當晚陳展鵬明顯怕俾人認出，戴曬帽同口罩十足偷情裝備，至於單文柔因為外形毫不起眼，所以在場無乜人留意到陳展鵬與新歡拍拖，二人在宜家一直黐到實睇野，相當甜蜜！
兩人先去揀窗簾，陳展鵬推住手推車，將揀好的窗簾及層板放好，兩人就企埋一邊，不停研究尺寸，女方不時一副冧樣望住男友，還突然拖住陳展鵬手臂發姣放電。
之後二人又轉去另一邊睇熨衫板，見到啲小型相架，單文柔又攞起幾件，行到暗角位，原本高度戒備的陳展鵬，始終抵受唔住單文柔姣功，當女方主動挨向他時，陳展鵬就伸手從後攬實女方條腰，親密關係即時現形。
買齊東西後，兩人行去收銀處，陳展鵬付款後，他們將戰利品紮好，見陳展鵬努力將物件綁起，單文柔亦幫手攞野，絕對唔扮公主唔鬱，難得深得男友寵愛，之後二人就去搭𨋢落停車場攞車，等𨋢期間手揸住窗簾棍的單文柔，冧到不時露出勝利笑容望實男友。
據了解，上年十月擔任港姐星級評判的陳展鵬，初次邂逅單文柔，當時已經𥄫中對方，跟住在公開活動重遇，便火速抄牌，到目前為止秘密拍拖接近兩個月，他們更已經發展到同居關係。
「因為煎pang同父母一齊住，唔方便帶女返屋企，咁Phoebe（單文柔）又系同屋企人住，所以煎pang特登租左地方俾佢住，等煎pang可以方便上去過二人世界，同埋煎pang咁小心，唔會成日同女仔去街，有自己私竇方便好多。」陳展鵬身邊人說。
攝影：陳亦龍 蕭敬漁
緊急通知：由於近日封號嚴重，請大家關注下
小編備用號「TVB劇場」 ID：hkdrama
或長按下方二維碼識別即可關注！以備不時之需，先謝謝大家啦！
商務合作請聯繫工作QQ:1413379406（註明合作）