點上方↑↑藍色字「開平潮生活」即可快速關注我們！
開平潮生活微信號：kplife愛開平請關注開平潮生活，每天為您提供開平即時動態消息和吃喝玩樂攻略，不定期舉辦免費領取獎品活動！
此文作者為香港90後朱鳳翎，大家可以從中了解一下香港年輕一代人是如何看自由行。全文為繁體廣東話。
其實我只係一個普通打工仔。我覺得民主係好，普選係好，我係旺角返工，嗰時放左工都有帶個口罩落去行下，但老實講，我睇唔到香港會有咩未來。我更加想像唔到如果冇左自由行，香港會點樣，至少我可能會冇左份工。
我只係個萬寧仔。以前放學去旺角食串魚蛋行下瓊華又一日，果時行街拍拖好平，成日諗如果日日可以去旺角唔返屋企就好。點知而家得償所願，大個左就係旺角返工，但係旺角啲野已經一係就唔巖買，一係就買唔起。淨係旺角都有十二間萬寧，我做西洋菜街嗰間，即係最多自由行嗰間。
我同女朋友拍拖七年，由中學拍到出黎做野。佢係一個好女仔，一啲都唔港女，佢知我唔叻，所以我地一齊慳一齊儲錢。我真係相信我同佢會有將來，我想有我地家庭，我想同佢湊我地既細路。
情人節嗰日，我地放左工係旺角食大滿喜。
盆魚生黎到既時候，佢邊夾邊問我：「呀輝呀，我地幾時先可以買到樓結婚呀？」我放低左嚿魚生，認真咁答佢：「快架啦！」佢冇望住我，繼續夾住件三文魚點豉油。我知佢其實好在意呢個問題，只係唔想我俾壓力我所以扮輕鬆。我地食完碟魚生，佢微笑咁拎起張紙望住我問：「呀輝，你想食咩呀？」嗰下我突然有種感動，我對住一檯壽司係心入面發誓，我真係好想同佢結婚。
送左佢返屋企之後，我返返我屋邨既板間房，開電腦望下個銀行戶口。我諗起今日佢既問題，我既答案，到底我係呃緊佢定呃緊自己呢。以我萬寧仔萬零蚊就收入，就算我一個星期做足七日廿四小時，我都俾唔起一個細單位既首期。我又諗起佢今日忍住期待既表情，我好想喊。間房既木板好薄，我唔可以喊，會俾出面既呀爸呀媽細佬妹聽到。
第日一早就返公司，都係咁執貨，然後開閘等啲自由行黎搶奶粉。除左幫啲大媽搬奶粉，仲要看住堆自由行細路，我剛剛執好個架排好啲盒，嚴格黎講嗰個唔係架，係幾盒野上面放張膠片再放幾盒野上去，唔知邊個天才發明既擺法。左手邊，一個普通話細路準備黎玩推積木，右手邊個大媽扯我件制服問奶粉係邊度，我指完個細路已經黎到個架面前，呢啲細路永遠個老母唔知去左邊。佢大笑用普通話叫其他細路係另一邊推，我擋得一邊擋唔到另外八隻手，頂你個肺我巖巖先砌完，後面個大媽又扯我衫背，我邊擋邊望轉頭，啲盒開始跌「唔好再推呀你老母！！！！」
嗰一刻我情緒失控左，我知俾經理聽到我就僕街，但係我已經崩潰到理唔到，點解佢地可以一家大細黎香港搶奶粉，但我只係想結婚生仔都要咁難。我衝左出西洋菜街，街上面一個二個自由行拖住喼行黎行去，我係條街上面喊左出黎，一路跑一路喊，沿途經過好多間金舖同埋藥房，直到街口間周大福我停低左，我見到玻璃入面閃令令既戒指。我唔知聽日會點，我淨係知為左我女朋友，我今日唔可以冇左份工。我抹乾眼淚行返舖頭：「對唔住呀經理，我頭先肚痛。」
就係咁，捱得一日得一日，日日對住班大媽笑笑口拎奶粉，班細路推冧曬啲貨彎低身再砌過。點知有一晚我睇新聞，話中央即日起全面收緊自由行同樓市買賣，專家估計係因為佔中有害訊息流入乜乜乜，中國建自貿區乜乜乜。政策既野我聽唔明，我淨係諗，咁旺角嗰十二間萬寧點算。
一夜之間，成條西洋菜街冇曬人。自我係度返工以來，萬寧未試過咁靜。我開始驚。之後股市跌到金融災難咁款，旺角好多連鎖店減租都做唔住，一個月，旺角萬寧由十二間摺到得七間，金舖藥房冇曬人行，好多老闆蝕到入肉。西洋菜街一間間舖咁執，成條街都落曬閘貼曬招紙，再冇大陸人係踎係馬路邊塞啲野入喼。而我都知我嗰間都終於會捱唔住，再一個月後，我冇左份工。
不過同一時間，樓價跌到插水，我雖然冇左份工，但係我同女朋友儲落既錢終於夠俾首期，佢話：「不如我地買間細細間既單位，剩低果啲錢試下租間舖做生意丫。」嚇做生意，我成世人都冇諗過，不過而家啲租平成咁，又好似真係做得住。我地平平地咁係酒樓擺左幾圍，之後係西洋菜街租左個好細既舖位，試下做小食店賣咖哩魚蛋魚肉燒賣。
旺角冇曬自由行，變返成街都係MK仔MK妹，以前我唔鍾意佢地，但係呢幾年先發現原來MK仔係幾咁親切。條街又多返啲學生哥同學生妹放學係度拍拖，好似我同我老婆以前咁，拖手仔買兜燒賣兩份食：「嗱，整多兩粒魚蛋俾你兩個啦，記得努力讀書唔好掛住拍拖呀！」我老婆係後面望住我笑。雖然日日由早做到好夜，但拖住老婆返屋企，我覺得旺角既街燈好似流星咁靚。
今晚返屋企既時候，佢話：「咁我地個仔個名有個星字好唔好？」「嚇？我地個仔？」佢望住我笑，但係我係佢面前喊。呢次係我男人老狗第二次係西洋菜街喊。我望住以前返工既萬寧已經變左茶記，我諗起自己日日幫人執奶粉執左咁多年，我終於可以，我終於可以為自己個仔買奶粉！可能佢唔知我喊乜野，但我又喊又笑，佢又望住我一齊笑住咁喊，兩公婆係旺角深夜既街上傻左一樣，我唔知我係街上面攬住左佢幾耐，但我知道，我永遠唔會忘記呢一晚。
2月15日，繼上周末在香港屯門出現針對內地自由行旅客和水貨客抗議活動後，又有團體在沙田發起反水貨客行動，抗議內地自由行旅客過多，影響居民生活，示威者一度與內地旅客口角，情況一度混亂，警方曾施放胡椒噴霧，並帶走多人。圖為示威者圍堵內地旅客。
內地旅客遭到示威者奚落。
示威者對內地旅客高叫口號，「滾回家！滾回家！滾回家！」，部分人與內地旅客互相指罵。
示威者中有人持標語牌辱罵內地旅客。
示威者抗議內地自由行旅客過多，影響居民生活。
示威者衝內地旅客倒豎大拇指。
當所有佢哋口中嘅「大陸人」，唔再去香港自由行，唔去香港消費，唔去香港旅遊，香港會變成點樣呢？等失業率再進一步上升，經濟進一步衰退，唔知「香港人」嘅優越感仲會唔會爆棚呢？我哋一起拭目以待！
關注之後，回復以下數字，可以獲取開平所有餐飲美食、休閒娛樂、賓館住宿地址和電話，讓您在開平的生活更加方便快捷！
2：餐飲美食
3：賓館住宿
4：休閒娛樂、KTV、酒吧、浴足
5：客運班車表
6：一周天氣
點左下角「閱讀原文」輕鬆關注「開平潮生活」，獲取開平吃、喝、玩、樂信息！