往事只能回味！唔少明星童年時都係肥仔肥妹一個，圓咕碌咁得意，不過大個咗就完全唔同曬！呢排不停騷爆肌嘅森美就係其一個！近日佢仲放咗自己嘅童年相出嚟，估唔到塊面好似包咁脹「巧打意」呀！但有網民就直言完全認唔出係森美，根本一啲都唔似樣，不過有粉絲就突破盲點，森美嘅童年LOOK根本同陳奐仁「撞樣」，莫非.
無線節目《森美旅行團》頻頻宣傳，森美就不停放肌肉照，其中節目兩段絕密片段，一是森美裸浸溫泉，僅以手遮下體，盡騷大隻胸肌同手臂，當然佢有解釋，裸浸溫泉只是入鄉隨俗啦，不過囡囡都唔多妥。前排森美自爆就讀五年級的囡囡只許太太參與學校活動，全因不滿他在家經常露體，擔心他在同學仔面前也會除衫。森美笑謂：「真係俾個女激死，個個父親大熱天時在家也是這樣，何況我操到咁fit。」
不過今日咁fit嘅佢原來昔日並唔係咁，佢放咗張小學時的旅行照，仲話「去旅行永遠係最開心」，而且圖中嘅森美仲背住個背包仔，張相仲有啲變色，真係有返咁上下歷史，相信當日見完呢個小朋友，今日見返森美，你都唔會認得係同一個人。
粉絲們紛紛留言「肥仔果為係潛質股」、「你去商臺interview嗰陣時係咪用呢張相？」、「好靚仔喎，少少baby fat」。但唔少人都話，呢張相好似陳奐仁。