近年，港產片漸見復甦，由三年前《狂舞派》，到舊年《五個小孩的校長》《樹大招風》等，票房成績不俗，更挽回不少人氣。
近年合拍片可謂成行成市，基本難以界定邊出系港產片。但系，《導火新聞線》絕對可稱為港產，皆因不論故事取材、背景，定系演員同製作單位，都系百分百香港製造。
《導火》系延續自王維基HKTV嘅同名話題劇，電影版保留觀眾熟悉嘅原班人馬，例如已升職《囧報》代總編輯嘅方凝（周家怡 飾）、記者輝爺（王宗堯 飾）同阿咩（楊淇 飾）等，編劇潘漫紅更有得留低。當然，搬上大熒幕，演員陣容更會升級，預告片中所見，有好戲之人吳孟達及TVB前新聞主播方健儀等加盟。
HKTV版《導火新聞線》以港聞版傳媒作為題材，主要探討香港傳媒嘅生存價值及職業道德，令觀眾反思新聞報導取捨嘅背後邏輯，亦反映傳媒工作者不為人知嘅辛勞，包括冒住生命危險報導真相。
而電影版《導火新聞線》比HKTV版更加集中處理「新聞」呢題材，將角色之間嘅感情線撤掉，只談傳媒生態與新聞道德。兩個版本喺豆瓣嘅評分都唔錯。
片中有啲素材喺電視版出現過，如記者輝爺同轉任攝影記者阿咩，談及攝影記者 Kevin Carter 嘅《蘇丹》照片：一隻禿鷹喺遠處虎視眈眈，睇住一名飢餓中嘅兒童，照片曾經引起關於「先救人或先拍照」嘅新聞道德討論。
《導火新聞線》系一部只有110分鐘嘅電影，所以節奏非常快，開篇十分鐘已經鋪陳咗成個故事所要提到嘅主要矛盾。
在紙媒寒冬的情況下，《囧報》記者轉戰網媒，分秒必爭搶Hit Rate以令報社得以生存。
電影版更為《囧報》設計咗一個對手《閃報》，同屬免費報章配合網媒運作，《閃報》作風出位，記者手段卑鄙，《閃報》女總編（餘思潞 飾）更向方凝下戰書，表示要「從頭贏到尾」，為拍獨家片更不惜踩界。
戲中高潮位落喺一宗電視臺綁架案中，達哥飾演嘅父親因不滿姦殺女兒嘅兇手被特首包庇，喺電視臺放炸彈及挾持人質，決意討回公道。
劇情反映權貴私相授受、司法制度出現漏洞等問題，加深戲中記者等人面對嘅角色矛盾，令成部電影內容更為複雜緊湊。而擔任製片嘅蕭定一表示，電視劇遺下嘅各個疑團將喺電影版解開，有追《導火》劇集嘅劇迷不容錯過。
電影版8月初已經上映，不過喺內地上映機會唔大，大家都系等等DVD或者去香港澳門睇喇……
花尾渡：匠心獨運的手作月餅
由五星級酒店點心師傅純手工製作，十幾年的點心製作經驗，大半年的口味不斷調試，終於手作出擁有曲奇般鬆化外皮，包裹著最最好的湘蓮，粒粒起沙紅豆，原只手剝鹹蛋黃，金華火腿秘制五仁……
矜貴限量3000盒，食過都讚不絕口！
原價￥238/盒
點擊【閱讀原文】領券後購買
自己友優惠只需￥168/盒！
團購更加優惠！請致電020-83195715-805