1.張衛健地位無可替代
張衛健自2015年拍完內地劇《神醫傳奇》之後，佢就鮮有影視作品出現。雖然出而家大眾視野中嘅頻率越來越低，但系佢喺諸多觀眾心中一直都有住無可替代嘅位置。畢竟佢算系最早一批到內地發展嘅香港藝人，喺1999年佢就憑內地劇《少年英雄方世玉》爆紅，隨後接拍嘅《小寶與康熙》、《少年張三丰》等亦都大受歡迎，令佢躍升為內地一線小生。
2002年，張衛健再拍攝《齊天大聖孫悟空》，同樣深得觀眾喜愛！此後，佢更坐穩內地電視劇一哥寶座，系內地演藝圈是家喻戶曉嘅演員，同時好多80後同90後嘅觀眾都系睇佢嘅電視劇長大噶。
2.張衛健作品有保證
過往由張衛健主演嘅電視劇皆有收視保證，當中《西遊記》、《少年英雄方世玉》、《小寶與康熙》、《功夫足球》同《少年張三丰》等都系佢嘅經典作品，佢嘅作品風格獨樹一幟，更創下無數經典臺詞。佢拍戲亦出名認真，據知《大帥哥》喺最初嘅構思階段，張衛健已經有份參與，佢更不時修改劇本及拍檔嘅對白，令劇集更有水準。
劇中有非常多嘅武打戲，但張衛健幾乎全部要求親自上場，唔用替身。喺拍攝過程中，張衛健對待每一場或大或小嘅戲份，亦都有當作重頭戲嘅執著態度，就系佢執著嘅追求，先至成就一部好嘅作品。不得不提，劇中嘅由張衛健主唱嘅主題曲《大無畏》同片尾曲《蜜運》，佢亦同時灌錄咗國語版《我帥故我在》同片尾曲《後來的後來》，相當為內地觀眾著想。
3.劇情詼諧幽默且有熟悉情懷
劇集選用輕鬆幽默的手法講軍閥年代，形式新穎，而且節奏簡單易明，相當迎合觀眾對喜劇嘅口味。而當初《大帥哥》喺策劃、構想以及拍攝都以成為「50周年臺慶劇」為目標，所以好多有關元素都加插喺劇集當中，包括50年來，TVB劇集出現過嘅金句。
當中，張衛健最擅長嘅急口令式臺詞風格，相信除咗他，冇其他人可以做到呢種味道，難怪好多內地網民都堅持要聽原聲粵語版！
4.《跳躍生命線》港味濃令內地觀眾沒有共鳴
雖然TVB劇喺內地觀眾心中一直有住較高嘅地位，只要有新作品出現，內地嘅TVB劇迷們基本都會密切關注。可惜，首次以救護員題材嘅《跳躍生命線》取材於真實嘅社會事件，深度探討救護員每天徘徊生死之間嘅經歷，港味太重，未能迎合內地觀眾口味。
《跳躍生命線》是本年度「最佳劇集」得主！
雖然如此，但仍有睇過此劇嘅觀眾稱希望內地亦都可以有專業嘅救護員。相反，《大帥哥》除咗系合家歡劇集，張衛健又不時喺劇中突然講國語比如突然來一句「謝謝」同「我來了」等，會偶爾迎合一下內地觀眾嘅口味。
雖然《大帥哥》喺《萬千星輝頒獎典禮》中失落獎項，冇任何收穫，唔少網民替張衛健感到不值，但《大帥哥》叫好叫座，張衛健憑此劇亦再次人氣急升，記得雯女鄧萃雯曾經講過一句：「我寧願冇攞獎人哋替我惋惜，亦都好過攞咗獎人哋話我唔配。」希望張衛健日後會拍更多有質素保證嘅劇集。
撰稿：黃欣華
粵語翻譯：DD