TVB劇集《殺手》故事以一個抽離兼瘋狂的殺手世界為主題，播出四集以來，劇情緊湊，未見有拖泥帶水，連場打鬥畫面加上性格鮮明的角色人物，相當吸引！第二集劇情講到陳豪到廟宇上香，遇上靚女廟祝高海寧同譚嘉儀，因為太后生，令渠一度誤以為兩人系普通善信，仲兩眼發光咁同渠哋搭訕，搞到高海寧哭笑不得，場面勁好笑。
陳豪見到廟祝咁後生第一下都嚇親。（圖片：TVB影片截圖）

其實又唔怪得陳豪於劇中誤會，大家對廟祝、神婆的固有形象都系年齡較大，而今次高海寧同譚嘉儀角色一反傳統，都幾有新意。TVB眾多劇集之中，過往亦有唔少人出演過「神婆」，而你心目中最經典又系邊個？
陳立品
人稱「品姨」慨資深演員陳立品，喺電影和電視演過無數小人物。雖然品姨已經離逝多時，但渠喺83年《賴布衣妙算玄機》演問米婆通靈，念念有詞請鬼上身嗰陣，之後反埋白眼嗰嚇，真系睇到人起雞皮，令觀眾記憶深刻！
容祖兒
身為香港樂壇天后慨Joey初入行時亦拍過TVB劇集，渠2004年於《赤沙印記@四葉草2》扮塔羅佔卜師維俏維妙。
朱咪咪
朱咪咪入行咁多年，演出經驗夠曬豐富，其實渠都演過神婆！渠喺2013年劇集《貓屎媽媽》飾演胡定欣媽咪，為咗幫個女趕走工作上慨壞搭擋，仲拉埋一大班朋友去打小人，場面壯觀，仲上埋電視節目，認真誇張！
馮素波
馮素波喺2018年《平安谷之詭谷傳說》飾演一個神婆，識得厭勝之術，仲講大話稱龔嘉欣同兒子水富八字相剋，搞到二人最後母子分離。
羅蘭
要講神婆一定唔可以唔提羅蘭姐，「龍婆」系唔少香港人心目中經典，反覆出現於香港恐怖片中，呢個亦變成羅蘭姐代表角色，之前TVB劇集《降魔的》、 《降魔的2.0》羅蘭姐亦有演出「龍婆」。