呢兩年無綫劇集造就左多對令觀眾印象深刻嘅螢幕情侶，今日就嚴選左幾pair同大家重溫一下，究竟你的最鍾意邊一對呢？
洪永城＆黃翠如
雖然黃翠如與洪永城只系普遍朋友，而且各自有另一半，但觀眾始終覺得佢地系最匹配嘅一對。佢地合作新劇《我瞞結婚了》中飾演夫妻令人有好Sweet嘅感覺，而且仲有種淡淡的幸福感，可想而之佢地產生左幾大嘅化學作用！
王浩信＆朱千雪
《EU超時任務》大受歡迎，好多觀眾都話覺得渠頭（王浩信飾）對阿風（朱千雪飾）好深情，最後渠頭仲要為左救返阿風，忍受阿風唔記得佢嘅痛苦，連平時最有要求嘅高登巴打都話睇到佢地最後重遇個幕，忍唔住眼溼溼，抵佢地攞到「最受歡迎劇集搭檔獎」。繼《EU超時任務》之後，朱千雪喺王浩信嘅新劇入面有份客串再續情緣，大家記得留意啦！
何廣沛＆江嘉敏
早前播出嘅《親親我好媽》中，何廣沛及江嘉敏成為最佳CP，佢地令好多觀眾緬懷讀書時代的青澀戀事，將自己代入其中。觀眾仲喺網上留言「開拍續集啦」、「好掛住佢哋」、「乜套劇咁短？」，睇黎TVB都估唔到佢地反應咁好。
陳展鵬＆胡定欣
《城寨英雄》中陳展鵬與胡定欣由老闆娘同夥計嘅關係，後來排除萬難發展成情侶，成為唯一一對唔駛死嘅情侶 。陳展鵬和胡定欣憑住呢套劇贏得視帝視後之外，仲以情侶檔不停搵真銀，有傳佢地戲假情真秘密撻著幾個月。佢的仲會喺新劇《同盟》中再次飾演情侶，鍾意佢的嘅觀眾都時記得收睇啦！
伍允龍＆劉佩玥
《城寨英雄》中「貓仔」龍成虎同柯德莉嘅愛情故事可歌可泣，龍成虎死個場令唔少觀眾感動到喊。而現實中嘅伍允龍同劉佩玥由拍《城寨》開始緋聞未停過，好多觀眾都覺得伍允龍同劉佩玥好襯，無論外型、身高都系絕配！
袁偉豪＆王君馨
《城寨英雄》中花曼同牙佬幾經辛苦先可以一齊，但其後花曼遭殺手組織嘅人殺死，死前都來不及跟牙佬道別，看到電視機前嘅觀眾好心痛啊。 除左陳展鵬同埋胡定欣之外，袁偉豪和王君馨亦憑《城寨英雄》牙佬及花曼贏得《星和無綫電視大獎2016》嘅「我最愛TVB螢幕情侶獎」。
-End-