以前仲未興網上睇電視劇時候，唔少人都會驚睇唔到而趕返屋企睇電視。現今煲劇已經唔再局限喺電視機入面，越嚟越多人鍾意上網煲劇睇片，所以網劇已經系新一代嘅趨勢。好似由陳小春、陳國坤、李璨琛與張健聲等主演嘅4K網劇《反黑》近期喺網上熱播，引起唔少網民晚晚零時零分準時追劇，短短三日全國總點擊就破億，一星期累積達二億五點擊，點擊率更超越無綫重頭劇《使徒行者2》，認真犀利呀！不過喺噚日凌晨3點，佢哋嘅影片分享網站《反黑》頻道因惡意檢舉而被封鎖，不過經過與網站溝通後，頻道已經回復正常，大家唔使擔心。
無綫劇集《使徒行者》喺三年前播出嘅時候，因為林峰、佘詩曼、許紹雄及苗僑偉等人出色嘅演技及故事內容而大獲好評，一度被網民捧為神劇，更掀起全城猜測誰是臥底。今年無綫推出續集，不過由於系前傳嘅關係，所以冇釘姐（佘詩曼飾）同爆Seed（林峰飾）等人。不過保留卓Sir（苗僑偉飾）同歡喜哥（許紹雄飾）同埋加入宣萱、陳豪、袁偉豪、周柏豪及黃翠如等人，仍然吸引唔少觀眾及網民收看。
至於，網劇《反黑》喺上年開拍，內地投資6千萬港元製作，由電影《三五成群》飾演廿八座大王嘅宋本中執導，起用超過九成香港演員、香港製作及取景。劇集卡士強勁，除左陳小春、陳國坤、李璨琛與張健聲之外，雲集大量實力派演員，例如：吳孟達、林嘉華、陳惠敏、吳家麗、吳岱融及大佬B吳志雄等等。劇情主要圍繞黑白兩道，古惑仔、臥底和警察的故事。今次陳小春飾演臥底警察「鳳凰哥」，李璨琛飾演反黑組警察，張建聲飾演社團反派「招積」，唔少網民都好期待佢的之後會有咩火花。
另外，有報導指《反黑》已落實開拍第二季，除左主要演員會原班人馬之外，劇集亦會加入新演員上陣。如果消息屬實，對劇迷嚟講真系一大喜訊呀！