《港姐2018》7號丁子田未選已揚言100%會奪冠 唔通因為有後臺?

7號丁子田（Sara）狀態大好。

《香港小姐2018競選》今天晚上8點就正式開始，20位佳麗亦都整裝待發迎戰。相信對大部份佳麗來說，這次競選同時也是自己一生中的重要一環。昨日眾位佳麗在電視1廠進行節目綵排，可能看出不少佳麗都對臨近的競選感到些許緊張。不過大熱之一的7號丁子田（Sara）接受訪問時就表示心情興奮，更揚言自己對嬴得港姐寶座有十足把握。

自信心夠，即刻令個人都靚咗。

丁子田（Sara）接受訪問時說：「因為個（比賽）就嚟完，我好想知下一部係咩，咁我就興奮囉，係有啲緊張嘅，不過係咁就係咁，都係做得最好。（有冇信心？）有信心。（有幾多信心？0%-100%）100%，一定有。我諗選完之後會好忙，會有好多訪問，同埋我想做多啲工作，睇下公司會有咩安排俾我。（覺得有咩工作啱你？）我覺得我中文仲進步緊，不過我覺得我適合《Dolce Vita》。」

丁子田話自己100%會奪冠，呢啲咪叫自信囉。

話明香港小姐是「美貌與智慧」並重，其實丁子田（Sara）表示有100%信心成為香港小姐冠軍亦都不無道理。撇除Sara的提名人是名導演張堅庭這個因素（雖然有人話後臺夠硬都係優勢之一，不過這裡先不作討論），其實Sara由初次面試時就已經表現出充分的信心，可能再加上Sara出身富裕家庭，更滲出一種其他佳麗所缺乏的高貴書卷的氣質。

Sara睇落都幾有冠軍相。

除了外表，其實在多次與傳媒的「交手」中，Sara表現亦相當出色，面對傳媒各種問題亦都對答如流，所以可以預想到當晚問題環節必會為她取得高分。Sara在賽前曾被傳媒冠而「高學歷女神」，她畢業於美國名校密西根大學，攻讀生物心理學、 認知科學和神經生物學，畢業之後更在紐約任職醫藥顧問2年。根據歷屆香港小姐的經驗，其實學歷高又真的十分有優勢。至於網民最關心的身材一部份，其實以整體來說，又不是那麼重要。