本身也是潮州人的黃長興，自言飾演「潮州佬」對他來說亦頗有難道，因「張潮岸」的對白中經常出現潮州話，為此黃長興更經常需要致電自己的爸爸請教一二。不過，劇集《棟仁的時光》中「張潮岸」與現實中的黃長興，也同樣具備潮州人的特質，刻苦工作、愛家庭、會做生意。
現實中的黃長興其實與「戇爸」也有不少共通點。說起黃長興的演藝事業，其實真是一波三折，先是法國回流香港的他參選「香港先生」而入行，後來又因弟弟黃長發與鞋王三奶的戀情爆光演藝生涯直插谷底。之後黃長興毅然決定另創一番事業，為夢想開設自己的法國餐廳。甚有生意頭腦的他更成功在前半年回本。
進娛樂圈並不是原本打算
提到黃長興，其實也是近年才開始參演戲份較重的角色。黃長興在2005年從法國到港參加香港先生選舉，憑著他「半唐番」的外型成功籤約TVB成為藝員之一，2007年監製材叔給予他拍攝《匯通天下》的機會，從而令他放棄回法國公司的高薪厚職，選擇成為TVB藝人演員。黃長興：
材叔佢系第一套劇搵我拍嘅，因為一選完香港先生之後佢就搵我拍《匯通天下》。女朋友系郭羨妮，譁，仲要同阿MO爭。真系好犀利㗎，又要上橫店，又要騎馬。
之後黃長興的弟弟黃長發更在2006年奪得香港先生選舉冠軍。
無悔被弟弟「拖累」事業
黃長興本想著兩兄弟「拍住上」能在娛樂圈闖一番事業，可惜好景不常。2009年黃長興弟弟黃長發和比自己大16年李姿霆（Karen）發生姐弟戀，事件被媒體揭發之後，黃長發的形象「大插水」，連帶哥哥黃長興的事業也受很大影響。黃長興：
嗰時當人哋撈亂咗我哋身份嘅時候，好多嘢就會冇咗，一啲代言合約會冇咗，劇集角色又冇咗。連公司都同我講：「暫時會靜啲」。件事發生之前，工作上系有好多安排，但系件事發生之後漸漸好多都冇咗下文。其實自己都心知，好明顯系影響到。（細佬黃長發拖累咗你呢個大佬？）唔好話拖累，只不過佢有咁嘅經驗，我都唔知點幫佢。
黃長發和鞋王三奶Karen的新聞，當時是香港人茶餘飯後的話題。
後來，黃長發就如大家所知道的，回了法國發展，而身為哥哥的黃長興就繼續留在香港。黃長興：
冇計嘅，一世人兩兄弟，我哋家庭點都會支持佢。其實我哋潮州人家庭好重視屋企。
黃長興當時因為弟弟的新聞，間接令他演藝事業受影響。
那件事之後，黃長興亦沒有因被TVB「雪藏」(雖然黃長興本人堅持並不是「雪藏」)而停頓下來，反而變相成了他轉戰餐飲事業的轉捩點。黃長興：
嗰時公司話要「靜一排」真系好大打擊，我心諗點可以停工作。咁咪唯有當放下假先囉。但系我靜咗一個星期左右，就同自己講：不如出面搵其他嘢做，因為要俾家用父母，要使費㗎嘛。
剛好那個時候黃長興有機會頂手一間法國餐廳。
2009年籌備，2010年就開咗餐廳（A La Maison Restaurant & Bar）。嗰時因為原餐廳老闆唔做，所以我就頂咗嚟做。其實都只系改一改個廚房同裝修。（用咗幾錢？）大約50萬左右，因為我都系自己落手落腳塗油，上深圳買家俬，咁樣慳好多。（有冇賺？）因為我已經計過度過每日要做幾多個客做幾錢生意。頭一個月營業額已經有15萬，淨賺都差唔多10萬。
黃長興笑言，因為自己兼任廚師一職，自己又可以「慳多筆」。
不過新餐廳呢，永遠系頭3個月最好生意，哈哈。宜家就冇咁多啦，所以我哋差唔多系時候轉型。
其後生意越做越好，2016年更有投資者加入開設第2間在尖沙咀的新店（La Mer Restaurant & Lounge）。
黃長興黃長發 兄弟手足情深
黃長興從小就與弟弟感情非常好。
細細個喺法國嘅時候，當然會有人歧視。不過唔知系咪歧視定其他原因呢，細細個讀書都會俾人蝦。我哋細個都系同一間學校，佢讀幼稚園我讀小學，有啲咩事嘅時候我都會幫手。細個俾人蝦都系細路哥之間嘅事，都系喺學校爭玩具、單車或者波。咁做阿哥嘅梗系保護細佬啦，我都試過幫細佬摞返個公道摞返架單車或者波。
言談之間，黃長興亦只用「嗰件事」代表「細佬」黃長發與Karen的事情，似是對事件心有餘悸。問及黃長興如果在家人與事業之間2擇其1時，他回答說：
我會叫我細佬唔好再選香港先生。因為佢太純品，唔適合呢行啦。（點純品法？）我嗰時都俾人話純品，佢仲純品過我。即系人哋講咩佢就信囉。
不過作為哥哥的黃長興對於因為「嗰件事」而影響自己演藝事業而責怪弟弟黃長發，反而更多了與他溝通。
嗰時就唯有多啲搵佢返屋企食飯，多啲傾計，俾支持佢。
說到黃長發的近況，黃長興：
宜家都唔使理佢（黃長發）啦，佢去咗Elite Model公司做導演，又發展得幾好。之後喺當中又識咗佢嘅另一半結埋婚，生活又好好。最近好似仲話開自己嘅模特公司。
黃長興生活穩定，又愛情與事業兼得。套用一句俗話，他真的是「上曬岸」。所以黃長興現在拍劇可算是兼職和為興趣？黃長興：
系㗎。調返轉講，我已經掛咗個名系一個celebrity chef（藝人廚師），即系明星廚師咁解。例如我會去活動煮下嘢食，好似謝霆鋒嘅風格。我已經離開咗餐廳老闆，而希望喺國際地方上廚師課程，再升級下我嘅廚藝。
說回拍攝《棟仁的時光》和重回演藝圈的經過。黃長興表示好多謝珍姐（曾勵珍）。原來黃長興並沒有與TVB籤藝人約，不是親生仔，也不是籤約藝人。簡單來說，黃長興是屬於自由身。黃長興說：
珍姐話：「我哋個部門同管理唔同嘅，一個角色啱嘅，就會搵個藝術家嚟拍。」我只系想聽到呢句說話，當然佢話宜家想籤返我嘅，梗系開心啦。因為有劇拍，再加埋公司栽培，「親生仔」嘅身份，我都開心。
黃長興：
我14，15年都有拍劇嘅，但都系一啲戲份冇咁重嘅，都唔會影響太多我喺自己餐廳嘅時間。大家都知我好著緊餐廳。2010年嘅時候我都推咗好多監製同導演嘅戲，其實我都唔應該咁做，做一個演員又點會推劇吖，系咪先？但系嗰時，我覺得呢間餐廳需要我多啲。到2015年尾，合約到期嘅時候就同珍姐傾過計。我同佢解釋之前系因為餐廳。珍姐（曾勵珍）知道之後就話得啦，「你想拍劇就嚟啦。」之後就好多嘅演出機會。
撰稿：林迅景