藝人湯洛雯（靚湯）早前同羅天宇分手後，兩個都話再見亦是朋友，就好似啱啱31歲生日嘅天宇搞咗個生日派對，靚湯都有出席，似乎「情不變」！呢日靚湯就喺社交網上載咗張靚女相，個眼神仲好似帶啲憂鬱，又好感性話：「愛累了，就放手，人累了，就休息，心累了，就淡然。」似乎佢真的累了，好多網民都話靚湯呢番話似乎「有啲嘢」，不過有網民就話累了就停低休息，唔好將自己逼得太緊呀！
亞視大集合！杜挺豪趁展鵬婚禮返港見老友一班出身亞視演員時有聯絡，相當重情，日前前亞洲先生杜挺豪從多倫多返港為陳展鵬做戥穿石，所以都可以出席到聚會！
當晚席上大班前亞視臺前幕後，除袁文杰、杜挺豪外，還有林子博、梁浩楷等，聚首為人稱凌姐嘅前輩做生日！見到檯面杯盤狼藉，睇嚟大家都好盡興呀！
藝人劉愷威日前44歲生日，唔少網友都有喺社交網向佢送上生日祝福，不過當中就唔見咗一個熟悉嘅身影，嗰個就系佢老婆楊冪！其實過往5年每逢老公生日，楊冪都會喺凌晨時分於網上發文祝賀， 但今年系佢首次斷咗「五連環」，對老公零表示！呢個消息一傳出即引起網友熱議，有網友甚至翻炒原來今年楊冪生日時，劉愷威同樣冇留言送祝福，令佢哋兩公婆嘅關係再度成為焦點。
張學友高雄演唱會 炒到過萬臺幣一張歌神張學友明年1月喺紅館舉行15場「學友．經典」演唱會，歌神開騷，大家當然要搶飛支持，不過可惜無論信用卡優先訂飛同公開售票當日，都有好多人入唔到網站，最終都系買唔到飛。
嗱，絕望嘅又豈唔止得香港人，連臺灣人都一樣呀，事關今日臺灣方面，就公開發售歌神一月頭喺高雄巨蛋舉行嘅3場「學友‧經典」巡迴演唱會飛，不過3場共4萬張飛，喺短短3分鐘就賣曬，而且因為之後要喺香港開騷，唱片公司更講到明唔會再加場咁話。
而喺臺灣嘅炒飛網中，就見到學友今次高雄演唱會，最貴价錢5,800臺幣（約$1,470港幣）嘅飛，已經炒到超過10,000臺幣（約$2,535港幣）一張喇。雖然系咁，但都好過香港，事關香港嘅$980貴飛，喺網上喪炒到$9,000一張呀！
除了臺灣站嘅4萬張飛被掃清，香港站15場門票同樣於首日公開發售被秒殺，歌神果然犀利！