我唔驚被定形，我已經被定咗形啦。
周嘉洛說。TVB處境劇《愛‧回家之開心速遞》已經播出了超過330集，在劇中飾演金城安的周嘉洛演技自然流暢，形象健康又入屋。不過金城安這個角色越是深入民心，周嘉洛也就越容易會被定型，那麼他自己怕不怕呢？對此嘉洛說：
唔驚，我已經定咗形啦，件事已經發生緊，無得驚㗎。之前做《八時入席》飾演餘日潼做咗成200幾集，到拍《開心速遞》演金城安初時都會有餘日潼嘅影子，有啲演繹方式習慣咗，需要花啲時間去摵甩。如果第時完咗《開心速遞》去拍其他劇，我就會投入另一個角色，亦會有唔同嘅演繹方法，自然就唔會再系金城安。
原來這樣的情況嘉洛早已經歷過一次，難怪他有信心可以應付得來。
金城安與朱凌凌在劇中是一對很受歡迎的CP。
作為一個入行只有3年，今年只有22歲的新人，嘉洛當然有很多角色都想嘗試。提到金城安與朱凌凌 (吳偉豪飾) 是劇中其中一對很受歡迎的CP，要嘉洛演「hehe角色」可會接受？他說：
梗系得啦，做演員就系要演繹唔同嘅角色，咩角色我都接受得到。
他亦有看過去年那套話題英劇《The End of the F***ing World》，男主角Alex Lawther所演的James一角令他留下深刻的印象，嘉洛說：
我絕對想演呢個角色，佢做到我做唔到嘅嘢，我唔知自己做唔做到，希望到時有機會可以試下。對自己信心系要有嘅，但都要有自知之明，知道自己系咩位置，唔急得，要慢慢嚟。
他坦言金城安像自己所以演得比較輕鬆：
演啲唔似自己嘅角色就系挑戰，可以滿足我嘅戲癮好緊要，越難度高嘅角色越會演得開心啲同享受啲。
從最開始入行至今，嘉洛有一大半時間都在拍處境劇，行內人都說做處境劇會讓演員進步得很快，他亦有同感：
真系不斷咁練習，每日拍攝每日睇返系會進步得快啲。經過呢3年時間，自己作為演員更加認清咩系演戲，演戲系好廣闊嘅範疇，我算系進入咗度門喇。自己以前系一舊飯，依家就系一個BB，仲有好多嘢要學習，仲有好多位做得唔好。我覺得自己嘅強項系演得比較自然，弱項就系演感情戲，因為自己經歷得唔多。
嘉洛演的金城安形象入屋。
他坦言現在看到自己以前所演的戲都會起雞皮：
真系睇到起雞皮，以前竟然覺得演得幾好。依家系有進步嘅，技巧有提升，但演技仍有不足。我有對住塊鏡練習演戲㗎，作為演員對自己嘅表情理解好緊要，我重點會對住塊鏡睇住自己個樣嚟揣摩，想表達嗰個情緒嘅表情，要系觀眾抓得住嘅，呢方面仲要慢慢練習。
嘉洛與滕麗名在劇中有很多互動。
想學多一點東西，向前輩不恥下問絕對是一個好方法，嘉洛認為做演員某種程度上要臉皮厚：
我承認自己喺某啲事情上系厚麵皮嘅，當然我會知道底線。演戲唔可以有太多顧慮同包袱，遇到唔識嘅嘢又或者對自己演技無信心嘅時候，就多啲問前輩，我通常會問彤爺 (劉丹)、豹哥 (單立文)、阿滕 (滕麗名) 、馬貫東同阮政峰佢哋。佢哋都好好，好幫我肯俾意見我，會同我分享佢哋嘅經歷，令我從中得到好多啟發。
《八時入席》劇照
嘉洛之前拍《八時入席》時，視帝黎耀祥亦教了他很多：
祥哥唔會直接教我要點樣去演，而系會同我講好多開導嘅說話，等我自己去消化同理解，從而搵出適合自己嘅演繹方法。
至於是否會看前輩演戲來偷師？嘉洛說：
梗系會啦，偷師系基本嘢嚟，我依家處於觀察模仿嘅階段，會將人哋嗰套用喺自己身上，再去摸索點先啱自己。演戲無嘢系容易嘅，對我嚟講每一個步驟都系挑戰。
嘉洛坦言一直以來可以跟那麼多前輩合作，學習與偷師，覺得非常幸運，暫時他的演藝路也算平坦：
自己系處於一個好幸福、好幸運嘅狀態，完全系喺一個溫室裡長大，無經歷過風雨嘅磨練，系一隻無受過傷嘅小綿羊。訓練班畢業之後半年左右就收到通知可以拍《愛‧回家》，由《八時入席》到《開心速遞》嘅角色都好入屋，編劇寫得好貼地。
說到金城安令觀眾與網民最難忘的一場戲，應該是他被飾演媽媽熊尚善的滕麗名左右開弓打了14巴掌的一幕，不少人看到這幕都覺得他很慘，隔著屏幕都感覺到痛。不過嘉洛卻認為很好玩：
呢場戲系一次過，雖然我皮薄但系唔痛嘅，因為阿滕好專業，佢唔系下下都真系打落去，有啲系借位同借力，大家都睇唔出呢。阿滕同我之間有好多互動，令到觀眾好記得我哋嘅戲，亦都令到金城安個角色更上一層樓。
撰稿：張嘉敏