編輯:彭曉瑩 攝影:柯文雯
聽聞崗頂的天娛廣場新開咗好幾間正到爆的店,作為吃貨二話不說!去去去!直接奔上天娛五樓,可能是緣分,首先入我眼的就是依間漁鮮生丼屋,間店夠精緻,個名夠特別,出品由日本師傅指導,優惠仲好給力,消費滿100送50,每臺送一份三文魚刺身,每位送一份例湯,活動持續到1月底,試完之後榮登我最愛的日料店第一位!點解?!往下拉就知啦!
科普:店名的丼字有兩意,一是形容聲音,往井裡掉石頭,會發出「dom」一聲;二是指日本的蓋飯,方圓形的瓷碗裝滿米飯等料理。
精緻!推拉門式門口,一進店,橙黃的暖色調令人瞬間倍感溫暖,店面唔大,桌椅擺放有致,仲有開放式廚房,一間小而精的日式料理店!
一邊嘆住壽司刺身,一邊睇住靚仔師傅整壽司的過程,質量衛生都可以放心啦!睇下師傅幾專注,啦啦臨偷拍翻兩張先!
三文魚蓋飯,相信是廣州最抵食的刺身飯了,38蚊有五片厚切三文魚、螺肉、海草、玉子、筍、花狀壽司姜、樹葉型wasabi,造型吸引!小編所講的抵食唔一定是價格最低,但一定是性價比最高的!食材的新鮮一試就知!
三文魚紋路清晰,輕輕擺落口,嘴尖即刻感受到絲絲清涼,毫無蘸醬享受住魚生最純粹的鮮!而且適當食三文魚,可以防治心血管疾病,蘸d芥末豉油繼續落力食食食!再夾件螺肉,螺肉件件大隻完整,毫無碎塊,有嚼頭,食得我好過癮啊!(๑•̀ㅂ•́)و✧
相比上一款,依款元貝甜蝦蓋飯睇落更加小清新!尤其吸引就梗是中間傲嬌翹尾的北海道甜蝦同兩邊色澤透亮的元貝,仲有北海道蟹棒、魷魚、三色蟹子等,料足,海鮮味足,抵食!
食慣乾貝,鮮元貝一入口,竟然無腥味,仲帶住檸檬的清新,水水嫩嫩!來自北海道的甜蝦,一個字,甜!粘粘的口感,質感獨特!仲有不可忽視的蟹棒,小編最愛,肉質分明,絕對貨真價實!
豪華陣容的海皇の蓋飯,份量、種類十足,刺身鋪滿成個飯,搞到我連粒米都見唔到,一個女仔食曬所有刺身,飯都唔洗落肚已經飽曬!甜蝦、希鯪魚、元貝、北極貝、三文魚…就是那麼鮮爽!
令人驚豔的絕對就是58蚊就可以擁有甘豪華的蓋飯!食材新鮮嫩出水,顏色層次分明的希鯪魚,口感同一般魚生唔同,雖然唔會特別嫩滑,但是口感更獨到,有嚼勁,味道更加清新甘美!北極貝肉厚鮮嫩,內裡蘊藏豐盈汁水,小編我就鍾意蘸d芥末食,咬的瞬間,又嗆又鮮!爽!!!
如果覺得天凍唔想食刺身飯,其實仲有好幾款皇牌熱食推薦!蒲燒鰻魚飯就俾足我驚喜啦!唔是用鰻魚粒,而是整整一條鰻魚!個飯是筷子筒的份量,驚呆了小夥伴!
米飯同鰻魚之間鋪滿一層蛋絲,但是一d都無妨礙兩者之間香氣融合,一啖飯一口香甜鬆軟的鰻魚,飽腹又暖胃,鰻魚面仲有草莓點綴,十分嬌嫩!
明治咖喱豬扒飯,日式做法的咖喱偏甜,咖喱汁唔會稀疏,濃稠適度,配埋煮得香甜的洋蔥,撈飯食贊~\(≧▽≦)/~當然仲唔可以忽視塊豬扒,一啖落口鬆化酥香,送住微甜汁底一齊食,夠風味又地道!
睇睇菜牌,漁鮮生的壽司雖少,但是件件必試,錯過一件都覺得人生唔完滿咯(¯﹃¯)食材去到盡,價格好親民,抵贊!
深深體會到靜靜甘品味一件香煎鵝肝壽司,簡直就是種享受!香煎過的鵝肝油香豐腴!一啖落口,首先觸碰到薄薄一層脆皮,緊接著皮開肉綻,絲滑豐盈感滑過喉嚨,最後咬上壽司飯,不油不膩!而且價格超值到逼我再來一件!
炙燒蟹棒壽司是我迷戀漁鮮生的一大原因!皆因本人非常鍾意蟹棒,但是食過甘多次,次次出品都傷透我心,今次一試,正到我要高唱終於等到你,還好我沒放棄~~選用北海道蟹棒,貪心想一啖吞落肚,發現大件到塞唔落,滿口蟹嫩鮮甜,一件先9蚊!老細,蟹棒我全包了!!!
赤海蝦壽司,一上臺以為是刺身,再認真望望原來是壽司!睇佢個款以為好貴,點知仲是9蚊,只要9蚊,冰鎮的造型好銷魂,蝦肉兩個字,鮮!甜!蝦肉粘滑可以拉出絲,搭埋壽司飯又鮮又飽肚,棒棒噠!
嬌嫩的炙燒三文魚壽司在呼喚住我!面頭的微微火炙,帶出三文魚同醬汁的香,輕輕咬一啖,入口微熱,三文魚軟嫩,8蚊一件,大件夾抵食!我發現漁鮮生的壽司食材、師傅手勢夠正之餘,壽司飯的份量都把握得好好,唔多唔少,唔會令人有齋食飯飽的感覺,而是真正享受緊壽司o(≧v≦)o~~
炸軟殼蟹,軟殼蟹是種特殊食材,就是響螃蟹巖脫去舊殼,新殼仲未堅硬的階段,捕撈後即刻生凍,以保持鮮度!一出爐就散發出濃濃酥香!簡直引人犯罪!
睇上去瘦猛猛,其實裡面好有肉!而且可以連殼食,外殼炸到香酥可口,但是蟹肉依然保持鮮嫩多汁,成只一齊食,香脆有肉,微微油香溢出,色澤已經誘人,味道更甚!!!好正!
小編我對造型可愛Q彈的美食一向無抵抗力,點咗個日の草果試下,五色五味,芝麻、綠茶、花生、麻薯、原味,款款都外皮軟韌,內餡飽滿清甜,糯性強,口感黏黏韌韌,12蚊有交易,食完感覺自己萌萌噠!
食咗甘多料理,硬是覺得差咗d乜!沒錯,就是一杯原汁原味的番石榴汁!甜而不澀,清涼透心,又帶種水果的清香,一飲而盡,痛快!番石榴據聞是世上維生素c最豐富的水果,抗氧潤膚,貪靚就飲多兩杯啦!
朋友將漁鮮生丼屋比喻為「平民飯堂」,的確!可能是廣州最抵食的刺身飯,38蚊料足出品靚;鵝肝、蟹棒壽司,正到爆炸!炸軟殼蟹等特色小食味道獨特,全部都不得不試,款款都良心推薦!最近消費滿100送50,仲送三文魚刺身,默默開始後悔上次未食夠,下次繼續!等我!!!
優惠信息:消費滿100送50代金券,每臺送一份三文魚刺身,每位送一份例湯,優惠截止至15年1月31日。
店名:漁鮮生丼屋
電話:020-38460059
地址:廣州市天河區天河路621-625號天娛廣場五樓501自編01及02鋪E區
交通指引:搭乘地鐵三號線至崗頂站A出口下,按地圖所示走至天娛廣場五樓即可
----我是華麗麗的分割線君
【關於我們】
@吃喝玩樂IN廣州 是廣州地區最大的微博、微信平臺,微博粉絲超過300萬、微信粉絲超過50萬,發布一切關於廣州的生活資訊、美食優惠、玩樂攻略等,如果你想了解更多廣州玩樂資訊,請關注@吃喝玩樂IN廣州 官方微信:Gzlifes
【聯繫我們】
商家撰稿、餐飲推廣、到店採訪請聯繫主編微信:Gz1498,期待與您的合作