三伏天到，天氣炎熱~
湛江進入「燒烤」模式！
氣溫直逼30℃+，人都融~
酷熱難耐，
面對如此高溫「烤」驗！
好多人都心煩氣躁~
比如咁樣。。。
↓↓↓
唔想變成angry bird？~
圈仔自有妙招！
12款夏日消暑必備湯水，你值得擁有~
簡單易學，快D動手！
NO.1 黃皮雞湯
材料：黃皮、鮮雞、食鹽
做法：
1.先將黃皮去枝葉，洗淨備用即可
2.將鮮雞洗淨，切塊；再飛水（焯水）去除多餘肥油備用
3.先將鮮雞冷水落煲，熬煮成鮮雞湯。
4.最後15分鐘，加入黃皮一齊小火慢煮；加入食鹽即可。
推薦理由：
雞肉富含多種營養，肥油較少；黃皮又可以生津止渴~兩者熬湯，黃皮既可以化解雞湯油膩感；雞湯嘅鮮甜又可以掩蓋黃皮皮嘅苦澀之味道，真系一舉兩得！味道鮮甜爽口，仲唔快D動手試試？~
NO.2 黃豆涼瓜排骨湯
材料：黃豆、涼瓜（苦瓜）、排骨、食鹽
做法：
1.先將涼瓜洗淨去囊，切成厚片；黃豆用熱水浸泡；豬骨洗淨飛（焯水）備用。
2.將所有材料落煲，加水大火煮滾；改小火慢熬1.5-2小時
3.加入食鹽即可。
推薦理由：
本湯入口雖有少少苦味，不過味道回甘~清潤解暑，真系一流！好適合廣東人，喺咁樣溼熱天氣時候飲用。圈仔都忍唔住要煲翻碗，降火呢~
NO.3淮山排骨湯
材料：鮮淮山（山藥）、排骨、姜塊、食鹽
做法：
1.排骨洗淨，斬成小塊；山藥去皮洗淨，切成滾刀塊
2.排骨用清水浸泡30分鐘，去除血水同異味
3.將排骨、薑片凍水落煲，大火煮滾。慢燉30分鐘，熬煮途中注意撇除浮沫
4.加入山藥塊，再燉30分鐘至山藥軟爛，加入食鹽即可
推薦理由：
依款養顏祛溼嘅滋潤湯水誠心推薦比各位美人！排骨香滑細嫩，味道鮮美，營養非富；配上山藥健中補虛，美味又清潤，啱曬喺熱辣辣嘅天氣時候飲用
NO.4 冬瓜綠豆煲老鴨
材料：老鴨、綠豆、冬瓜、芡實、姜、食鹽
做法：
1.將老鴨切塊，衝洗淨。飛水（焯水）備用。
2.將洗淨綠豆同芡實、鴨塊、薑片一齊落煲，大火煮滾，小火慢燉一個半小時左右
3.將冬瓜洗淨，帶皮，切大塊，放入鍋中，繼續燉半小時。
4. 加入適量的鹽調味，即可。
推薦理由：
天時暑熱，食用冬瓜就最消暑不過~鴨肉有滋潤生津，冬瓜又可消暑清熱，一齊煲湯就真系掂、靚、正！湯水清潤鮮甜，味道回甘，令人回味無窮~
NO.5 廣式清補涼
材料：薏米、紅棗、雪耳、赤小豆、蓮子
做法：
1.將所有食材洗淨
2.除赤小豆用熱水，其他食材用凍水浸泡半小時
3.如果擔心蓮心苦澀，可以去除蓮子心
4.將所有材料都放入煲中大火煮滾，小火慢燉，直至所有材料煮至綿綢
5.喜歡食甜嘅朋友可以放入冰糖；反之可以放食鹽或者唔放
推薦理由：
一睇嘅名就知道系清熱佳品~清補涼唔單止可以煮水飲用，清熱祛溼；仲可以飽肚充飢，當五穀雜糧。消暑人士、減肥愛美之人都好適合噶！
NO.6 山楂麥芽煲豬橫脷
材料：山楂 、麥芽、谷芽、小麥
做法：
1.豬橫脷洗乾淨，切去底部白色肥油，切成段；飛水（焯水）備用
2.麥芽、谷芽、小麥洗淨，用清水泡浸20分鐘。
3.獨腳金用水泡10分鐘，再用清水衝洗乾淨。
4.山楂、蜜棗洗乾淨備用。
5.所有材料處理完畢後瀝乾水分。
6.全部材料落煲，加入適當清水；蓋上鍋蓋，大火煮後轉中小火煮1.5小時左右即可。
推薦理由：
夏天熱辣辣，冇曬食肉？唔緊要，一款開胃消滯嘅湯水啱曬你！酸酸甜甜，清熱消滯，等你喺夏日之中放心食~
身為上班一族，
唔夠時間煲老火靚湯？！
貼心嘅去圈仔誠意奉上：
快手消暑湯水
NO.1 番茄魚片湯
材料：番茄、鮮魚肉、食鹽
做法：
1.魚肉洗淨，切成薄片；加入生粉、食鹽、胡椒粉醃製入味，需時大約5-10分鐘
2.番茄洗淨，切成厚塊備用
3.熱油落獎蓉爆香，加入番茄塊快炒
4.鍋中加入適量嘅清水，將番茄煮至表皮同肉分離狀；加入魚片煮滾，加入食鹽調味即可
推薦理由：
營養美味嘅番茄鮮魚湯就出爐喇~爽口嘅番茄，配搭上鮮甜嘅魚肉，此湯酸甜可口，做湯做餸都得。啱曬上班族嘅人啦！
NO.2 蜂蜜梨湯
材料：雪梨、蜂蜜
做法：
1.雪梨洗淨取芯，切塊；然後冷水落煲大火煮滾，慢火煮15分鐘左右
2.雪梨水稍涼，加入蜂蜜拌勻即可（如果嫌等待雪梨水變涼，時間長，可以改用冰糖代替蜂蜜，最後五分鐘時加入即可）
推薦理由：
夏天系食水果時節，點少得雪梨出場？！潤燥，生津就最啱不過~而且簡單又便宜，好適合各位上班族同懶人一族呢！
NO.3 香菇豆腐湯
材料：鮮香菇、豆腐、火腿腸、小白菜、蔥花
做法：
1.將香菇去其根部，清洗乾淨，用刀斜片成片；豆腐切成片；火腿腸切片；小白菜清洗乾淨，去其根部；
2.鍋中加入適量清水煮滾，將所有材料放到滾水之中，轉中小火煮10-15分鐘即可。
推薦理由：
喜歡素食嘅朋友就唔好錯過喇！湯汁乳白，香鮮爽口，豆腐細嫩，營養搭配合理。
NO.4 冬瓜蓮子湯
材料：冬瓜、蓮子
做法：
1.冬瓜洗淨，切皮去瓢，切塊備用
2.蓮子洗淨去芯，然後用冷水浸泡
3.將所有材料落鍋，加入適量清水，大火煮滾轉中小火；將材料煮軟棉即可
推薦理由：
快手靚湯嘅保健功效都好正鬥呢~消暑養胃，清新鮮甜，好啱男女老少食用！
NO.5 綠豆薏米湯
材料：薏米、綠豆、冰糖
做法：
1.薏仁及綠豆洗淨後，用清水浸泡隔夜；
2.薏米、綠豆一齊落煲，加入適量清水，大火煮滾；轉中小火，直至薏米同綠豆煮至綿爛。
3.根據個人喜好，加入適量冰糖或者食鹽即可。
推薦理由：
美味可口嘅綠豆薏米湯完成啦~清熱解暑，仲可以祛溼！自家食用，或者同朋友分享都唔錯！快D大展身手一番~
NO.6 滋味鮮蔬湯
材料：西紅柿，捲心菜，青椒，芹菜，胡蘿蔔
做法：
1.所有材料洗淨，切塊備用
2.喺煲中加入適量清水煮滾，放入所有材料；加入少許黑胡椒，轉中小火煮10-15分鐘。
3.最後加入食鹽調味即可~
推薦理由：
炎炎夏日，日照猛烈，好容易曬黑~依款鮮蔬湯，飽含滿滿嘅纖維素同維生素，排毒養顏啱曬啦！
睇到咁多款清潤祛溼湯水，
圈仔都流曬口水！
趁依個周末，煲起身~
（本文內容來源網絡，如有侵權請您告知！）
微信文章不過癮?
朋友圈刷膩了？
點擊左下角下載「湛江圈」APP，
和800多萬湛江人一起玩轉湛江！