（原標題：雞忘記）
「雞年，系咪唔可以食雞呢？」飯臺上，個細路女問。「傻女，食雞冇問題，不過雞忘記就唔好食喔，食咗就會忘記曬啲嘢嘎！」個阿婆笑住話。「咁唔系仲好咯，唔開心陣時，食咗佢就可以將佢忘記咗。」個細路亦開玩笑。
廣州人講嘅「雞忘記」，系雞嘅脾臟，喺雞嘅內臟裡邊。舊陣時，廣東民間有個講法，話細路仔唔可以食，食咗就會記憶力就會下降，讀書就唔叻。到底點解有呢種講法，家陣都好難考究。推測之一，就話因為「雞忘記」喺雞肉裡面，屬於軟嘅部位，食起來可口，通常會留俾老人家先食，為咗氹細路仔，大人於是就編出咗呢個故事。如果真系咁，亦講明古時嘅廣東人孝敬老人嘅優良傳統。推測二，就系話從某種角度看，「雞忘記」可能真系唔啱細路食，不過呢個推測似乎更加冇根據。
記得我細個陣時，屋企食雞，大人仲有一樣嘢唔俾細路食嘅，就系雞肚裡邊未成型嘅雞蛋（雞胚）。大人嘅講法就系話，呢啲系「未見天日」嘅嘢，唔夠吉利。不過呢個講法迷信嘅成分居多。有醫生就認為，呢啲同生咗嘅雞蛋營養成分類似，唔俾細路仔食並冇咩依據。不過從科學嘅角度睇，雞確實有幾部分，無論大人細路都唔啱食嘅，譬如雞頭、雞屁股、雞頸，因為重金屬、毒素多，或者淋巴組織多等原因。
聞歌 媒體人