劉皇發遲到，未能投票。
政改方案昨日 (18日）於立法會遭否決，最令人感到意外的是投票過程，33位建制派議員以「等埋身體不適的劉皇發（發叔）」為由，拉隊集體離場，意圖拖延投票時間，結果出現只有8票贊成票的爆笑場面。
對於今次建制議員擺烏龍，加上「等埋發叔」這個卸膊藉口，實在令全城網民食盡花生。向來快手的網民更為發叔開設fb專頁「等埋發叔」，不足24小時已經逾1.3萬人讚好，果然全城熱爆！
昨晚有大量以「等埋發叔」為題的「抽水圖」在fb洗版，網民笑言「簡直抽到東江水都乾」！「等埋發叔」旋即成為網絡潮語，更被認為是解釋遲到藉口的「終極萬能key」！
「等埋發叔」成功登上潮語卡，用法如下，
朋友：喂，你做咩咁遲呀？
你：「等埋發叔」吖嘛！
親戚：仲未見你帶個女友來返見下嘅？
你：你俾啲時間我，我想「等埋發叔」。
相片來源：有種美德叫有種 by 陳到 fb
網絡畫家別別豬講都係咁講......
相片來源：別別豬 fb
政改口號「2017一定要得」改成「2017等埋發叔」，應該無人反對吧？
相片來源：fb
仲有媒體將女神周慧敏的「等一個人咖啡」改成......
相片來源：dbc MM fb
早前朱古力抽水廣告熱爆全城，網民再用廣句口號生成器再整出抽水圖，肚餓想食朱古力？記得等埋發叔先！
相片來源：fb
發叔的洗版程度，是連環保組織綠色和平都要出來抽一抽：
相片來源：Greenpeace 綠色和平 fb