又是「人情」惹的禍！藝人林子善去年4月與老婆董佩欣於將軍澳某酒店筵開63圍補擺喜酒，當時鄭嘉穎、袁偉豪、馬國明、唐詩詠等更組成星級兄弟團贈興，非常熱鬧！怎料，原來當時林子善因為300蚊人情而鬧不愉快事！他於社交網留言揶揄朋友主動要求出席婚宴，但又只畀300蚊人情，令他與老婆失笑，大家不妨睇睇他跟「人情王」的對話如下：
林：你畀我份人情令我永世難忘
朋友：自己都唔系好記得
林：$300
朋友：真系唔系好肯定入咗幾多，印象中好似系$500，如果真系入少咗，親自搵你賠罪！
林：我諗你一定系放錯咗錢，人情$300其實我都冇乜所謂，你冇錢我都冇所謂，我請你食飯都冇所謂好閒，最搞笑系你Facebook inbox我話想參與我嘅婚禮，最後一個咁嘅結果，嗰嚇我同我老婆真系笑咗出嚟。
林子善仲叫對方上網搵嚇去酒店人情基本畀幾多。對於因嫌3舊水人情而在社交網「潤爆」朋友反面收場，林子善明顯不想愈描愈黑，免講多錯多，回覆時只表示不作回應，亦指只是開玩笑，自己經常亂噏。
其實網上都好多因為擺酒人情畀得少，而掀起很多爭執，今次林子善「3舊水人情事件」，亦令不少網友聯想到劇集《My盛Lady》裡面，林子善同梁靖琪，在酒店會場度鬧爆黃子華等人做500蚊人情，被唱「呃飲呃食」，都可謂戲如人生囉！
—— 分享新聞，還能獲得積分兌換好禮哦 ——